ԳՈՒՅՔ ՀԵՏ ՎԵՐՑՆԵԼՈՒ ԵՎ ԱՄՐԱՑՆԵԼՈՒ ՄԱՍԻՆ

ՀԻՄՆԱՎՈՐՈՒՄ

«ԳՈՒՅՔ ՀԵՏ ՎԵՐՑՆԵԼՈՒ ԵՎ ԱՄՐԱՑՆԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ ՎԵՐԱԲԵՐՅԱԼ

1. Կարգավորման ենթակա ոլորտի կամ խնդրի սահմանումը.

   Իրավական ակտի ընդունումը պայմանավորված է ՀՀ կադաստրի կոմիտեի Շիրակի մարզային ստորաբաժանման գործառույթների առավել լիարժեք իրականացմամբ և նրա գործունեության արդյունավետության բարձրացմամբ բավարար շենքային պայմանների ապահովման անհրաժեշտությամբ: 

2. Առկա իրավիճակը

   Ներկայումս ՀՀ կադաստրի կոմիտեի Շիրակի մարզային ստորաբաժանումը տեղակայված է ՀՀ Շիրակի մարզի Գյումրի քաղաքի Թամանյան փողոց 26 վարչական շենք հասցեում գտնվող վարձակալության իրավունքով տրամադրված 933.32 քմ և ընդհանուր օգտագործման տարածք հանդիսացող՝ 77.39 քմ մակերեսով տարածքում (ամսեկան 804000 (ութ հարյուր չորս հազար) ՀՀ դրամ վարձավճարով, վարձակալության իրավունքի տրամադրման ժամկետը մինչև 2021 թվականի հունվարի 1-ը): Վարձակալության իրավունքով տրամադրված վերոնշյալ տարածքը ծախսատարության և ոչ հարմարավետ պայմանների տեսանկյունից նպատակահարմար չէ, հետևաբար առաջարկում ենք ՀՀ կադաստրի կոմիտեին ամրացնել ՀՀ սեփականություն հանդիսացող ՀՀ Շիրակի մարզի Գյումրի քաղաքի Մանուշյան փողոցի 8 հիվանդանոց հասցեում գտնվող շենքի 1-ին հարկից 414,14 քառ.մետր և 2-րդ հարկից 341,48 քառ.մետր և դրա զբաղեցրած, սպասարկման ու օգտագործման համար անհրաժեշտ 609.7 հա հողատարածքը:

3. Կարգավորման նպատակները, ակնկալվող արդյունքը

   Որոշման ընդունման նպատակը վերը նշված անշարժ գույքը ՀՀ կադաստրի կոմիտեին ամրացնելն է: ՀՀ կառավարության որոշման ընդունման ակնկալվող արդյունքը կլինի շենքային պայմանների ապահովմամբ գործառույթների արդյունավետ օգտագործումը: Արդյունքում՝ ՀՀ կադաստրի կոմիտեին կամրացվի պետության սեփականությունը հանդիսացող անշարժ գույք, ինչը նաև նպատակահարմար է պետական բյուջեի ծախսերի նվազման տեսանկյունից։