«Նախադպրոցական ուսումնական հաստատություններում կրթական գործընթացի կազմակերպման համար գործածության ենթակա փաստաթղթերի անվանացանկը, ձևերը և վարելու կարգը հաստատելու մասին» Կրթության, գիտության, մշակույթի և սպորտի նախարարի հրամանի նախագիծ

Ներկայում նախադպրոցական կրթության ոլորտը կարգավորող  իրավական ակտերում սահմանված չեն կրթական գործընթացի կազմակերպման համար գործածության ենթակա փաստաթղթերի վերաբերյալ դրույթներ, ինչը դժվարություններ է առաջացնում  կրթության որակի մշտադիտարկման և վերլուծությունների իրականացման համար:

Նախագիծը նպատակ ունի դյուրացնել նախադպրոցական ուսումնական հաստատություններում պարտադիր գործածության փաստաթղթերի լրացումը, գործածումը և փաստաթղթաշրջանառությունը` կիրառելով «Նախադրոցական կրթության կառավարման միասնական համակարգը», որտեղ  գործածվող փաստաթղթերի մի մասը ձևավորվում է ինքնաշխատ եղանակով՝ մյուս փաստաթղթերի լրացման արդյունքում մուտքագրված տեղեկույթի հիման վրա: