«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2000 ԹՎԱԿԱՆԻ ՍԵՊՏԵՄԲԵՐԻ 28-Ի N592 ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԻԾ

Իրավական ակտի հիմնավորումը

1.

Անհրաժեշտությունը

 Նախագիծը մշակվել է ՀՀ վարչապետի 2023 թվականի դեկտեմբերի 14-ի հանձնարարականի համաձայն՝ հիմք ընդունելով ՀՀ քաղաքաշինության կոմիտեի նախագահի 2023 թվականի նոյեմբերի 29-ի <Հայաստանի Հանրապետության քաղաքաշինության կոմիտեի նախագահի 2022 թվականի ապրիլի 4-ի N 06-Ն հրամանում լրացումներ և փոփոխություններ կատարելու մասին> N13-Ն հրամանով հաստատված կարգավորումները:

2.

Ընթացիկ իրավիճակը և խնդիրները

ՀՀ քաղաքաշինության կոմիտեի նախագահի 2023 թվականի նոյեմբերի 29-ի <Հայաստանի Հանրապետության քաղաքաշինության կոմիտեի նախագահի 2022 թվականի ապրիլի 4-ի N 06-Ն հրամանում լրացումներ և փոփոխություններ կատարելու մասին> N13-Ն հրամանով  հաստատված կարգավորումները վերաբերում են քաղաքացիական պաշտպանության պաշտպանական կառույցների երկակի նշանակությամբ շահագործման պահանջներին, մասնավորապես խաղաղ պայմաններում դրանց որպես կրթական և մարզակրթական  հասարակական նշանակության օբյեկտներ օգտագործելու հնարավորությանը:

3.

Կարգավորման նպատակը և բնույթը

     Հաշվի առնելով բնակչության պահանջարկը բնակության վայրին մոտ տարածքներում կրթական և մարզակրթական նշանակության կազմակերպությունների տեղակայման , դրանցից օգտվելու մատչելիության, ենթակառուցվածքների զարգացման  և դրա հետ մեկտեղ քաղաքացիների ֆիզիկական կուլտուրայով զբաղվածության, առողջ ապրելակերպի սկզբունքների կիրառության անհրաժեշտությունը՝ Կոմիտեի կողմից 2023 թվականին կատարվեցին  համապատասխան լրացումներ և փոփոխություններ ՀՀ քաղաքաշինության կոմիտեի նախագահի 2022 թվականի ապրիլի 4-ի ՀՀՇՆ 31-03.02-2022 «Հայաստանի Հանրապետության քաղաքացիական պաշտպանության պաշտպանական կառույցներ»  N06-Ն հրամանում:

     Նախագծի ընդունման  պարագայում ՀՀ պետական բյուջեի եկամուտներում կարող են նախատեսվել լրացուցիչ  ֆինանսական մուտքեր:

Կապը ռազմավարական փաստաթղթերի հետ

<Քաղաքացիական պաշտպանության մասին> օրենք

Քաղաքացիական պաշտպանության նախապատրաստական միջոցառումներն են՝

քաղաքացիական պաշտպանության տեսանկյունից՝ բնակավայրերի, գործառնական այլ տարածքների գլխավոր հատակագծերում և մանրամասն հատակագծման նախագծերում հատուկ, կարևորագույն նշանակության օբյեկտների գործունեության կայունության ապահովումը և նպատակահարմար տեղաբաշխումը.

ՀՀ կառավարության 08.04.2021թ N 531-Լ որոշում

Քաղաքացիական պաշտպանության պաշտպանական կառույցներ, նախագծման պարտադիր պահանջներ

91. Քաղաքաշինության կոմիտեն Հայաստանի Հանրապետության տարածքում նոր կառուցվող և վերակառուցվող բնակելի, կրթական, առողջապահական, վարչական և հասարակական այլ նշանակության շենքերի և շինությունների վերազինումը համապատասխան սարքավորանքով, նկուղային և որմնախարսխային հարկերի, ինչպես նաև ստորգետնյա ավտոկայանատեղիների, ապաստարանների և/կամ թաքստոցների (այդ թվում՝ ներկառուցվող) նախագծման պարտադիր պահանջների ապահովումը համարում է առաջնահերթ միջոցառումների համալիր, որն ուղղված է արտակարգ իրավիճակներում մարդկանց կյանքի և առողջության պաշտպանությանը, վտանգների կանխմանը և նվազեցմանը, բնականոն կենսագործունեության ապահովմանը:

92. Կարևորվում են Քաղաքաշինության կոմիտեի նախաձեռնությունները արտակարգ իրավիճակներին, այդ թվում՝ քաղաքացիական պաշտպանության խնդիրներին առնչվող քաղաքաշինական նորմատիվ փաստաթղթերի մշակման (տեղայնացման), վերանայման և արդիականացման գործում, ինչպես նաև արդյունավետ և սերտ փոխգործակցությունը ՀՀ արտակարգ իրավիճակների և ՀՀ պաշտպանության նախարարությունների հետ:

4.

Նախագծի մշակման գործընթացում ներգրավված ինստիտուտները և անձիք

     Նախագիծը մշակվել է ՀՀ քաղաքաշինության  կոմիտեի կողմից

5.

Ակնկալվող արդյունքը

     Որոշման նախագծի ընդունմամբ հնարավոր կլինի շենքերի նկուղային/ստորգետնյա կամ որմնախարսխային հարկաբաժինների ներկայումս չշահագործվող տարածքները վերազինելով և նորոգելով դարձնել օգտագործելի  բնակչության համար, խթանելով առողջ ապրելակերպի սկզբունքները, գործընթացում ներգրավվելով բազմաթիվ սպորտային մասնագիտացված խմբակների և ակումբների մարզիչների՝  միաժամանակ նպաստելով ձեռնարկատիրական գործունեությանը  մարզական ոլորտում: