ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏԻ 2019 ԹՎԱԿԱՆԻ ՄԱՐՏԻ 20-Ի N 102-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

1.

Ընթացիկ իրավիճակը և իրավական ակտի ընդունման անհրաժեշտությունը

      «Հանրային ծառայության մասին» 2018 թվականի մարտի 23-ի ՀՕ-206-Ն օրենքի (այսուհետ՝ Օրենք) 15-րդ հոդվածի 6-րդ մասին համապատասխան` 2019 թվականի մարտի 20-ին ընդունվել է Հայաստանի Հանրապետության փոխվարչապետի «Հանրային ծառայության պաշտոնների անձնագրեր կազմելու և անվանացանկ վարելու մեթոդաբանությունը հաստատելու մասին» N 102-Ն որոշումը (այսուհետ՝ Որոշում): Որոշման հավելվածի Ձև N 2-ով սահմանվել է հանրային ծառայության տեսակների  պայմանանիշերը: Հաշվի առնելով այն հանգամանքը, որ Օրենքի 3-րդ հոդվածի 3-րդ մասում լրացվել են պետական ծառայության նոր տեսակներ՝ անհրաժեշտություն է առաջացել փոփոխություն կատարել Որոշման մեջ՝ այն լրացնելով հանրային ծառայության նոր տեսակներով և պայմանանիշերով:

2.

Կարգավորման նպատակը

   Որոշման նախագծով առաջարկվում է վերանայել հանրային ծառայության տեսակներն ու պայմանանիշերը։

3.

Նախագծի մշակման գործընթացում ներգրավված ինստիտուտները և անձինք

      Որոշման նախագիծը մշակվել է Վարչապետի աշխատակազմի քաղաքացիական ծառայության գրասենյակի կողմից:

4.

Ակնկալվող արդյունքը

     Որոշման նախագծի ընդունման արդյունքում Հայաստանի Հանրապետության փոխվարչապետի 2019 թվականի մարտի 20-ի «Հանրային ծառայության պաշտոնների անձնագրեր կազմելու և անվանացանկ վարելու մեթոդաբանությունը հաստատելու մասին» N 102-Ն որոշման մեջ հանրային ծառայության տեսակներն ու  պայմանանիշերը կսահմանվեն «Հանրային ծառայության մասին»  օրենքի համաձայն:

5.

Նախագծի ընդունման կապակցությամբ լրացուցիչ ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին

      Որոշման նախագծի ընդունմամբ լրացուցիչ ֆինանսական միջոցների անհրաժեշտություն չի առաջանում կամ պետական բյուջեում ծախսերի և եկամուտների էական ավելացումներ կամ նվազեցումներ չեն նախատեսվում։

6,

Կապը ռազմավարական փաստաթղթերի հետ

       Ոորոշման նախագծի ընդունումը չի բխում որևէ ռազմավարական փաստաթղթից։