«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ԵՎ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ՕՐԵՆՔՆԵՐԻ ՆԱԽԱԳԾԵՐ

3 - За
19 - Против

Все рекомендации по содержанию проекта включаются в кратком содержании,онлайн письма - в течении 2 рабочих дней, эл. письма - в течении 10 рабочих дней

project.digest.no	Автор предложения, дата получения	Содержание предложения	Заключение	Сделанные изменения
	1	2	3	4
1	Տիգրան Ստեփանյան 13.04.2024 15:37:34	ՔԴՕ փոփոխություններ և լրացումներ կատարելու մասին նախագծի 4-րդ հոդվածի վերաբերյալ դիտողություն․ Որպես դատական սանկցիա Դատավարական իրավունքի իրականացման ցանկացած սահմանափակումն անթույլատրելի է և հանդիսանում է իրավունքի հիմնարար խախտում։ Առաջարկում եմ հոդվածը բացառել։
2	Տիգրան Ստեփանյան 13.04.2024 15:37:44	ՔԴՕ փոփոխություններ և լրացումներ կատարելու մասին նախագծի 5-րդ հոդվածի վերաբերյալ դիտողություն․ Անթույլատրելի է, դատական տուգանք կիրառելու մասին որոշման կիրառումը այն պայմաններում, երբ այն բողոքարկվել է վերադաս ատյան։ Ենթադրենք տուգանքի որոշումը բողոքարկվում է,բողոքի քննությունը փաստացի տևում է 3 ամիս, որի արդյունքներով որոշումը վերացվում է։ Սակայն փաստացի այդ ժամանակահատվածում այնձը, ում հանդեպ կայացվել էր անհիմն տուգանք, զրկված է լինելու այդ ընթացքում իր գույքը /դրամը/ տիրապետելու և տնօրինելու հնարավորությունից, կրելով գույքանին վնաս /օրինակ՝ չստացված տոկոսային եկամուտ և այլն/։ Առաջարկում եմ դատական տուգանք կիրառելու մասին որոշման ուժի մեջ մտնելու ժամկետը սահմանել բողոքարկման ժամկետի ավարտի ավարտի օրվան հաջորդող օրը։
3	Տիգրան Ստեփանյան 13.04.2024 15:37:58	ՔԴՕ փոփոխություններ և լրացումներ կատարելու մասին նախագծի 6-րդ հոդվածի «Հոդված 155.1. Դատական նիստից դուրս դատական տուգանք կիրառելու առանձնահատկությունները» վերաբերյալ դիտողություն․ Անհարկի ծանրաբեռնում է դատավարության մասնակցին և լրացուցիչ հնարավորություն է ընձեռում էությամբ անհիմն դատական տուգանք կիրառելու որոշում կայացնելու համար։ Դատական տուգանք կիրառելու վերաբերյալ որոշում կայացնելու մասով պարզաբանման ենթակա հարցերը կարող են և պետք է լուծվեն դատական նիստի ընթացքում։ Առաջարկում եմ հոդվածը բացառել։
4	Տիգրան Ստեփանյան 13.04.2024 15:38:09	ՔԴՕ փոփոխություններ և լրացումներ կատարելու մասին նախագծի 6-րդ հոդվածի «Հոդված 155.3. Եզրափակիչ դատական ակտով կամ հայցադիմումի ընդունումը մերժելու մասին որոշմամբ դատական տուգանք կիրառելու առանձնահատկությունները» վերաբերյալ դիտողություն․ Անընդունելի է, ի՞նչ է նշանակում << հայցադիմումի ընդունումը մերժելու մասին որոշմամբ հաստատվել է իրավունքի չարաշահման փաստը>>։ <<Իրավունքի չարաշահման փաստ>> եզրույթը չի կարող սահմանվել առանց որևէ մեկնաբանման տեղիքի, դա առավելապես սուբյեկտիվ գնահատական է, որը չի կարող օգտագործվել որպես անձի նկատմամբ տուգանքի կիրառման հիմք։ Առաջարկում եմ հոդվածը բացառել։
5	Տիգրան Ստեփանյան 13.04.2024 15:38:19	ՔԴՕ փոփոխություններ և լրացումներ կատարելու մասին նախագծի 6-րդ հոդվածի «Հոդված 155.4. Իրավունքի իրականացման սահմանափակում կիրառելու առանձնահատկությունները» վերաբերյալ դիտողություն․ Ապացույցներ ներկայացնելը, դատավարության մասնակիցներին հարցեր տալը, միջնորդություններ ներկայացնելը և դիրքորոշում ներկայացնելը հանդիսանում են առանցքային դատավարական իրավունքներ, և դրանց սահմանափակումը հանդիսանում է կողմերի հավասարության և արդար դատաքննության, իրավունքի ոտնահարում։ Առաջարկում եմ հոդվածի 2-րդ կետից բացառել <<Ապացույցներ ներկայացնել, դատավարության մասնակիցներին հարցեր տալ, միջնորդություններ ներկայացնել և դիրքորոշում ներկայացնել>> բառակապակցությունները։