«Պետական ուսումնական հաստատություն տնօրեն գործուղելու կարգը հաստատելու մասին» ՀՀ կրթության, գիտության, մշակույթի և սպորտի նախարարի հրամանի նախագիծ

Գործող կարգով տնօրենի թափուր հաստիքներում տարիներով մրցույթը չհաղթահարելով տնօրենի պարտականությունների կատարումը իրականացնում են ընդհանրապես չհավաստագրված անձիք : Առաջարկում եմ մինչև մրցույթի հաղթահարումը պարտականությունների կատարումը դնել այդ հաստատությունում այլ հավաստագրված ուսուցչի: Կամ որպես գործուղվող տնօրեն թեկուզ փորձաշրջանով առաջնությունը տալ տվյալ ուսումնական հաստատությունում հեղինակություն վայելող , հավաստագիր ունեցող ուսուցչին :

5-ամյա ժամկետը կարող է ընդհանուր դեպքերում արդյունավետ լինել, սակայն որոշ դեպքերում խնդիրները կարող են ավելի արագ կամ ավելի դանդաղ լուծվել, ուստի առաջարկում եմ ներդնել գնահատման մեխանիզմներ և ժամկետը վերանայել՝ կախված դպրոցի առաջընթացից։

Նախագծում նշվում է, որ տնօրենը կարող է ազատվել աշխատանքից ցածր կատարողականի, կամ աջակցություն ստանալուց հետո առաջընթաց չապահովելու պատճառով, առաջարկում եմ սահմանել հատուկ օբյեկտիվ և չափելի ցուցանիշներ, որոնք կորոշեն, թե ինչ է համարվում <<ցածր կատարողական>>։ Սա կօգնի խուսափել սուբյեկտիվ մեկնաբանություններից։