ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐԻ 2024 ԹՎԱԿԱՆԻ ՄԱՅԻՍԻ 7-Ի N 42-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Առաջարկում եմ դասընթացում ներառել Արցախի Հանրապետության ֆիզիկական բնութագիրը՝ որպես պատմական Հայաստանի անքակտելի մաս (2020 թվականի էթնիկ զտումից հետո <<Բնակչություն>> և <<Տնտեսություն>> թեմաները դուրս թողնելով՝ չհրաժարվել ֆիզիկական մասից, քանի որ Արցախի Հանրապետությունը զբաղեցնում է Մեծ Հայքի Արցախ նահանգի գրեթե ամբողջ մասը, ինչպես նաև ՈՒտիք և Սյունիք նահանգների փոքր մասը)։ Մյուս թեմաների նպատակների և վերջնարդյունքների հետ լիովին համաձայն եմ։

Ծրագիրն ամբողջական է, այն ներկայացնում է ՀՀ բնաաշխարհագրական և տնտեսաաշխարհագրական ընդհանուր նկարագիրը, փոփոխությունները նկատելի են հիմնականում տնտեսության բաժնում, ինչն սպասելի էր և ողջունելի։ Հուսանք, որ բովանդակային առումով կլինեն տվյալների թարմացումներ և կունենանք ՀՀ տնտեսության արդիական բնութագիրը։ Սակայն առաջարկում եմ՝ հիմք ընդունելով պատմական աշխարհագրությունը , <<Լեռնային Ղարաբաղի Հանրապետություն>> թեման ինչ որ ձևով արտահայտվեր ծրագրում, որպես պատմաաշխարհագրական ակնարկ։ Նկատի ունենալ նաև այն հոգեբանական հանգամանքը, որ հազարավոր արցախցի երեխաներ են սովորելու այդ դասագրքով, որտեղ նախկինում եղել է այդ բաժինը։

Ըստ ամփոփագրում նշված տեղեկության, բեռնաթափված առարկայական չափորոշչով և ծրագրով նախատեսվում է հնարավորություն ընձեռել դասավանդողներին և սովորողներին ուսումնառության ընթացքում գործածել Հայաստանի Հանրապետության բնությանը, բնակչությանը և տնտեսությանը առնչվող բարելավված և իրատեսական ծավալով և գործնական ուղղվածության շեշտադրումներով ծրագիր,որը դրական ազդեցություն կունենա առարկայի դասավանդման և սովորողների ծրագրային նյութի յուրացման վրա:Բոլոր դրական փոփոխությունները ողջունելի են, առաջարկում եմ նաև միջառարկայական կապեր բաժնում ավելացնել օտար լեզուների հետ կապը։