«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՀՀ կառավարության որոշման նախագիծ

Իրավական ակտի հիմնավորումը

1.

Անհրաժեշտությունը

   Նախագծի մշակման անհրաժեշտությունը բխում է հաշմանդամություն և սոցիալական այլ կարգավիճակ ունեցող անձանց անհրաժեշտ պրոթեզաօրթպեդիկ և վերականգնողական պարագաները պետական հավաստագրերի հիման վրա տրամադրելու ընթացակարգերի ներդրումից:

2.

Ընթացիկ իրավիճակը և խնդիրները

Պրոթեզաօրթպեդիկ և վերականգնողական պարագաները տրամադրվում են պետական գնումների  ընթացակարգերով հաղթող ճանաչված և ՀՀ աշխատանքի և սոցիալական հարցերի հետ պայմանագիր կնքած կազմակերպությունների կողմից: Սույն ընթացակարգերը հաճախ բողոքարկվում են մրցույթի մասնակիցների կողմից, որի պատճառով հազարավոր հաշմանդամություն և սոցիալական այլ կարգավիճակ ունեցող անձիք չեն կարողանում ժամանակին ստանալ իրենց անհրաժեշտ պարագաները: Բացի այդ, 2017 թվականի սեպտեմբերի 7-ի N 1151-Ն որոշման ընդունումը ակնհայտ դարձրեց, որ պետական հավաստագրերի հիման վրա պարագաների տրամադրման դեպքում հնարավորություն է տրվում հաշմանդամություն ունեցող անձին ընտրոլու իր կարիքներին համապատասխան պարագան՝ իրեն հարմար որակավորված կազմակերպությանից:

   Միաժամանակ,  պրոթեզաօրթոպեդիկ և վերականգնողական պարագաների հաշվառման տեղեկատվական համակարգի կատարելագործման աշխատանքներին և ոլորտում իրականացվող ուսումնասիրություններին զուգահեռ, անհրաժեշտություն է առաջանում Որոշման մեջ կատարել որոշ հստակեցումներ, որոնք առնչվում են  պարագաների տրամադրման գործընթացի կազմակերպման հետ:

3.

Կարգավորման նպատակը և բնույթը

  Առաջարկվում է հաշմանդամություն և սոցիալական այլ կարգավիճակ ունեցող անձանց պարագաները տրամադրել պետական հավաստագրերի հիման վրա, ինչ արդյունքում պարագաների տրամադրման գործընթացը կդառնա ավելի հասցեական և արդյունավետ:

Նախագծով առաջարկվում է 18-30 տարեկան լսողական խնդիրներ ունեցող այն անձանց, ովքեր բժշկասոցիալական փորձաքննության արդյունքում հաշմանդամ չեն ճանաչվում՝ իրավասու մարմինների կողմից կազմված վերականգնողական անհատական ծրագրերի հիման վրա ստանան եվրոպական արտադրության լսողական սարք:

Սա կնպաստի հաշմանդամության կանխարգելմանը, ինչպե նաև լսողական խնդիրներ ունեցող անձանց ներառմանը հասարակություն` որակյալ, հասցեական ծառայությունների մատուցման միջոցով:

4.

Նախագծի մշակման գործընթացում ներգրավված ինստիտուտները և անձինք

ՀՀ աշխատանքի և սոցիալական հարցերի նախարարություն

5.

Ակնկալվող արդյունքը

1. Հասցեկան և նպատակային ծառայությունների տրամադրում

2. 18-30 տարեկան լսողական խնդիրներ ունեցող անձիք, ովքեր բժշկասոցիալական փորձաքննության արդյունքում հաշմանդամ չեն ճանաչվել՝ իրավասու մարմինների կողմից կազմված վերականգնողական անհատական ծրագրերի հիման վրա կստանան լսողական սարք ձեռք բերելու պետական հավաստագրեր: