«Հայաստանի Հանրապետության կրթության և գիտության նախարարի 2017 թվականի ապրիլի 13-ի N 370-Ն հրամանում փոփոխություններ և լրացումներ կատարելու մասին» Հայաստանի Հանրապետության կրթության, գիտության, մշակույթի և սպորտի նախարարի հրամանի նախագիծ

1 - Կողմ
1 - Դեմ

Ամփոփաթերթում ներառվում են նախագծի վերաբերյալ ներկայացված բոլոր բովանդակային առաջարկությունները, առցանց գրվածները` 2 աշխատանքային օրվա, էլ. փոստով ուղարկվածները` 10 աշխատանքային օրվա ընթացքում

h/h	Առաջարկության հեղինակը, ստացման ամսաթիվը	Առաջարկության բովանդակությունը	Եզրակացություն	Կատարված փոփոխությունը
	1	2	3	4
1	Լաուրա Ավետիսյան 25.04.2024 10:39:07	Ինչ խոսք, շատ գովելի է կրթական առանձնահատուկ պայմանների առավոլ հասցեական սահմանումը, գործընթացի թվայնացումը, սակայն սույն գործընթացի առավել արդյունավետությունը կախված է մանկավարժից։ Առաջարկում եմ ուսուցչի օգնականի նկարագրի մեջ ևս փոփոխություններկատարել, նոր գործառույթներ ավելացնել, վերապատրաստումներ սահմանել՝ նրանց առավել ներգրավելու համար այս գործընթացին։	Ընդունվել է ի գիտություն:
2	Սիրուշ Ռամազյան 30.04.2024 22:43:49	Իհարկե ձևակերպուները շատ ոգևորիչ են,սակայն ցավն այն է,որ հիմնական բեռն ընկնում է պարապող ուսուցիչների ուսերին, և հատկապես 20 և ավելի աշակերտ ունեցող դասարաններում բավական դժվար է աշխատել,ուստի առաջարկում եմ ավելի հստակեցնել ուսուցչի օգնականի և հոգեբանի աշխատանքը:	Ընդունվել է ի գիտություն:
3	Հասմիկ Գալստյան 02.05.2024 01:25:10	Հատկանշական նախաձեռնություն, որը լուծում է հանրակրթության ամենահրատապ մարտահրավերներից մեկը՝ ներառականությունը: Այս օրենքի արդյունավետ կիրառմամբ մենք կարող ենք բարձրացնել կրթության առանձնահատուկ պայմաններ ունեցող աշակերտի կրթության որակը՝ ապահովելով, որ նրանք հնարավորություն ունենան օգտագործելու իրենց առավելագույն ներուժը: Այնուամենայնիվ, կարևոր է ընդգծել, որ որոշ դեպքերում դասարանը կարող է ներառել կրթության առանձնահատուկ պայմաններ ունեցող մեկ կամ մի քանի աշակերտներ: Սա ենթադրում է հիմնական ուսուցչի կողքին լրացուցիչ անձնակազմի առկայությունը, ինչը երբեմն կարող է խաթարել դասի բնականոն ընթացքը և հանգեցնել շեղումների կամ կենտրոնացման նվազման այլ աշակերտների շրջանում: Նույնիսկ եթե հիմնական ուսուցիչը կենտրոնանում է աշակերտների մեծամասնության վրա, մինչդեռ անձնակազմի մեկ այլ անդամ զբաղվում է հատուկ կարիքներ ունեցող աշակերտի ուսուցմամբ, մյուս աշակերտները հակում ունեն ավելի ուշադիր լինել այդ աշակերտի հետ կատարվողին, քան դասին՝ խախտելով դասի բնականոն ընթացքը: Յուրաքանչյուր աշակերտին համապատասխան ժամանակ և ռեսուրսներ տրամադրելու համար առաջարկում եմ կրճատել սովորողների առավելագույն թիվը այն դասարաններում, որտեղ ներկա են հատուկ կարիքներով սովորողներ: Այս ճշգրտումը ուսուցիչներին հնարավորություն կտա ավելի արդյունավետ անցկացնել դասերը և պահպանել բոլոր աշակերտներիի ուշադրությունն ու ներգրավվածությունը: Ներկայումս, ներառական կրթություն պահանջող 36 աշակերտ ունեցող դասարաններում էականորեն դժվար է յուրաքանչյուր աշակերտի կարիքները բավարարել այնքան արդյունավետ, որքան հնարավոր կլիներ ավելի փոքր դասարաններում:	Ընդունվել է ի գիտություն: