ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ՄԱՐՏԻ 27-Ի N 375-Ն ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

ՀԻՄՆԱՎՈՐՈՒՄ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ՄԱՐՏԻ 27-Ի N 375-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

1.Ընթացիկ իրավիճակը և իրավական ակտի ընդունման անհրաժեշտությունը

«Հայաստանի Հանրապետության ՀՀ կառավարության 2014 թվականի մարտի 27-ի թիվ 375-Ն որոշման մեջ լրացումներ կատարելու մասին» ՀՀ կառավարության որաշման նախագիծ ներկայացնելը պայմանավորված է 2025թ–ի 1–ին եռասյակի ընթացքում սոցիալական փաթեթի շահառուներին տրամադրված բժշկական օգնության և սպասարկման դիմաց փոխհատուցման ապահովման անհրաժեշտությամբ։

ՀՀ կառավարության 2014 թվականի մարտի 27-ի թիվ 375-Ն որոշման 3-րդ կետի 2-րդ ենթակետի համաձայն յուրաքանչյուր տարի մինչև տվյալ տարվա հունվարի 31-ը որոշմամբ սահմանված կարգով կազմակերպել առողջության ապահովագրության ծառայություններ մատուցող ընկերությունների հետ առողջության ապահովագրության պայմանագրերի կնքման գործընթացը: Նույն որոշման թիվ 1 հավելվածի 21-րդ կետի համաձայն յուրաքանչյուր տարվա «Հայաստանի Հանրապետության պետական բյուջեի մասին» Հայաստանի Հանրապետության օրենքն ընդունելուց հետո 5 աշխատանքային օրվա ընթացքում նախարարությունն էլեկտրոնային փոստով տեղեկացնում է սույն կարգի 20-րդ կետի պայմանները բավարարող բոլոր ապահովագրական ընկերություններին պայմանագրային գործընթացն սկսելու մասին: Նույն կարգի 21-րդ կետով նախատեսված գրության ստացման օրվանից հետո 3 աշխատանքային օրվա ընթացքում ապահովագրական ընկերությունը պայմանագրային գործընթացին մասնակցության մասին գրավոր տալիս է իր համաձայնությունը՝ գրությանը կից ներկայացնելով սույն կարգի 20-րդ կետով նախատեսված լիցենզիայի, հաշտարարի հետ համաձայնագրի և 3 տարվա գործունեությունը հավաստող փաստաթղթերի պատճենները կամ հրաժարվում մասնակցությունից: Վերոգրյալ ընթացակարգին համապատասխան առողջապահության նախարարությունը պայմանագրային գործընթացը սկսելու նպատակով էլեկտրոնային փոստով տեղեկացրել է պայմանագրային գործընթացը սկսելու մասին, սակայն համաձայնութուն չի ներկայացվել։ Ծրագրի շրջանակներում պայմանագրերը պետք է կնքվեր մինչև 2025 թվականի հունվարի 31-ը։ Ապահովագրական ընկերությունների կողմից որպես պայմանագրի կնքման պայման առաջ է քաշվել ապահովագրական գումարի չափի ավելացումը, ինչը ժամանակատար գործընթաց է և պահանջում է Կառավարության համաձայնությունը պահուստային ֆոնդից լրացուցիչ շուրջ 930.0 մլն դրամ հատկացնել։

Այս գործընթացի հետաձգման պատճառով առողջապահության նախարարությունը շրջաբերական գրություն է ուղարկել բժշկական կազմակերպություններին՝ հանձնարարելով սոցիալական փաթեթի շահառուներին բժշկական օգնության և սպասարկման ծառայությունները մատուցել շահառուի կարգավիճակը ստուգելու պայմանով՝ հետագայում փոխհատուցման հետ կապված հարցերը կարգավորելու պայմանով։ Բժշկական կազմակերպությունները ապահովել են սոցիալական փաթեթի շայհառուներին համապատասխան ծառայությունների մատուցումը իրենց միջոցների հաշվին և ներկայումս հրատապ անհրաժեշտություն է առաջացել առաջնակի փոխհատուցել 1–ին եռամսյակին կատարված աշխատանքի դիմաց։

2. Նախագծի մշակման գործընթացում ներգրավված ինստիտուտները, անձինք և նրանց դիրքորոշումը

Նախագծի մշակմանը մասնակցել են Հայաստանի Հանրապետության առողջապահության նախարարության պետական առողջապահական գործակալության աշխատակիցները:

3. Ակնկալվող արդյունքը

Սույն փոփոխության արդյունքում ակնկալվում է «Պետական հիմնարկների և կազմակերպությունների աշխատողների բժշկական օգնության և սպասարկման ծառայություններ» ծրագրի շրջանակներում սկսած 2025 թվականի հունվարի 1-ից մինչև 2025 թվականի մարտի 31-ը ներառյալ՝ բժշկական կազմակերպությունների կողմից շահառուներին մատուցված բժշկական օգնության և սպասարկման հատուցումն իրականացնել առողջապահության նախարարության կողմից։

4. «Հայաստանի Հանրապետության 2025 թվականի պետական բյուջեի մասին օրենքում փոփոխություն կատարելու մասին» ՀՀ կառավարության որոշման ընդունման կապակցությամբ պետական կամ տեղական ինքնակառավարման մարմնի բյուջեում եկամուտների և ծախսերի ավելացման կամ նվազեցման մասին

Հայաստանի Հանրապետության 2025 թվականի պետական բյուջեի մասին օրենքում Կառավարության որոշման ընդունման կապակցությամբ Հայաստանի Հանրապետության պետական բյուջեի պահուստային ֆոնդից 940 մլն կնվազեցվի և կհատկացվի «Առողջապահության» բաժնին։

5. Կապը ռազմավարական փաստաթղթերի հետ

Սույն փոփոխությունը չի բխում ռազմավարական փաստաթղթերից։