«Հայաստանի Հանրապետության կառավարության 2023 թվականի սեպտեմբերի 28-ի N 1667-Ն որոշման մեջ լրացումներ և փոփոխություններ կատարելու մասին» ՀՀ կառավարության որոշման նախագիծ

ՀԻՄՆԱՎՈՐՈՒՄ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ

ՍԵՊՏԵՄԲԵՐԻ 28-Ի N 1667-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ

1. Իրավական ակտի անհրաժեշտությունը

Նախագծի ընդունումը հետապնդում է համայնքային գույքի օտարումն ու վարձակալության տրամադրումն առավել արդյունավետ և թափանցիկ դարձնելու նպատակ, որը, այսուհետ՝ իրականացվելու է պետական գույքի օտարման և վրաձակալության տրման դեպքում իրականացվող էլեկտրոնային միասնական համակարգի (այսուհետ՝ Համակարգ) միջոցով, ինչը նպաստելու է համայնքային գույքի օտարման և վարձակալության տրման արդյունավետության բարձրացմանը։

2․ Կարգավորման նպատակը և ակնկալվող արդյունքը.

Կատարվելիք փոփոխությունների արդյունքում ակնկալվում է, որ գործընթացի գործարկման արդյունքում բարձրանալու է համայնքային գույքի օտարման արդյունավետությունը, ինչի միջոցով նաև ավելանալու են համայնքային բյուջներ մուտքագրվող գումարների չափերը, ինչը նպաստելու է համանքների հետագա զարգացմանը, կրճատվելու է լրացուցիչ վարչարարությունը, ապահովվելու է գործընթացի թափանցիկությունը։

Որոշման նախագծի ընդունման ժամկետի սահմանումը պայմանավորված է սերվերային համակարգի վերազինման հնարավորությամբ, ինչպես նաև ծրագրային կայքի փոփոխություններով։

3․ Լրացուցիչ ֆինանսական միջոցների անհրաժեշտությունը և պետական բյուջեի եկամուտներում ու ծախսերում սպասվելիք փոփոխությունները.

«Հայաստանի Հանրապետության կառավարության 2023 թվականի սեպտեմբերի 28-ի N 1667-Ն որոշման մեջ փոփոխություններ և լրացումներ կատարելու մասին» ՀՀ կառավարության որոշման նախագծի՝ պետական կամ տեղական ինքնակառավարման մարմինների բյուջեներում ծախսերի և եկամուտների ավելացումների կամ նվազեցումների մասին տեղեկանքի լրացման անհրաժեշտությունը բացակայում է, քանի որ պետական կամ տեղական ինքնակառավարման մարմինների բյուջեներում ծախսերի և եկամուտների ավելացումներ կամ նվազեցումներ չեն նախատեսվում:

4․ Նախագծերի մշակման գործընթացում ներգրավված ինստիտուտները և անձիք.

       Նախագծը մշակվել է ՀՀ տարածքային կառավարման և ենթակառուցվածքների նախարարության պետական գույքի կառավարման կոմիտեի կողմից:

5․ Կապը ռազմավարական փաստաթղթերի հետ.

Նախագծերի ընդունումը բխում է ՀՀ կառավարության 2021 թվականի նոյեմբերի 18-ի «Հայաստանի Հանրապետության կառավարության 2021-2026 թվականների գործունեության միջոցառումների ծրագիրը հաստատելու մասին» N 1902-Լ որոշման Տարածքային կառավարման և ենթակառուցվածքների նախարարության մասով 106-րդ կետի՝ 106.1-ին ենթակետի  միջոցառման կատարումից։