ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՆՈՅԵՄԲԵՐԻ 7-Ի N 1923-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ  ԿԱՌԱՎԱՐՈՒԹՅՈՒՆ

Ո  Ր  Ո  Շ  Ո Ւ  Մ

2025 թվականի մարտի      N     -Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՆՈՅԵՄԲԵՐԻ 7-Ի N 1923-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 33-րդ
և 34-րդ հոդվածները՝ Հայաստանի Հանրապետության կառավարությունը   

ո ր ո շ ու մ     է.

1․ Հայաստանի Հանրապետության կառավարության 2002 թվականի նոյեմբերի 7-ի «Ապրանքների (աշխատանքների, ծառայությունների) առանձին տեսակների տեղեկատվության բովանդակությունը և պարտադիր պահանջների մասին տեղեկատվությունն սպառողին հասցնելու կարգը սահմանելու մասին» N 1923-Ն որոշման հավելվածում (այսուհետ՝ Հավելված) կատարել հետևյալ փոփոխություններն ու լրացումները․

1) Հավելվածի 2-րդ կետում «Հայաստանի Հանրապետության օրենսդրությամբ հաստատված» բառերը փոխարինել «Հայաստանի Հանրապետությունում գործող» բառերով։

2) Հավելվածի 3-րդ կետում «համապատասխանության հայտարարագրի, համապատասխանության սերտիֆիկատի» բառերը փոխարինել «համապատասխանության գնահատման փաստաթղթերի» բառերով։

3) Հավելվածի 3-րդ կետից հետո լրացնել նոր 3․1-րդ և 3․2-րդ կետեր հետևյալ բովանդակությամբ․

«3․1․ Հայաստանի Հանրապետություն ներմուծվող ապրանքների մասին հայերեն տեղեկատվությունը արտադրողի (ներմուծողի) կողմից սպառողին կարող է հասցվել նաև հսկիչ (նույնականացման) նշաններով։

3․2 Սույն հավելվածի 3․1-րդ կետը չի տարածվում արտաքին տնտեսական գործունեության ապրանքային անվանացանկի 2402 10 000 0, 2402 20 100 0, 2402 20 900 0, 2403 11 000 0, 2403 19 100 0, 2403 19 900 0, 2402 90 0000 ծածկագրերին համապատասխան ծխախոտային արտադրանք հանդիսացող ծխախոտային արտադրատեսակների վրա։:

4) Հավելվածի 6-րդ կետում «ապրանքները (այդ թվում` սննդամթերքը)» բառերը փոխարինել «սննդամթերքը» բառով։

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։