«Մանկավարժահոգեբանական և ուսումնամեթոդական հմտություններ ապահովող մոդուլներով իրականացվող դասընթացի միջոցով առնվազն 30 կրեդիտ շնորհելու կարգը հաստատելու մասին» ՀՀ կրթության, գիտության, մշակույթի և սպորտի նախարարի հրամանի նախագիծ

92%8%

12 - За
1 - Против

Все рекомендации по содержанию проекта включаются в кратком содержании,онлайн письма - в течении 2 рабочих дней, эл. письма - в течении 10 рабочих дней

project.digest.no	Автор предложения, дата получения	Содержание предложения	Заключение	Сделанные изменения
	1	2	3	4
1	Սյուզաննա Աբրահամյան 16.03.2025 13:19:33	Առաջարկում եմ առարկայի մասնագիտական ոլորտում բարձրագույն կրթություն ունեցող և տվյալ մասնագիտական կրթական ծրագրով կամ առանձին մոդուլներով իրականացվող դասընթացի միջոցով մանկավարժահոգեբանական և ուսումնամեթոդական հմտություններ ապահովող առնվազն 30 կրեդիտ հավաքած անձը մասնակցի նաև կամավոր ատեստավորմանը և հետո իրավունք ունենա դասավանդելու ,քանի որ այս նախագծի ընդունման արդյունքում հնարավոր է դպրոց դիմի երկար տարիներ առաջ բուհի տվյալ բաժինը ավարտած անձը,որն արդեն հիմնավոր չափով ծանոթ չէ ծրագրային նյութին կամ մոռացել է շատ բաներ։Կարծում եմ ,ինչպես բազմիցս նշվել է,դպրոց պիտի մտնեն առաջին հերթին գիտակ մանկավարժները ,իսկ այս նախագծի արդյունքում հնարավոր է մասնագիտական գիտելիքների կողմը չդիտարկվի։	«Հանրակրթության մասին» օրենքի 26-րդ հոդվածի 1-ին մասով սահմանվում է. «1. Ուսումնական հաստատության ուսուցիչ կարող է լինել այն անձը, որն ստացել է բարձրագույն կրթությամբ մանկավարժական համապատասխան որակավորում կամ ունի բարձրագույն կրթություն և վերջին տասը տարվա ընթացքում տվյալ առարկայի մանկավարժական (կամ ուսուցչական) գործունեության առնվազն հինգ տարվա աշխատանքային ստաժ։»: Նույն հոդվածի 26-րդ 2-րդ մասով սահմանվում է, որ առնվազն մեկ անգամ հայտարարված մրցույթի արդյունքներով ուսուցչի թափուր տեղը սույն հոդվածի 1-ին մասով սահմանված պահանջները բավարարող անձով չհամալրվելու դեպքում ուսուցչի տվյալ թափուր տեղի համար հայտարարված հաջորդ մրցույթին կարող է դիմել նաև տվյալ առարկայի մասնագիտական ոլորտում բարձրագույն կրթություն ունեցող և տվյալ մասնագիտական կրթական ծրագրով կամ առանձին մոդուլներով իրականացվող դասընթացի միջոցով մանկավարժահոգեբանական և ուսումնամեթոդական հմտություններ ապահովող առնվազն 30 կրեդիտ հավաքած անձը:
2	Նարինե Վանցյան 16.03.2025 20:35:58	Մասնակիցների բողոքարկման գործընթացի ստեղծում: Առաջարկ: Օրենքում պետք է ներառվի պաշտոնական, թափանցիկ բողոքարկման գործընթաց՝ մասնակիցներին հնարավորություն տալով բողոքարկել գնահատման, կրեդիտների հատկացման կամ հավատարմագրման որոշումների դեմ։ Սա հատկապես կարևոր է այն դեպքերում, երբ մասնակիցը չի համաձայնում վերջնական գնահատականի, դասընթացից ստացված կրեդիտների կամ հավատարմագրման որոշման հետ։ Իրավաբանական հիմք: Այս առաջարկը կարևոր է մասնակիցների իրավունքը պաշտպանելու համար՝ ապահովելով, որ նրանք կարող են վերանայել ցանկացած արդարացի երևացող որոշում։ Առաջարկվող տեքստ օրենքում ներառելու համար: "Մասնակիցները իրավունք ունեն բողոքարկելու իրենց գնահատման, կրեդիտների հատկացման կամ հավատարմագրման որոշումները: Բողոքը պետք է ներկայացվի 5 աշխատանքային օրվա ընթացքում, և նախարարությունը կստեղծի անկախ մարմին՝ բողոքարկման գործընթացը վերլուծելու և վերջնական որոշում կայացնելու համար։"	Շնորհակալություն Ձեր դիտարկման համար: Բողոքարկման գործընթացը և դրա ընթացակարգերը սահմանվում են դիմորդի և կազմակերպության կամ բուհի միջև կնքվող պայմանագրով: Հետևաբար սույն իրավական ակտում նման կարգավորում ներառելու անհրաժեշտություն չկա:
3	Արևիկ Աֆրիկյան 20.03.2025 19:46:53	Առաջարկում եմ դասընթացի մասնակցության թույլտվություն տրվի նաև այն մասնագետներին,ովքեր ունեն մանկավարժական կրթություն, տիրապետում են մանկավարժական և ուսումնամեթոդական հմտություններին,բայց ցանկություն ունեն փոխելու դասավանդման առարկան,օրինակ՝ ուսուցիչը բնագետ է,բայց ցանկանում է փոխել դասավանդման ոլորտը․դասավանդում էր մաթեմատիկա,այժմ՝ ֆիզիկա, կամ դասավանդում էր քիմիա,այժմ՝կենսաբանություն։	Շնորհակալություն դիտարկման համար: Հայտնում եմ, որ Ձեր կողմից առաջարկվող կարգավորումը ներառված է կարգում: Մասնավորապես, նախատեսված է դրույթ, որի համաձայն 30 կրեդիտի դասընթացին կարող է մասնակցել բարձրագույն կրթություն ունեցող այն անձը, ով մասնակցել է կամավոր ատեստավորման և ատեստավորվել:
4	Նարինե Հովհաննիսյան 21.03.2025 11:57:59	Առաջարկում եմԱշխատավարձի և պայմանների բարելավում: Վերանայել ուսուցիչների աշխատավարձերը և աշխատանքային պայմանները՝ դրանք դարձնելով ավելի գրավիչ։ Կրեդիտների ճանաչում: Հնարավոր է ստեղծել մեխանիզմներ, որոնց միջոցով այլ հաստատություններում ստացած կրեդիտները կճանաչվեն, եթե դրանք համապատասխանում են պահանջվող չափանիշներին։ Մենթորության ծրագրեր: Նորանշանակ ուսուցիչների համար կարելի է ներդնել մենթորության ծրագրեր, որտեղ փորձառու ուսուցիչները կաջակցեն նրանց՝ արագ հարմարվելու և զարգանալու համար։	Նախագծին վերաբերելի չէ:
5	Արուս Ավագյան 21.03.2025 20:43:52	Առաջարկում եմ, որ այս դասընթացի մասնակցության իրավունք տրվի նաև Հայկական պետական մանկավարժական համալսարանն ավարտած մանկավարժներին, ովքեր կունենա առնվազն 5 տարվա աշխատանքային փորձ/ ինչպես նաև կամավոր ատեստավորման անցողիկ միավորներ/ ։Շատ մանկավարժներ կան, որոնք ցանկանում են նույն բուհում ստանալ երկրորդ մասնագիտությունը, բայց չեն կարողանում օգտվել այս ծրագրից։	Մանկավարժական համալսարանի շրջանավարտը դասընթացին մասնակցելու անհրաժեշտություն չունի, քանի որ նա արդեն իսկ ունի մանկավարժի որակավորում:
6	Emma Manasyan 21.03.2025 20:46:40	Առաջարկում եմ առարկայի մասնագիտական ոլորտում բարձրագույն կրթություն ունեցող և տվյալ մասնագիտական կրթական ծրագրով կամ առանձին մոդուլներով իրականացվող դասընթացի միջոցով մանկավարժահոգեբանական և ուսումնամեթոդական հմտություններ ապահովող առնվազն 30 կրեդիտ հավաքած անձը մասնակցի կամավոր ատեստավորմանը և հաղթահարի նվազագույն շեմը: Դրա հետ մեկտեղ կազմակերպվի և իրականացվի շարունակական վերապատրաստումներ, մասնագիտական գիտելիքների հարստացման համար: Արդյունքում կունենանք թափուր տեղի համալրում և երիտասարդ մասնագետների մուտք դեպի դպրոց:	Եթե անձն ունի դասավանդվող առարկայի ուղղությամբ բարձրագույն կրթություն, նրա համար կամավոր ատեստավորված լինելը որպես պարտադիր պահանջ չի կարող սահմանվել, քանի որ ուսուցչին ներկայացվող պահանջներն ամրադրված են հանրակրթության մասին օրենքի 26-րդ հոդվածում:
7	Արփինե Հովհաննիսյան 22.03.2025 21:12:24	Առաջարկում եմ ,որ մանկավարժական համալսարանի <<Դեղագործական քիմիա>> բաժինն ավարտողը ևս կարողանա դպրոցում պարապել <<Քիմիա>> առարկան, քանի որ ավելի խորությամբ է տիրապետում առարկային , նաև ուսումնասիրել է <<Մանկավարժություն>> այնքան, որքան մյուս ֆակուլտետներում։ Բացի դրանից, այդ բաժինն ավարտողը չգիտի՝ դեղագործ է, թե մանկավարժ։ Բժշկական քոլեջ ավարտողն աշխատանք գտնում է, իսկ այդ բաժնում ավարտողից լիցենզիա են պահանջում։ Առաջարկում եմ վերանայել դեղագործի որակավորումը։	Նախագծին վերաբերելի չէ:
8	Թինա Ալավերդյան 23.03.2025 13:20:52	Առաջարկվող իրավական ակտն անհրաժեշտ է կրթական համակարգի համար, քանի որ այն հնարավորություն կտա ապահովել ուսուցչական հաստիքների համալրման հստակ և իրավաչափ ընթացակարգ: Առաջարկում եմ հնարավորություն տալ մրցույթին մասնակցելու նաև ավարտական կուրսի բարձր առաջադիմություն ունեցող ուսանողներին: Աշխատանքի ընթացքում ուսանողները կարող են ձեռք բերել գործնական հմտություններ և կատարելագործել իրենց կարողությունները որպես մանկավարժներ:	«Հանրակրթության մասին» օրենքի 26-րդ հոդվածի 1-ին մասով սահմանվում է. «1. Ուսումնական հաստատության ուսուցիչ կարող է լինել այն անձը, որն ստացել է բարձրագույն կրթությամբ մանկավարժական համապատասխան որակավորում կամ ունի բարձրագույն կրթություն և վերջին տասը տարվա ընթացքում տվյալ առարկայի մանկավարժական (կամ ուսուցչական) գործունեության առնվազն հինգ տարվա աշխատանքային ստաժ։»: Նույն հոդվածի 2-րդ մասով սահմանվում է, որ առնվազն մեկ անգամ հայտարարված մրցույթի արդյունքներով ուսուցչի թափուր տեղը սույն հոդվածի 1-ին մասով սահմանված պահանջները բավարարող անձով չհամալրվելու դեպքում ուսուցչի տվյալ թափուր տեղի համար հայտարարված հաջորդ մրցույթին կարող է դիմել նաև տվյալ առարկայի մասնագիտական ոլորտում բարձրագույն կրթություն ունեցող և տվյալ մասնագիտական կրթական ծրագրով կամ առանձին մոդուլներով իրականացվող դասընթացի միջոցով մանկավարժահոգեբանական և ուսումնամեթոդական հմտություններ ապահովող առնվազն 30 կրեդիտ հավաքած անձը, ինճպես նաև ուսուցչի որակավորում շնորհող բարձրագույն ուսումնական հաստատության առնվազն բակալավրի կրթական ծրագրով ուսումնառող ավարտական կուրսի ուսանողը՝ գյուղական բնակավայրի ուսումնական հաստատությունում աշխատելու նպատակով, որի համար աշխատանքային պայմանագրով նախատեսված ժամանակահատվածը կհաշվարկվի որպես աշխատանքային ստաժ.
9	Մարիամ Մկրտչյան 24.03.2025 20:01:38	Այսօր տարբեր առարկաների ուսուցիչների խիստ կարիք կա, մանավանդ գյուղական դպրոցներում։Առաջարկում եմ ոչ մանկավարժական կրթությամբ մասնագետները հավաքեն համապատասխան կրեդիտ և ստանան մանկավարժի որակավորում, հնավորություն ստանան աշխատելու որպես ուսուցիչ։Կարող են նրանք նաև ատեստավորվել, անցնել վերապատրաստումներ և լրացնել թափուր տեղերը։Հարկավոր է դպրոցները համալրելմասնագետներով, որոնց կարիքը զգացվում է բազմաթիվ դպրոցներում։Մանկավարժական համալսարանի այն բաժինները ավարտած ուսանողները, ովքեր չեն կարող աշխատել որպես մանկավարժ, նույնպես նման պայմաններով կարող են աշխատել ուսուցիչ և համալրել թափուր տեղերը։	Հայտնում եմ, որ Ձեր կողմից առաջարկվող կարգավորումը ներառված է կարգում: Մասնավորապես, նախատեսված է դրույթ, որի համաձայն 30 կրեդիտի դասընթացին կարող է մասնակցել բարձրագույն կրթություն ունեցող այն անձը, ով մասնակցել է կամավոր ատեստավորման և ատեստավորվել:
10	Գոռ Գալստյան 25.03.2025 19:03:20	Կարևոր որոշում է, բայց առաջարկում եմ, որ ոչ թե մեկ անգամ հայտարարված մրցույթի արդյունքներով ուսուցչի տեղը թափուր մնալուց հետո թողնել, այլ սկզբից թույլատրել՝ ապահովվելով հավասար իրավունքներ: Իսկ հակառակ դեպքում, ակնհայտ անհավասար միջավայր է ատացվում:	«Հանրակրթության մասին» օրենքի 26-րդ հոդվածի 1-ին մասով սահմանվում է. «1. Ուսումնական հաստատության ուսուցիչ կարող է լինել այն անձը, որն ստացել է բարձրագույն կրթությամբ մանկավարժական համապատասխան որակավորում կամ ունի բարձրագույն կրթություն և վերջին տասը տարվա ընթացքում տվյալ առարկայի մանկավարժական (կամ ուսուցչական) գործունեության առնվազն հինգ տարվա աշխատանքային ստաժ։» և նպատակահարմար չէ նույն հոդվածի 2-րդ մասին համապատասխանող անձանց հետ հավասար հնարավորությունների պայմաններում դիտարկելը:
11	Գեղեցիկ Վարդանյան 26.03.2025 21:20:20	Առաջարկում եմ հստակեցնել 30 կրեդիտի տրամադրման չափորոշիչները, գնահատման մեխանիզմները և ապահովել դասընթացի բովանդակության համապատասխանությունը մանկավարժական իրական պահանջներին՝ ապահովելով նաև շարունակական մասնագիտական զարգացումը։	Շնորհակալություն դիտարկման համար: 30 կրեդիտը չի տրամադրվում շարունակական մասնագիտական զարգացման նպատակով: Այն նպատակ ունի փոխանցելու մանկավարժական և հոգեբանական բավարար գիտելիքներ՝ հանրակրթական ուսումնական հաստատությունում աշխատելու համար:
12	Արևիկ Մարտիրոսյան 28.03.2025 19:24:52	Առաջարկի արդյունավետությունը շոշափելի կլինի հատկապես սահմանամերձ կամ մարզային դպրոցներում, որտեղ մասնագետների բացը ակնհայտ է։ Կարող են նաև գործող մասնագետները ստանալ համապատասխան որակավորում և դասավանդել տարբեր առարկաներ, ավելացնելով ժամաքանակ։	Շնորհակալություն դիտարկման համար:
13	Լուսինե Սիրունյան 28.03.2025 21:06:53	Վերոնշված հրամանը միանշանակ կարող է բարելավել ուսումնական հաստատաությունների ուսուցիչների համալրման հարցը։ Սակայն կարծում եմ, այն պարագայում երբ ուսումնական հաստատության ուսուցչի թափուր տեղի համար անցկացվող մրցույթի փաստաթղթերի ընդունման ժամկետի ավարտին մանկավարժական կրթություն ունեցող անձիք հայտ չեն ներկայացրել, կարելի է դիտարկել 30 կրեդիտ ուցեցող անձի(անձանց) մասնակցությունը և մրցույթը կազմակերպել բնականոն ընթացակարգով։ Անհրաժեշտ է միայն մրցույթի մասնակիցների փաստաթղթերը ընդունող տնօրենի կողմից նշանակված պատասխանատու անձի արձանագրությունը առ այն, որ մանկավարժական կրթությամբ թեկնածուներ փաստաթղթեր չեն ներկայացրել։ Ինչպես նաև 30 կրեդիտ ունեցող անձի (անձանց) փաստաթղերը ընդունելիս գրավոր տեղեկացում տալ այն մասին, որ համապատասխան թեկնածուների առկայության դեպքում իր(իրենց) թեկնածությունը չի դիտարկվի։ Ուսումնական հաստատության ուսուցչի թափուր տեղի համար անցկացվող մրցույթի 2-րդ կետի 14, 15 ենթակետերով մրցութի արդյունքում առնվազն 15 աշխատանքային օր կպահանջվի, մրցութի հաղթող լինելու պարագայում ուսուցչի աշխատանքի անցնելու համար, իսկ երկրորդ մրցութի պարագայում գրեթե 25 աշխատանքային օր։ Առաջարկի ընդունման դեպքում զգալի կնվազի այս ժամանակահատվածը, կարծում եմ բնականոն դասապրոցեսի վերականգնումը այս բոլոր բարեփոխումների գերխնդիրն է։	Շնորհակալություն դիտարկման համար:
14	Մարիետտա Ավագյան 28.03.2025 23:56:25	Առաջարկում եմ հստակեցնել 30 կրեդիտի տրամադրման չափորոշիչները այն մանկավարժներին, որոնք արդեն իսկ ունեն մանկավարժի որակավորում, բայց չեն կարող դասավանդել այլ առարկա, քանի որ չունեն վերջին տասը տարվա ընթացքում տվյալ առարկայի մանկավարժական (կամ ուսուցչական) գործունեության առնվազն հինգ տարվա աշխատանքային ստաժ ։Հնարավորություն տալ անցնել մոդուլային ուսուցման համակարգ՝ համապատասխան անցումային դասընթացներով՝ դասավանդելու այլ առարկաներ։ Կազմակերպել «Պրակտիկ հիմունքներ» դասընթացներ, որտեղ մասնակիցները, չունենալով բավարար մանկավարժական փորձ, հնարավորություն կունենան ներգրավվել գործնականում՝ դասավանդելով առնվազն մեկ այլ առարկա՝ այսպես կոչված «մեկ տարվա կամավոր ատեստավորման» պայմանով։ Ներդնել մասնակիցների ու դասընթացների կազմակերպիչների փոխադարձ գնահատման գործիքներ, որոնք թույլ կտան օբյեկտիվորեն գնահատել դասընթացների արդյունավետությունը: Դա կօգնի հասկանալ՝ արդյոք 30 կրեդիտով նախատեսված ծրագրերը բավարարում են մասնակիցների սպասումները և կարիքները:	Նախագծին վերաբերելի չէ:
15	Մարիետտա Ավագյան 28.03.2025 23:58:19	Առաջարկում եմ հստակեցնել 30 կրեդիտի տրամադրման չափորոշիչները այն մանկավարժներին, որոնք արդեն իսկ ունեն մանկավարժի որակավորում, բայց չեն կարող դասավանդել այլ առարկա, քանի որ չունեն վերջին տասը տարվա ընթացքում տվյալ առարկայի մանկավարժական (կամ ուսուցչական) գործունեության առնվազն հինգ տարվա աշխատանքային ստաժ ։Հնարավորություն տալ անցնել մոդուլային ուսուցման համակարգ՝ համապատասխան անցումային դասընթացներով՝ դասավանդելու այլ առարկաներ։ Կազմակերպել «Պրակտիկ հիմունքներ» դասընթացներ, որտեղ մասնակիցները, չունենալով բավարար մանկավարժական փորձ, հնարավորություն կունենան ներգրավվել գործնականում՝ դասավանդելով առնվազն մեկ այլ առարկա՝ այսպես կոչված «մեկ տարվա կամավոր ատեստավորման» պայմանով։ Ներդնել մասնակիցների ու դասընթացների կազմակերպիչների փոխադարձ գնահատման գործիքներ, որոնք թույլ կտան օբյեկտիվորեն գնահատել դասընթացների արդյունավետությունը: Դա կօգնի հասկանալ՝ արդյոք 30 կրեդիտով նախատեսված ծրագրերը բավարարում են մասնակիցների սպասումները և կարիքները:	30 կրեդիտի միջոցով տրամադրվում է ուսումնամեթոդական և մանկավարժահոգեբանական բաղադրիչ, այլ ոչ թե առարկայական: Հետևաբար, այլ առարկա դասավանդելու հնարավորություն այն չի նախատեսում, բացառությամբ այն դեպքերի, եթե ուսուցիչն անցնում է կամավոր ատեստավորում տվյալ առարկայից:
16	Թերեզա Մկրտչյան 29.03.2025 22:34:37	Մեր կրթական համակարգի համար, հաշվի առնելով, վերջին տարիներին դիտվող մանկավարժական կրթության համար դիմողների թվաքանակի նվազումը, կարևոր նախագիծ եմ համարում և ներկայացնում եմ որոշ առաջարկներ՝ 1․Նախագծում չնայած նշված են գնահատման ձևերը, կարելի է ավելի հստակ չափանիշներ նշել , որոնցով կգնահատվեն մասնակիցների հետազոտական աշխատանքները, ինչը կնվազեցնի սուբյեկտիվ որոշումների հնարավորությունը։ 2․Բուհերի և կազմակերպությունների կողմից պետք է հստակեցված լինի բողոքարկման կարգը, որը կերաշխավորի թափանցիկ և օբյեկտիվ գնահատում։ 3․ Նախագծում նշվում է, որ դասընթացները կարող են լինել վճարովի կամ անվճար, բայց չի նշվում որևէ պետական աջակցության կամ անհատական կրթաթոշակների մասին։ 4․Կարելի է ավելացնել մանկավարժահոգեբանական և ուսումնամեթոդական հմտություններ ապահովող դասընթացների որակի վերահսկման մեխանիզմներ՝ ապահովելու համար, որ դասընթացներն իսկապես համապատասխանեն մասնագիտական պահանջներին։ Շնորհակալություն կրթության ոլորտում բարեփոխումներ իրականացնելու համար։	Հայտնում եմ, որ գնահատման չափանիշները և այլ ընթացակարգային հարցեր սահմանվում են կազմակերպության կամ հաստատության կողմից: Ինչ վերաբերվում է աջակցության ծրագրերին, ապա հայտնում եմ, որ սույն դասընթացը դիտարկվում է որպես ՀՀ կառավարության 2023 թվականի հունիսի 29-ի N 1067-Ն որոշման 7-րդ կետի համաձայն՝ կրթության գծով սոցիալական ծախս և ենթակա է ետվերադարձի կառավարության կողմից սահմանված կարգով: