«Քննչական գործողության ընթացքում կիրառվող տեխնիկական միջոցների բնութագիրը և չափանիշները, տեխնիկական միջոցների օգտագործման կարգը սահմանելու և Հայաստանի Հանրապետության կառավարության 2019 թվականի ապրիլի 11-ի N 401-Ն որոշումն ուժը կորցրած ճանաչելու մասին» ՀՀ կառավարության որոշման նախագիծ

ՀԻՄՆԱՎՈՐՈՒՄ

«ՔՆՆՉԱԿԱՆ ԳՈՐԾՈՂՈՒԹՅԱՆ ԸՆԹԱՑՔՈՒՄ ԿԻՐԱՌՎՈՂ ՏԵԽՆԻԿԱԿԱՆ ՄԻՋՈՑՆԵՐԻ ԲՆՈՒԹԱԳԻՐԸ ԵՎ ՉԱՓԱՆԻՇՆԵՐԸ, ՏԵԽՆԻԿԱԿԱՆ ՄԻՋՈՑՆԵՐԻ ՕԳՏԱԳՈՐԾՄԱՆ ԿԱՐԳԸ ՍԱՀՄԱՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ԱՊՐԻԼԻ 11-Ի N 401-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ» ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ

1. Ընթացիկ իրավիճակը և իրավական ակտի ընդունման անհրաժեշտությունը.

«Քննչական գործողության ընթացքում կիրառվող տեխնիկական միջոցների բնութագիրը և չափանիշները, տեխնիկական միջոցների օգտագործման կարգը սահմանելու և Հայաստանի Հանրապետության կառավարության 2019 թվականի ապրիլի 11-ի N 401-Ն որոշումն ուժը կորցրած ճանաչելու մասին» կառավարության որոշման ընդունումը պայմանավորված է Հայաստանի Հանրապետության քրեական դատավարության նոր օրենսգրքի (այսուհետ՝ Օրենսգիրք) ընդունմամբ: Օրենսգիրքն ընդունվել է 2021 թվականի հունիսի 30-ի ՀՕ-306-Ն օրենքով, իսկ ուժի մեջ է մտնելու 2022 թվականի հուլիսի 1-ին:

Օրենսգրքի 214-րդ հոդվածը կարգավորում է քննչական գործողություն կատարելիս տեխնիկական միջոցների կիրառման հետ կապված իրավահարաբերությունները: Նույն հոդվածի 11-րդ մասի համաձայն՝ «Քննչական գործողության ընթացքում կիրառվող տեխնիկական միջոցների բնութագիրը և չափանիշները, ինչպես նաև տեխնիկական միջոցների օգտագործման կարգը սահմանում է Կառավարությունը»։

Հայաստանի Հանրապետության վարչապետի 2021 թվականի հոկտեմբերի 21-ի N 1190-Ա որոշմամբ հաստատվել է «Հայաստանի Հանրապետության քրեական դատավարության օրենսգիրք» 2021 թվականի հունիսի 30-ի ՀՕ-306-Ն օրենքի կիրարկումն ապահովող միջոցառումների ցանկը՝ համաձայն հավելվածի:

Նշված հավելվածով նախատեսված ցանկի 2-րդ կետով սահմանված է «Քննչական գործողության ընթացքում կիրառվող տեխնիկական միջոցների բնութագիրը և չափանիշները, ինչպես նաև տեխնիկական միջոցների օգտագործման կարգը սահմանելու մասին» ՀՀ կառավարության որոշման նախագծի կազմումը:

Ի կատարումն Օրենսգրքի 214-րդ հոդվածի 11-րդ մասի պահանջների՝ անհրաժեշտ է ընդունել սույն նախագիծը, որով կարգավորված են քննչական գործողության ընթացքում կիրառվող տեխնիկական միջոցների բնութագրի և չափանիշների, տեխնիկական միջոցների օգտագործման կարգին վերաբերող իրավահարաբերությունները:

Միաժամանակ, սույն նախագծի ընդունման դեպքում ուժը կորցրած պետք է ճանաչվի Հայաստանի Հանրապետության կառավարության 2019 թվականի ապրիլի 11-ի «Դատավարական գործողությունների ընթացքում կիրառվող տեխնիկական միջոցների օգտագործման կարգը սահմանելու մասին» N 401-Ն որոշումը:

Նշված որոշման կարգավորման տիրույթն ավելի լայն է, քանի որ սահմանում է նաև դատական նիստերի քարտուղարի կողմից տեխնիկական միջոցների կիրառման դեպքերը: Սակայն հաշվի առնելով, որ Օրենսգրքի 214-րդ հոդվածը վերաբերում է միայն քննչական գործողություններին, իսկ հատուկ համակարգչային ձայնագրման համակարգի շահագործման, տվյալների արխիվացման և համակարգի պահպանության կարգի uահմանումը վերապահված է Բարձրագույն դատական խորհրդին՝ դատական նիստերի քարտուղարի կողմից տեխնիկական միջոցների օգտագործման կարգը չի ներառվել Նախագծի կարգավորումներում: 

2. Առաջարկվող կարգավորման բնույթը.

Նախագծով առաջարկվում է Հայաստանի Հանրապետության կառավարության որոշմամբ սահմանել քննչական գործողության ընթացքում կիրառվող տեխնիկական միջոցների բնութագիրը և չափանիշները, տեխնիկական միջոցների օգտագործման կարգը:  

Մասնավորապես, սահմանվելու են տեխնիկական միջոնցերն օգտագործող անձինք, տեխնիկական միջոցների օգտագործման սկզբունքները, տեխնիկական միջոցների բնութագիրը և չափանիշները, ինչպես նաև տեխնիկական միջոցների օգտագործման պայմանները:

3. Նախագծի մշակման գործընթացում ներգրավված ինստիտուտները, անձինք

         Նախագիծը մշակվել է Հայասատանի Հանրապետության արդարադատության նախարարության կողմից:

4. Ակնկալվող արդյունքը.

«Քննչական գործողության ընթացքում կիրառվող տեխնիկական միջոցների բնութագիրը և չափանիշները, տեխնիկական միջոցների օգտագործման կարգը սահմանելու և Հայաստանի Հանրապետության կառավարության 2019 թվականի ապրիլի 11-ի N 401-Ն որոշումն ուժը կորցրած ճանաչելու մասին» կառավարության որոշման ընդունմամբ կապահովվի Հայաստանի Հանրապետության քրեական դատավարության նոր օրենսգրքի 214-րդ հոդվածի 11-րդ մասի պահանջների կատարումը:

5. Նախագծի ընդունման կապակցությամբ լրացուցիչ ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին.

«Քննչական գործողության ընթացքում կիրառվող տեխնիկական միջոցների բնութագիրը և չափանիշները, տեխնիկական միջոցների օգտագործման կարգը սահմանելու և Հայաստանի Հանրապետության կառավարության 2019 թվականի ապրիլի 11-ի N 401-Ն որոշումն ուժը կորցրած ճանաչելու մասին» կառավարության որոշման ընդունմամբ կառաջանա լրացուցիչ ֆինանսական միջոցների անհրաժեշտություն՝ կապված վարույթն իրականացնող մարմիններին տեխնիկական միջոցներով ապահովելու հետ:

6. 6. Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ.

«Քննչական գործողության ընթացքում կիրառվող տեխնիկական միջոցների բնութագիրը և չափանիշները, տեխնիկական միջոցների օգտագործման կարգը սահմանելու և Հայաստանի Հանրապետության կառավարության 2019 թվականի ապրիլի 11-ի N 401-Ն որոշումն ուժը կորցրած ճանաչելու մասին» կառավարության որոշման նախագիծը չի բխում համապատասխան ռազմավարական փաստաթղթերից։

Միաժամանակ, սույն նախագիծը բխում է Հայաստանի Հանրապետության քրեական դատավարության նոր օրենսգրքի 214-րդ հոդվածի 11-րդ մասի պահանջների կատարումից: