«Հայաստանի Հանրապետության կառավարության 2006 թվականի հունիսի 22-ի N 897-Ն և Հայաստանի Հանրապետության կառավարության 2015 թվականի սեպտեմբերի 17-ի N 1072-Ն որոշումներում լրացումներ կատարելու մասին» Կառավարության որոշման նախագիծ

 ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

ՈՐՈՇՈՒՄ

___________ 2025 թվականի N ____ - Ն

      Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2006 թվականի հունիսի 22-ի «Խնամքի և սանիտարական հատումների իրականացման կարգը սահմանելու մասին» N 897-Ն որոշման հավելվածի՝

• 34-րդ կետի «տերևաթափը» բառից հետո լրացնել «(բացառությամբ վեգետատիվ ծագման (մինչև IV հասակային դաս) կամ համատարած հատումների արդյունքում առաջացած ծառուտների նոսրացման հատումների),» բառերը,
• 37-րդ կետից հետո լրացնել 37¹-րդ կետ հետևյալ բովանդակությամբ՝ «37¹. Վեգետատիվ ծագման (մինչև IV հասակային դաս) կամ համատարած հատումների արդյունքում առաջացած ծառուտների հատատեղերում տեղադրվում են փորձահրապարակներ։

2. Հայաստանի Հանրապետության կառավարության 2015 թվականի սեպտեմբերի 17-ի «Հատատեղերի հատկացման կարգը հաստատելու մասին» N 1072-Ն որոշման հավելվածի՝

• 24-րդ կետի 4)-րդ ենթակետից հետո լրացնել 5)-րդ ենթակետ՝ հետևյալ բովանդակությամբ՝ «5) խնամքի՝ նոսրացման հատումների ժամանակ, եթե հատումն իրականացվելու է վեգետատիվ ծագման կամ համատարած հատումների արդյունքում առաջացած ծառուտներում։»,
• 29-րդ կետից հետո լրացնել 29¹-րդ կետ հետևյալ բովանդակությամբ՝ «29¹. Վեգետատիվ ծագման (մինչև IV հասակային դաս) կամ համատարած հատումների արդյունքում առաջացած ծառուտների նոսրացման հատումների ժամանակ լավագույն ծառերը բնի արմատավզիկից 1,3 մ բարձրության վրա փաթաթում են սպիտակ ժապավենով կամ շրջանաձև ներկում են սպիտակ աէրոզոլային ներկով, իսկ մրցակից կամ անցանկալի ծառերը բնի արմատավզիկից 1,3 մ բարձրության վրա փաթաթում են կարմիր ժապավենով կամ ներկում են կարմիր աէրոզոլային ներկով շրջանաձև կամ շեղաձև (որտեղ ներկի շերտը պետք է լինի լավագույն ծառին հանդիպակաց)»։

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։