ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
______________ 2025 թվականի N ____-Ն
ՌԱԶՄԱԿԱՆ ԿԱՐԻՔՆԵՐԻ ՀԱՄԱՐ ՓՈՐՁԱՆՄՈՒՇՆԵՐԻ, ԼՐԱՄԱՍԵՐԻ ԵՎ ԲԱՂԱԴՐԻՉՆԵՐԻ ՖԻՆԱՆՍԱՎՈՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Հիմք ընդունելով «Ռազմարդյունաբերական համալիրի մասին» ՀՀ օրենքի 6-րդ հոդվածի 1-ին մասի 2-րդ կետի «ժե» ենթակետը՝ ՀՀ կառավարությունը որոշում է.
- Հաստատել ռազմական կարիքների համար փորձանմուշների, լրամասերի և բաղադրիչների ֆինանսավորման կարգը ` համաձայն հավելվածի:
- Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հայաստանի Հանրապետության
վարչապետ Ն. Փաշինյան
2025թ. _______________ ____
Երևան
Հավելված
ՀՀ կառավարության 2025 թվականի
_________ ____-ի N _______-Ն որոշման
Կ Ա Ր Գ
ՌԱԶՄԱԿԱՆ ԿԱՐԻՔՆԵՐԻ ՀԱՄԱՐ ՓՈՐՁԱՆՄՈՒՇՆԵՐԻ, ԼՐԱՄԱՍԵՐԻ ԵՎ ԲԱՂԱԴՐԻՉՆԵՐԻ ՖԻՆԱՆՍԱՎՈՐՄԱՆ
- Սույն կարգով կարգավորվում է ոչ պետական միջոցներով ստեղծված ռազմական կամ երկակի նշանակության ապրանքի փորձանմուշների, լրամասերի և բաղադրիչների պետական փորձարկումների իրականացման համար անհրաժեշտ քանակության ապահովման նպատակով փորձանմուշների պատրաստման աշխատանքների (այսուհետ՝ ՓՊԱ) ֆինանսավորմանն առնչվող հարաբերությունները:
- ՓՊԱ ձևավորման հիմք են հանդիսանում ռազմական կամ երկակի նշանակության ապրանքների մշակմամբ զբաղվող սուբյեկտների (այսուհետ՝ Կատարող) կողմից ներկայացված ՓՊԱ հայտերը:
- Կատարողները ՓՊԱ հայտերը ՀՀ բարձր տեխնոլոգիական արդյունաբերության նախարարության ռազմարդյունաբերության կոմիտեին (այսուհետ` Կոմիտե) են ներկայացնում համաձայն Ձև 1-ի։ Այն դեպքում, երբ հայտի մասով դեռևս ներկայացման փուլում արդեն առկա է պետական կառավարման համակարգի որևէ մարմնի կողմից որպես փորձանմուշի մասով հավանական պատվիրատու հանդիսանալու վերաբերյալ դիրքորոշում, ապա ներկայացվում է նաև այդ դիրքորոշումը։
- Հայտի հետ միաժամանակ Կատարողը Կոմիտեի ուսումնասիրմանն է ներկայացնում ՓՊԱ իրականացման համար մեկ նմուշի (կամ լրակազմի) մասով գնառաջարկ (լրացվում է համաձայն Կառավարության 2016 թվականի դեկտեմբերի 22-ի N 1355-Ն որոշմամբ (այսուհետ՝ Որոշում) սահմանված նախնական գնահաշվարկին առաջադրվող ձևի, այն բացառությամբ, որ գնառաջարկը, իսկ հետագայում նաև ՓՊԱ իրականացման նախնական և փաստացի գնահաշվարկները շահույթ չպետք է նախատեսեն)։
- Այն դեպքում, երբ ՓՊԱ կատարման համար անհրաժեշտ է շահագրգիռ պետական կառավարման համակարգի մարմնի ենթակայության տակ գտնվող գույք, ապա այդ մարմնի համաձայնության դեպքում գույքը սահմանված կարգով տրամադրվում է ՓՊԱ կատարողին, իսկ դրա արժեքը՝ գնահաշվարկով նվազեցվում։
- Կոմիտեն 15 աշխատանքային օրվա ընթացքում ուսումնասիրում է հայտը և գնառաջարկը, ըստ անհրաժեշտության ներկայացնում առաջարկություններ, դիտողություններ, ձևաչափին չհամապատասխանող հայտերը կամ գնառաջարկը համապատասխան հիմնավորմամբ հետ են վերադարձվում կատարողին՝ շտկելու և կրկին ներկայացնելու համար, իսկ ձևաչափին համապատասխանելու դեպքում փաստաթղթերն ուղարկում է՝
- Շահագրգիռ պետական կառավարման համակարգի մարմիններին՝ ռազմական նշանակության ապրանքի (բաղկացուցիչ մասի) կամ դրա փորձնական նմուշի (փորձանմուշի) վերաբերյալ կարծիք հայտնելու համար: Այն դեպքում, երբ որևէ պետական կառավարման համակարգի մարմնի կողմից որպես փորձանմուշի մասով հավանական պատվիրատու հանդիսանալու վերաբերյալ առկա է դիրքորոշում (որի տրամադրումից չի անցել 6 ամիս), հայտը պետական կառավարման համակարգի մարմիններին կարծիքի չի ուղարկվում։
- Բարձր տեխնոլոգիական արդյունաբերության նախարարություն՝ որպես գործընթաց սկսելու վերաբերյալ տեղեկացում.
- Ազգային անվտանգության ծառայություն՝ կատարողի և նրա աշխատակիցների վերաբերյալ դիրքորոշում ստանալու նպատակով։
- Շահագրգիռ պետական կառավարման համակարգի մարմինները հայտի արդիականության, փորձանմուշների անհրաժեշտ քանակի վերաբերյալ կարծիքը Կոմիտեին ուղարկում են հայտը ստանալու պահից 10 աշխատանքային օրվա ընթացքում` համաձայն Ձև 2-ի։
- Ազգային անվտանգության ծառայությունը հայտի մասով կարծիքը (դիրքորոշումն) ուղարկում է այն ստանալուց հետո 15 աշխատանքային օրվա ընթացքում, որը կարող է երկարաձգվել 10 աշխատանքային օրով՝ լրացուցիչ ուսումնասիրություններ կատարելու անհրաժեշտության դեպքում։ Ազգային անվտանգության ծառայության կողմից Կատարողի վերաբերյալ բացասական դիրքորոշում ներկայացնելու դեպքում՝ հայտը մերժվում է, իսկ դիրքորոշումը կատարողին չի տրամադրվում։
- Շահագրգիռ պետական կառավարման համակարգի մարմինների (կամ դրանցից որևէ մեկի) կողմից դրական գնահատված և Ազգային անվտանգության ծառայության կողմից կատարողի վերաբերյալ դրական դիրքորոշում ստացած հայտերը քննարկելու և ընդհանրացնելու նպատակով Կոմիտեի նախաձեռնությամբ 10 աշխատանքային օրվա ընթացքում Բարձր տեխնոլոգիական արդյունաբերության նախարարության նախարարի հրամանով կազմվում է հանձնաժողով, որտեղ ըստ անհրաժեշտության, համաձայնեցմամբ ներգրավվում են պետական կառավարման համակարգի մարմինների ներկայացուցիչներ։
- Հանձնաժողովը 10 աշխատանքային օրվա ընթացքում հրավիրում է նիստ, քննարկում ներկայացված հայտը, և բաց քվեարկությամբ, ընդհանուր ձայների պարզ մեծամասնությամբ հավանություն տալիս դրան կամ մերժում այն, եթե՝
- Փորձարկման ենթակա գույքը տվյալ պահին արդիական չէ,
- Տնտեսական իմաստով գույքի ստեղծման ծախսերը ողջամտորեն արդարացված չեն դրա կիրառելիության նպատակին և լուծելիք խնդիրների կարևորությանը։
- Կատարողի անձնակազմն ակնհայտորեն չունի համապատասխան որակավորում և կամ մասնագիտացում։
- Այլ հիմնավորված ողջամիտ պատճառով։
- Հանձնաժողովը, իր եզրակացությունը 3 աշխատանքային օրվա ընթացքում ուղարկում է (ներկայացնում) Կոմիտեին և ՀՀ ԲՏԱՆ-ին։
- Կոմիտեն պետական կառավարման համակարգի մարմինների, հանձնաժողովի և Ազգային անվտանգության ծառայության դրական եզրակացություններն ու դիրքորոշումը ստանալուց հետո 5 աշխատանքային օրվա ընթացքում տեղեկացնում է Կատարողին՝ Կառավարության 2016 թվականի սեպտեմբերի 8-ի N 920-Ն որոշման համաձայն ռազմարդյունաբերական համալիրի գործունեության սուբյեկտների ամփոփ ցուցակում (այսուհետ՝ Ռեեստր) գրանցվելու անհրաժեշտության մասին, եթե Կատարողը Ռեեստրում գրանցված չէ։
- Դրական եզրակացությունը ստանալուց հետո, իսկ Ռեեստրում դեռևս չգրանցված կատարողների դեպքում՝ Ռեեստրում գրանցվելուց հետո Կատարողը 10 աշխատանքային օրվա ընթացքում Կոմիտեի համաձայնեցմանն է ներկայացնում Որոշմամբ սահմանված նախնական գնահաշվարկ:
- Կոմիտեն 10 աշխատանքային օրվա ընթացքում համաձայնեցնում է գնահաշվարկը և պատրաստում Կառավարության որոշման համապատասխան նախագիծ, ու ներկայացնում այն Բարձր տեխնոլոգիական արդյունաբերության նախարարություն՝ շրջանառելու համար։
- Բարձր տեխնոլոգիական արդյունաբերության նախարարությունն առարկությունների բացակայության դեպքում 3 աշխատանքային օրվա ընթացքում շրջանառում է «ՓՊԱ պետական պատվերը հաստատելու մասին» որոշման նախագիծը, որը պարունակում է նաև գնման ձևերը և այն ներկայացնում Կառավարության հաստատմանը:
- ՀՀ կառավարության որոշումը ստանալու պահից 5 աշխատանքային օրվա ընթացքում Կոմիտեն գնման հայտը գնումների մասին ՀՀ օրենսդրությամբ սահմանված կարգով ներկայացնում է բարձր տեխնոլոգիական արդյունաբերության նախարարություն՝ գնման գործընթացը կազմակերպելու նպատակով։
- Բարձր տեխնոլոգիական արդյունաբերության նախարարությունը 10 աշխատանքային օրվա ընթացքում Կատարողին ներկայացնում է ՓՊԱ գնման պայմանագիր կնքելու առաջարկ։ Պայմանագրով մտավոր սեփականության նկատմամբ իրավունքները չեն փոխանցվում պայմանագրի մյուս կողմին։
- ՓՊԱ պայմանագրով սահմանված աշխատանքներն ավարտելու և փորձարկման պատրաստ լինելու վերաբերյալ կատարողը Կոմիտեին ներկայացնում է ծանուցագիր:
- Փորձանմուշի փորձարկումներն իրականացվում են օրենսդրությամբ սահմանված կարգով:
- Փորձարկումների ավարտի վերաբերյալ համապատասխան փաստաթղթերը հանձնաժողովից ստանալուց հետո Կոմիտեն 2 աշխատանքային օրվա ընթացքում դրանք ուղարկում է Կատարողին։
- Կատարողը, 10 աշխատանքային օրվա ընթացքում, Որոշմամբ սահմանված կարգով Կոմիտեին ներկայացնում է իրականացված ՓՊԱ մասով փաստացի գնահաշվարկ։
- Կոմիտեն Որոշմամբ սահմանված ժամկետում ուսումնասիրում և համաձայնեցնում է փաստացի գնահաշվարկը, կամ հետ է ուղարկում ուղղման:
- ՓՊԱ պայմանագրի ավարտից հետո, անհրաժեշտության դեպքում, Կոմիտեի նախագահի հրամանով ձևավորվում է աշխատանքային խումբ, որն ուսումնասիրում է ավարտված պայմանագրի կատարման ընթացքում պետական միջոցների հաշվին ձեռք բերված ապրանքները և աշխատանքներն ավարտելուց հետո 5 աշխատանքային օրվա ընթացքում դրանց մասով ներկայացնում առաջարկություն Բարձր տեխնոլոգիական արդյունաբերության նախարարություն՝ գույքի հետագա տնօրինման ուղղությունների մասով:
Հայաստանի Հանրապետության
կառավարության աշխատակազմի
ղեկավար
Ա․ Հարությունյան
Ձև 1
ՀԱՅՏ
ՓՈՐՁԱՆՄՈՒՇՆԵՐԻ ՊԱՏՐԱՍՏՄԱՆ ԱՇԽԱՏԱՆՔՆԵՐԻ
Կատարողի ընդհանուր տվյալները
|
Անվանումը
|
|
|
Իրավաբանական գրանցման հասցեն
|
|
|
Գործունեության հասցեն
|
|
|
ՀՎՀՀ / ՀԾՀ (ֆիզ.անձի դեպքում)
|
|
|
Պետական ռեգիստրի գրանցման համարը/անձնագիրը (ֆիզ.անձի դեպքում)
|
|
|
Հեռախոսահամարը
|
|
|
Էլեկտրոնային փոստի հասցեն
|
|
|
Ղեկավարի Ա. Ա. Հ.
|
|
|
ՓՊԱ անվանումը
|
|
|
Կատարման ժամկետը (ամիսներով)
|
|
|
Փորձանմուշների առկա քանակը
|
|
|
Փորձանմուշների կանխատեսվող քանակը
|
|
|
1 միավորի (լրակազմի) առաջարկվող գինը
|
|
|
Ֆինանսավորման կանխատեսվող գումարը
|
|
Կատարողի աշխատակիցների վերաբերյալ տվյալները
|
Ազգանուն, անուն, հայրանուն
|
|
|
ՀԾՀ
|
|
|
Ծննդյան ամսաթիվը և ծննդավայրը
|
|
|
Կրթությունը (ԲՈՒՀ, մասնագիտություն)
|
|
|
Պաշտոնը
|
|
|
Հեռախոսահամարը
|
|
|
Էլեկտրոնային փոստի հասցեն
|
|
Նախագծի ֆինանսական գծով պատասխանատուի տվյալները
|
Ազգանուն, անուն, հայրանուն
|
|
|
ՀԾՀ
|
|
|
Պաշտոնը
|
|
|
Հեռախոսահամարը
|
|
|
Էլեկտրոնային փոստի հասցեն
|
|
- ՆԱԽԱԳԾԻ ՆԿԱՐԱԳՐՈՒԹՅՈՒՆԸ
2.1․ Նախագծի`
- Նկարագրությունը
- Ակնկալվող արդյունքները
- Կիրառության բնագավառները և նպատակները
- Առկա և անհրաժեշտ նյութական ռեսուրսները
2.2․ Տեխնիկական բնութագիրը
2․3 Սերիական արտադրության դեպքում միավոր ապրանքի կողմնորոշիչ գնային միջակայք՝ կախված արտադրության ծավալներից։
2․4․ Պետական փորձարկումների ծրագիր և մեթոդիկա (առկայության դեպքում)
- ՏԵՂԵԿՈՒԹՅՈՒՆՆԵՐ ՆԱԽԱԳԾԻ ՄԱՍՆԱԿԻՑՆԵՐԻ (ԿԱՏԱՐՈՂՆԵՐԻ) ՄԱՍԻՆ*
|
N
|
Հաստիքի (պաշտոնի, գործառույթի) անվանում
|
Քանակ
|
Նախագծի շրջանակներում կատարողի կողմից իրականացվող աշխատանքների բնույթ
|
| |
|
|
|
| |
|
|
|
| |
|
|
|
| |
|
|
|
| |
|
|
|
| |
|
|
|
| |
|
|
|
*Անհրաժեշտ է ներկայացնել նախագծի բոլոր մասնակիցների (կատարողների) ինքնակենսագրականները (CV): Եթե հետագայում ներգրավելու են այլ աշխատակիցներ, ապա նշել թափուր հաստիքները համալրելու կանխատեսումով։
Ձև 2
ԵԶՐԱԿԱՑՈՒԹՅՈՒՆ ՓՊԱ ՀԱՅՏԻ ՎԵՐԱԲԵՐՅԱԼ
Շահագրգիռ պետական կառավարման համակարգի մարմինները ՓՊԱ հայտի մասով եզրակացություն ներկայացնելիս անդրադառնում են հետևյալ հարցերին՝
- ՓՊԱ արդիականության վերաբերյալ՝
- Արդյո՞ք ներկայացվող փորձանմուշն արդիական է ներկայացման դրությամբ
- Արդյո՞ք փորձանմուշը կշարունակի արդիական մնալ նախատեսված ժամանակահատվածներում արտադրվելուց հետո։
- ՓՊԱ փորձարկման իրատեսության վերաբերյալ՝
- Ի՞նչ քանակությամբ փորձանմուշ է անհրաժեշտ պետական փորձարկման համար։
- Արդյո՞ք ներկայացված փորձանմուշի փորձարկման համար անհրաժեշտ և վերաբերելի պահանջվող միջոցները կարող են տրամադրվել, թե ոչ։
- ՓՊԱ մասով պատվիրատու հանդիսանալու վերաբերյալ՝
- Արդյո՞ք փորձանմուշի պետական փորձարկման դրական արդյունքի դեպքում պետական կառավարման համակարգի մարմինը կհանդիսանա սերիական արտադրության հավանական պատվիրատու։