ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ՕԳՈՍՏՈՍԻ 15-Ի N 1080-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈԻ ՄԱՍԻՆ

ՆԱԽԱԳԻԾ

ՈՐՈՇՈՒՄ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ՕԳՈՍՏՈՍԻ 15-Ի N 1080-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈԻ ՄԱՍԻՆ

Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածները՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2019 թվականի օգոստոսի 15-ի «Դեղատոմսեր գրելու, դեղեր բաց թողնելու (ներառյալ` էլեկտրոնային եղանակով) կարգը, դեղատոմսերի ձևերը, ինչպես նաև դեղերի և դեղանյութերի հաշվառման կարգը սահմանելու և Հայաստանի Հանրապետության կառավարության 2017 թվականի նոյեմբերի 9-ի N 1402-Ն որոշումն ուժը կորցրած ճանաչելու մասին» N 1080-Ն որոշման`

1) Որոշման նախաբանում`

ա. 1-ին կետը շարադրել հետևյալ խմբագրությամբ.

«1. Սահմանել`

1) դեղատոմսեր գրելու և դեղեր բաց թողնելու (ներառյալ` էլեկտրոնային եղանակով) կարգը՝ համաձայն N 1 հավելվածի.

2) թղթային դեղատոմսերի ձևերը՝ համաձայն N 2 հավելվածի.

3) դեղերի և դեղանյութերի հաշվառման կարգը՝ համաձայն N 3 հավելվածի:».

բ. 3-րդ կետը շարադրել հետևյալ խմբագրությամբ.

«3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից անվճար կամ արտոնյալ պայմաններով տրվող դեղերի դեղատոմսերի դուրս գրման մասով` 2024 թվականի հունվարի 1-ից, համակարգային ազդեցությամբ հակավարակային (հակաբակտերիային, հակասնկային, հակամիկոբակտերիային, հակավիրուսային դեղերի, իմունային շիճուկների և իմունոգլոբուլինների, պատվաստանյութերի), հորմոնային և միզոպրոստոլ պարունակող դեղերի դեղատոմսերի դուրս գրման մասով` 2024 թվականի մարտի 1-ից, դեղատոմսով բաց թողնվող այլ դեղերի, ինչպես նաև հոգեմետ (հոգեներգործուն) նյութեր պարունակող դեղերի դեղատոմսերի դուրս գրման մասով` 2025 թվականի հունվարի 1-ից: Դեղատոմսերը դուրս են գրվում միայն էլեկտրոնային եղանակով, բացառությամբ սույն որոշման 6-րդ կետում նշված դեպքերի, իսկ թմրամիջոցներ պարունակող դեղերի դեղատոմսերի դուրսգրումը իրականացվում է միայն թղթային եղանակով։»։

 գ. Որոշման 4-րդ և 5-րդ կետերը ուժը կորցրած ճանաչել:

2) Որոշման հավելված 1-ի`

ա. 4-րդ կետը շարադրել հետևյալ խմբագրությամբ.

«4. Էլեկտրոնային դեղատոմսերի համարակալումը, հաշվառումը, ինչպես նաև դրանց համապատասխան դեղերի բացթողումն իրականացվում է էլեկտրոնային համակարգի (այսուհետ՝ Համակարգ) միջոցով: Էլեկտրոնային դեղատոմսով դեղերի դուրսգրումը և բացթղումը Համակարգի միջոցով, իրականացվում է ՀՀ նախարարի 2021 թվականի դեկտեմբերի 27-ի թիվ 99 Ն հրամանի համաձայն։ Անվավեր արված դեղատոմսերի համարները այլևս չեն օգտագործվում։ Յուրքանչյուր հաշվետու տարվա սկզբում համարակալումը սկսվում է զրոյից: Համարակալումն իրականացվում է Համակարգի կողմից ինքնաշխատ եղանակով։ Համարը ներառում է Բժշկական կազմակերպության ՀՎՀՀ-ն, տվյալ տարվա տարեթիվը, բնորոշող տառ, վեցանիշ թիվ, որի հաշվարկը սկսվում է 0000001-ից.

1) N 2 դեղատոմսային ձևի համար «Հ» տառը.

2) N 3 դեղատոմսային ձևի համար «Փ» տառը.

3) N 4 դեղատոմսային ձևի համար «Դ» տառը:»։

բ. 6-րդ կետը շարադրել հետևյալ խմբագրությամբ.

«6. Դեղատոմսը թղթային տարբերակով դուրս է գրվում միայն այն դեպքում, երբ էլեկտրոնային համակարգը տեխնիկական խնդիրների պատճառով հասանելի չէ: Խնդիրը կարգավորելուց հետո դուրս գրված թղթային դեղատոմսերը մուտքագրվում են Համակարգ, վերջինիս հասանելիությունը վերականգնվելուց հետո՝ տվյալ օրվա ընթացքում։ Էլեկտրոնային դեղատոմսի առկայության պայմաններում թղթային տարբերակը տպագրվում է էլեկտրոնային համակարգից և տրամադրվում է պացիենտին կամ նրա օրինական ներկայացուցչին՝ վերջիններիս պահանջի դեպքում:

գ. 8-րդ կետը շարադրել հետևյալ խմբագրությամբ.

«8. Դեղատոմսը պետք է պարունակի հետևյալ տվյալները՝

1) բժշկական հաստատության անվանումը, լիցենզիայի համարը կամ հարկ վճարողի հաշվառման համարը, գտնվելու (անհատ ձեռնարկատիրոջ՝ բնակության) վայրը և հեռախոսահամարը.

2) պացիենտի անունը, ազգանունը, բնակության վայրը (ամբողջությամբ).

3) պացիենտի ծննդյան տարեթիվը կամ տարիքը, ընդ որում՝ մինչև 5 տարեկան երեխաների տարիքը գրվում է տարիներով և ամիսներով.

4) թմրամիջոցներ և հոգեմետ (հոգեներգործուն) նյութեր պարունակող դեղերի դուրսգրման դեպքում պացիենտի անձը հաստատող փաստաթղթի կամ հանրային ծառայությունների համարը (այսուհետ՝ ՀԾՀ, կամ վերջինից հրաժարվելու դեպքում՝ հրաժարվելու մասին տեղեկանքի համարը)․

5) զեղչի չափը` ըստ անհրաժեշտության.

6) նույն դեղատոմսով, դեղատոմսում դուրս գրված նույն քանակով դեղի բացթողումների թիվը (մեկ անգամ, երկու անգամ, երեք անգամ)՝ ըստ անհրաժեշտության.

7) նշանակվող դեղի վերաբերյալ տվյալները՝ դեղի անվանումը, դեղաչափը, դեղաձևը, քանակը, բաղադրակազմը և պատրաստման ու բացթողման ցուցումները (դեղատանը պատրաստվող դեղերի համար), նշանակվող դեղի միանվագ կիրառման չափաբաժինը, կիրառման եղանակը, ժամանակը (ըստ անհրաժեշտության նշելով կապը սննդի ընդունման և օրվա ժամերի հետ), հաճախականությունը և տևողությունը (оրերով).

8) դեղատոմսը գրելու ամսաթիվը և ուժի մեջ գտնվելու ժամկետը.

9) բժշկի անունը, ազգանունը, աշխատանքային հեռախոսահամարը․

10) բժշկի ստորագրությունը թղթային դեղատոմսի դեպքում։»: 

դ. 9-րդ կետը շարադրել հետևյալ խմբագրությամբ.

«9. Էլեկտրոնային դեղատոմսը, բացի սույն կարգի 8-րդ կետում նշված տվյալների, պետք է պարունակի նաև՝

1) ախտորոշման ծածկագիրը՝ հիվանդությունների դասակարգման (այսուհետ՝ ՀԴ) համաձայն.

2) դեղի անատոմիական-բուժական-քիմիական ծածկագիրը՝ ըստ գրանցամատյանի.

3) պացիենտի ՀԾՀ-ն կամ վերջինից հրաժարվելու դեպքում՝ հրաժարվելու մասին տեղեկանքի համարը, ծննդյան ամսաթիվը, սեռը.

4) բժշկի մասնագիտացումը.

5) արժեքի լրիվ կամ մասնակի փոխհատուցմամբ (այսուհետ՝ փոխհատուցվող) դեղերի տրամադրումը հիմնավորող փաստաթղթի համարը, տրման ամսաթիվը և ուժի մեջ գտնվելու ժամկետը.

6) Լիազորված անձի տվյալները՝ անուն, ազգանուն, ՀԾՀ-ն կամ վերջինից հրաժարվելու դեպքում՝ հրաժարվելու մասին տեղեկանքի համարը։»:

ե. 10-րդ կետը շարադրել հետևյալ խմբագրությամբ.

«10. Հայաստանի Հանրապետությունում կիրառվում են սույն որոշման N 2 հավելվածով հաստատված դեղատոմսերի ձևաթղթերի հետևյալ ձևերը՝

1) N 1 դեղատոմսային ձև` թմրամիջոց պարունակող դեղերի համար թղթային տարբերակ,

2) N 2 դեղատոմսային ձև` հոգեմետ (հոգեներգործուն) նյութ պարունակող դեղերի համար էլեկտրոնային տարբերակ, բացառությամբ սույն կարգի 6-րդ կետով սահմանված դեպքերի,

3) N 3 դեղատոմսային ձև՝ փոխհատուցվող դեղերի համար էլեկտրոնային տարբերակ, բացառությամբ սույն կարգի 6-րդ կետով սահմանված դեպքերի,

4) N 4 դեղատոմսային ձև՝ դեղերի և դեղանյութերի մեկանգամյա կամ բազմակի բացթողման համար էլեկտրոնային տարբերակ, բացառությամբ սույն կարգի 6-րդ կետով սահմանված դեպքերի:»:

 զ. 11-րդ կետը շարադրել հետևյալ խմբագրությամբ.

«11. Դեղատոմսային ձևաթղթի վրա լրացվում են բժշկական հաստատության վերաբերյալ սույն կարգի 8-րդ կետի 1-ին ենթակետում սահմանված տվյալները կամ դրվում է այդ տվյալները պարունակող դրոշմակնիք: Էլեկտրոնային դեղատոմսի դեպքում վերոնշյալ տվյալները ներբեռնվում են էլեկտրոնային համակարգից ինքնաշխատ եղանակով:

է. 27-րդ կետը շարադրել հետևյալ խմբագրությամբ.

«27. Դեղատոմսերում դեղերը գրվում են համընդհանուր անվանումներով՝ օրենքի 25-րդ հոդվածի 10-րդ մասին համապատասխան։ Դեղի առևտրային անվանունով դեղատոմս դուրս գրելը հնարավոր է միայն բժշկի պատճառաբանված հիմնավորման դեպքում: Թղթային դեղատոմսի դեպքում հիմնավորումը նշվում է դեղատոմսի դարձերեսին, իսկ էլեկտրոնային դեղատոմսի դեպքում այդ նպատակի համար առանձնացված դաշտում:

ը. 30-րդ կետը շարադրել հետևյալ խմբագրությամբ.

«30 «Թմրամիջոցներ և հոգեմետ (հոգեներգործուն) նյութեր, ինչպես նաև փոխհատուցվող (այդ թվում՝ կենտրոնացված կարգով ձեռք բերված և մարդասիրական օգնության ճանապարհով ստացված) դեղի» բառերը փոխարինել «Թմրամիջոցներ և հոգեմետ (հոգեներգործուն) նյութեր պարունակող դեղի» բառերով:»:

թ. 31-րդ կետը շարադրել հետևյալ խմբագրությամբ.

«31. Դեղատոմս գրող բժիշկը հաշվառում է N 1 և N 2 ձևաթղթերի վրա դուրս գրված դեղատոմսերն ըստ տեսակների առանձնացված մատյաններում, որոնց էջերը համարակալվում, կարվում և հաստատվում են բժշկական հաստատության տնօրենի ստորագրությամբ: Մատյանում գրիչով նշվում են դուրսգրման ամիսը, ամսաթիվը, պացիենտի անունը, ազգանունը, բնակության վայրը, բժշկական փաստաթղթի համարը, զեղչի հիմքը և չափը (տոկոսով), դեղատոմսի համարը, բովանդակությունը և պացիենտի ստորագրությունը: Իսկ N 3 ձևաթղթի վրա դուրս գրված էլեկտրոնային դեղատոմսերի գրանցամատյանը էլեկտրոնային համակարգում ձևավորվում է ինքնաշխատ եղանակով:»:

ժ․53-րդ կետը շարադրել հետևյալ խմբագրությամբ․

«53. Սույն կարգով սահմանված որոշ տվյալների բացակայության և (կամ) սխալների և (կամ) ուղղումների և (կամ) անհամատեղելի բաղադրատարրերի առկայության դեպքում դեղատան աշխատակիցը դեղատոմսը դուրս գրող բժշկի հետ ճշտելուց հետո կարող է դեղը բաց թողնել: Բաց թողնվող դեղի քանակի սխալների և (կամ) քանակի ուղղումների դեպքում դեղատոմսը դեղատան աշխատակցի կողմից ճանաչվում է անվավեր և բժշկին տեղեկացվում է նոր դեղատոմս դուրս գրելու անհրաժեշտության մասին: Էլեկտրոնային դեղատոմսը անվավեր անելու դեպքում այն պահպանվում է Համակարգում և վերջինս անվավեր անելու ժամկետը և անողի վերաբերյալ տվյալները պահպանում է իրադարձությունների մատյանում։»։

ի․ 54-րդ կետը լրացնել հետևյալ խմբագրությամբ․

«54. Թղթային դեղատոմսով դեղը բաց թողնելիս դեղատոմսի դարձերեսին նշվում է բաց թողնված դեղի անվանումը, դեղաչափը, դեղաձևը, քանակը, բացթողման ամսաթիվը, բաց թողնողի անունը, ազգանունը և ստորագրվում բաց թողնողի կողմից: Էլեկտրոնային դեղատոմսի դեպքում՝ Համակարգում ամրագրվում է դուրս գրված դեղի քանակները։»։

լ․ 60-րդ կետը լրացնել հետևյալ խմբագրությամբ․

«60․ Թղթային դեղատոմսով դեղը ոչ ամբողջական սպառողական փաթեթով բաց թողնելու կամ բազմակի բացթողման դեպքում մնացած քանակները կարող են շարունակաբար տրամադրվել նույն դեղատնից՝ դեղատոմսի դարձերեսին նշելով դեղի անվանումը, դեղաչափը, բաց թողնված քանակը, ամսաթիվը, բաց թողնողի ու ստացողի անունները և նրանց ստորագրությունները: Էլեկտրոնային դեղատոմսի դեպքում՝ դեղատոմսը մնում է ակտիվ դեղատան աշխատողի համար, քանի դեռ դեղատոմսում առկա ամբողջ քանակը չի տրամադրվել և տրամադրման մասին տեղեկատվությունը չի ամրագրվել Համակարգում, կամ չի լրացել սույն կարգի 30-րդ կետով սահմանված դեղատոմսի ժամկետը։»։

խ․ 68-րդ կետը լրացնել հետևյալ խմբագրությամբ․

«68. Բոլոր թղթային դեղատոմսերը, այդ թվում` անվավեր ճանաչված, պահվում են դեղը բաց թողած դեղատանը՝ ըստ բացթողման ամսաթվերի, սույն կարգի 69-րդ կետով սահմանված ժամկետներում, դրանց պահպանվածությունը ապահովող պայմաններում։ Էլեկտրոնային դեղատոմսերը ինքնաշխատ եղանակով պահպանվում են Համակարգում՝ անժամկետ։»։

2. Սույն որոշումն ուժի մեջ է պաշտոնական հրապարակման հաջորդ օրը: