<<Օպերատիվ-հետախուզական գործունեության մասին>> Հայաստանի հանրապետության օրենքում լրացումներ կատարելու մասին>> ՀՀ օրենքի նախագիծ

ՏԵՂԵԿԱՆՔ-ՀԻՄՆԱՎՈՐՈՒՄ

<<Օպերատիվ-հետախուզական գործունեության մասին>> Հայաստանի հանրապետության օրենքում լրացումներ կատարելու մասին>> ՀՀ օրենքի նախագծի ընդունման

1. Իրավական ակտի ընդունման անհրաժեշտությունը

<<Օպերատիվ-հետախուզական գործունեության մասին>> Հայաստանի հանրապետության օրենքում լրացումներ կատարելու մասին>> ՀՀ օրենքի (այսուհետ՝ օրենք) նախագծի ընդունման անհրաժեշտությունը պայմանավորված է ՀՀ զինված ուժերում ժամկետային և պայմանագրային պարտադիր զինծառայողների կողմից նախապատրաստվող ծանր և առանձնապես ծանր հանցագործությունների կանխարգելման աշխատանքների արդյունավետությունը բարձրացնելու համար անհրաժեշտ տեղեկությունների (այդ թվում՝ հետախուզական) ձեռքբերման արդյունավետությունը բարձրացնելու հանգամանքով:

2. Ներկա իրավիճակը և խնդիրները

Համաձայն օրենքի 14-րդ հոդվածի 2.1-ին մասի՝ ռազմական ոստիկանությանը իրավունք է վերապահվել անցկացնելու սույն հոդվածի 1-ին մասի 1-ին, 2-րդ, 3-րդ, 5-րդ, 6-րդ, 7-րդ, 8-րդ, 9-րդ, 10-րդ 11-րդ, 13-րդ, 14-րդ և 16-րդ կետերով նախատեսված օպերատիվ-հետախուզական միջոցառումները, իսկ հեռախոսային խոսակցությունների վերահսկում օպերատիվ-հետախուզական միջոցառումը վերը նշված միջոցառումների ցանկում չի եղել, ինչը պայմանավորված է եղել այն հանգամանքով, որ ՀՀ զինված ուժերում ժամկետային պարտադիր զինծառայողներին արգելված է եղել օգտագործել բջջային հեռախոս:

Հաշվի առնելով այն հանգամանքը, որ Պաշտպանության նախարարի կողմից արդեն հաստատվել է ՀՀ զինված ուժերում ժամկետային պարտադիր զինծառայողների կողմից բջջային հեռախոսներից օգտվելու կանոնակարգը և որ վերը նշված օպերատիվ հետախուզական միջոցառումն անհրաժեշտ է անցկացնել ոչ միայն այն դեպքում, երբ անձը կասկածվում է ծանր և առանձնապես ծանր հանցագործության մեջ, այլ նաև մինչ նման կասկածների ի հայտ գալը ծանր և առանձնապես ծանր հանցագործությունների հայտնաբերման, կանխման և խափանման փուլերում, օրենքի նախագծի ընդունումը կհանգացնեի զինված ուժերի բարձր պատրաստականությանը և զինված ուժերում կատարվող հանցագործությունների նվազմանը:

Ներկա իրավիճակում, որը պայմանավորված է տարածքային բարդ իրավիճակով և ահագնացող սպառնալիքով, անհրաժեշտ է ժամանակին պատրաստ լինել հնարավոր հակաիրավական դրսևորումներին: Բացի այդ, պետք է նկատի ունենալ, որ հակաիրավական վարքագիծ ունեցող անձիք ավելի շատ ուժեր և միջոցներ են ներգրավում իրենց հանցավոր մտահաղացումները կյանքի կոչելու համար: Այդ իսկ պատճառով, անհրաժեշտ է ժամանակին և համաչափ արձագանքել վերոհիշյալ մարտահրավերներին:

3. Տվյալ բնագավառում իրականացվող քաղաքականությունը

Բնագավառում իրականացվող քաղաքականության նպատակն է ապահովել Հայաստանի Հանրապետության զինված ուժերում ծանր և առանձնապես ծանր հանցագործությունների հայտնաբերման, կանխման և խափանման գործընթացի արդյունավետության բարձրացումը:

4. Կարգավորման նպատակը և բնույթը

Օրենքի նախագծի համաձայն նախատեսվում է, որ ռազմական ոստիկանությունն օպերատիվ-հետախուզական գործունեության շրջանակներում իրավունք ունի իրականացնել հեռախոսային խոսակցությունների վերահսկում:

5. Նախագծի մշակման գործընթացում ներգրավված ինստիտուտները, անձինք և նրանց դիրքորոշումը

Օրենքի նախագիծը մշակվել է Պաշտպանության նախարարության ռազմական ոստիկանության կողմից:

6. Ակնկալվող արդյունքները

Օրենքի նախագծի ընդունման արդյունքում կբարձրանա ծանր կամ առանձնապես ծանր հանցագործությունների դեմ պայքարի, ինչպես նաև Հայաստանի Հանրապետության զինված ուժերում անվտանգության ապահովման նպատակով արտաքին սպառնալիքների և արդի մարտահրավերների վերաբերյալ կանխարգելիչ բնույթի հետախուզական տեղեկությունների ձեռքբերման արդյունավետությունը:

ՏԵՂԵԿԱՆՔ

<<Օպերատիվ-հետախուզական գործունեության մասին>> Հայաստանի հանրապետության օրենքում լրացումներ կատարելու մասին>> ՀՀ օրենքի նախագծի ընդունման կապակցությամբ այլ իրավական ակտերում  փոփոխություններ և լրացումներ կատարելու վերաբերյալ

          Օրենքի նախագծի ընդունման կապակցությամբ այլ իրավական ակտերում փոփոխություններ և լրացումներ կատարելու անհրաժեշտություն չի առաջանում:

ՏԵՂԵԿԱՆՔ

<<Օպերատիվ-հետախուզական գործունեության մասին>> Հայաստանի հանրապետության օրենքում լրացումներ կատարելու մասին>> ՀՀ օրենքի նախագծի ընդունման կապակցությամբ ՀՀ պետական բյուջեի ծախսերի կամ եկամուտների ավելացման կամ նվազեցման վերաբերյալ

          Օրենքի ընդունումը Հայաuտանի Հանրապետության պետական բյուջեում փոփոխությունների կատարման անհրաժեշտություն չի առաջացնում:

ՏԵՂԵԿԱՆՔ

<<Օպերատիվ-հետախուզական գործունեության մասին>> Հայաստանի հանրապետության օրենքում լրացումներ կատարելու մասին>> ՀՀ օրենքի նախագիծը հանրային քննարկման ներկայացնելու վերաբերյալ

          Օրենքի նախագիծը տեղադրվել է իրավական ակտերի նախագծերի հանրային քննարկման համար նախատեսված միասնական կայքում: