ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՅՔ ՓՈԽԱՆՑԵԼՈՒ ԵՎ ԱՄՐԱՑՆԵԼՈՒ ՄԱՍԻՆ

ՀԻՄՆԱՎՈՐՈՒՄ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՅՔ ՓՈԽԱՆՑԵԼՈՒ ԵՎ ԱՄՐԱՑՆԵԼՈՒ ՄԱՍԻՆ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ԸՆԴՈՒՆՄԱՆ

1. Նախագծի ընդունման անհրաժեշտությունը.

«Հայաստանի Հանրապետության առողջապահության նախարարությանը գույք փոխանցելու և ամրացնելու մասին» Հայաստանի Հանրապետության կառավարության որոշման ընդունումը պայմանավորված է ԷԼԻԶՔԵՅԸՐ-Ի ՀԱՅԱՍՏԱՆՅԱՆ ՄԱՍՆԱՃՅՈՒՂԻ կողմից ներմուծված, ապա «Հրաժարում` հօգուտ պետության» մաքսային ընթացակարգով 2024 թվականի փետրվարի 16-ի թիվ 05100020/160224/0002761 ապրանքների հայտարարագրով ձևակերպված 2185 կգ բրուտտո քաշով, 434 ՀՀ դրամ մաքսային արժեքով գույքը` շտապ օգնության մեքենա իր սարքավորումներով` MERCEDES-BENZ VITO, WDF63960313687973, 2.1լ., 2011թ. դիզել` օգտագործված (այսուհետ` գույք),անհատույց փոխանցել Հայաստանի Հանրապետության առողջապահության նախարարությանը` շտապ օգնության մեքենայի կարիքն ունեցող համապատասխան բժշկական կազմակերպությանը անհատույց տրամադրելու նպատակով:

2. Ընթացիկ իրավիճակը և խնդիրները.

 Շտապ բժշկական օգնություն և սպասարկում իրականացնող ՀՀ մարզային բժշկական հաստատությունները ապահովում են իրենց սպասարկման տարածքի գյուղական բնակավայրերի բնակչության շտապ բժշկական օգնության ցուցաբերումը: Սակայն արձանագրվում են դեպքեր, երբ ելնելով իրավիճակից, մասնավորապես` պատերազմի, տարաբնույթ վարակիչ հիվանդությունների, համաճարակների, ինչպես նաև արտակարգ իրավիճակների ժամանակ անհրաժեշտություն է առաջանում լրացուցիչ թվով շտապ օգնության մեքենաներ ձեռք բերելը` շտապ բժշկական օգնությունը և սպասարկումը պատշաճ կազմակերպելու նպատակով: ՀՀ մարզային բժշկական հաստատությունները դեռևս ամբողջովին ապահովված չեն անհրաժեշտ քանակի շտապ օգնության մեքենաներով:

3. Կարգավորման նպատակը և բնույթը.

«Հայաստանի Հանրապետության առողջապահության նախարարությանը գույք փոխանցելու և ամրացնելու մասին» Հայաստանի Հանրապետության կառավարության որոշման ընդունմամբ կկարգավորվի Հայաստանի Հանրապետության առավել խոցելի սահմանամերձ մարզերի բնակչության շտապ բժշկական օգնության առավել օպերատիվ և ռացիոնալ կազմակերպումը:

4. Նախագծի մշակման գործընթացում ներգրաված ինստիտուտները և անձինք.

Նախագծի մշակումն իրականացվել է Հայաստանի Հանրապետության առողջապահության նախարարության կողմից:

5. Լրացուցիչ ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին

Նախագծի ընդունմամբ 2024 թվականի պետական բյուջեում կամ տեղական ինքնակառավարման մարմնի բյուջեներում եկամուտների և ծախսերի ավելացում կամ նվազեցում չի նախատեսվում:

6. Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ.

Սույն նախագիծը չի բխում ռազմավարական կամ ծրագրային որևէ փաստաթղթից: