«Հայաստանի Հանրապետությունում ԱՏԳ ԱԱ 2204, 2205, 2206 00, 2207 և 2208 ծածկագրերին դասվող ապրանքների՝ Եվրասիական տնտեսական միության շրջանակներում նույնականացման միջոցներով դրոշմավորման կանոնները սահմանելու մասին» ՀՀ կառավարության որոշման նախագիծ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

______ _____________ 2023 թվականի N _____-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՏԳ ԱԱ 2204, 2205, 2206 00, 2207 ԵՎ 2208 ԾԱԾԿԱԳՐԵՐԻՆ ԴԱՍՎՈՂ ԱՊՐԱՆՔՆԵՐԻ՝ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՇՐՋԱՆԱԿՆԵՐՈՒՄ ՆՈՒՅՆԱԿԱՆԱՑՄԱՆ ՄԻՋՈՑՆԵՐՈՎ ԴՐՈՇՄԱՎՈՐՄԱՆ ԿԱՆՈՆՆԵՐԸ ՍԱՀՄԱՆԵԼՈՒ ՄԱՍԻՆ

Հիմք ընդունելով 2018 թվականի փետրվարի 2-ի «Եվրասիական տնտեսական միությունում նույնականացման միջոցներով ապրանքների դրոշմավորման մասին» համաձայնագիրը և Հայաստանի Հանրապետության հարկային օրենսգրքի 396․1-ին հոդվածի  2-րդ մասը՝ Հայաստանի Հանրապետության կառավարությունը որոշում է.

1. Սահմանել, որ Հայաստանի Հանրապետությունում 2023 թվականի հուլիսի 1-ից Հայաստանի Հանրապետության հարկային օրենսգրքի 389-րդ հոդվածի 1-ին մասով սահմանված ԱՏԳ ԱԱ 2204, 2205, 2206 00, 2207 և 2208 ծածկագրերին դասվող` ակցիզային դրոշմանիշերով դրոշմավորման ենթակա ապրանքների դրոշմավորումն իրականացվում է համաձայն Եվրասիական տնտեսական խորհրդի կողմից 2021 թվականի մարտի 5-ին հաստատված՝ Եվրասիական տնտեսական միությունում նույնականացման միջոցներով ապրանքների դրոշմավորման համակարգի հիմնական տեխնոլոգիական կազմակերպչական մոդելի (այսուհետ՝ հիմնական մոդել)։
2. Սահմանել, որ Հայաստանի Հանրապետության հարկային օրենսգրքի 389-րդ հոդվածի 1-ին մասով սահմանված` ԱՏԳ ԱԱ 2204, 2205, 2206 00, 2207 և 2208 ծածկագրերին դասվող ապրանքների՝ հարկային մարմնի կողմից տրամադրված (տրամադրվող) ակցիզային դրոշմանիշերով դրոշմավորումն իրականացվում է Հայաստանի Հանրապետության կառավարության 2017 թվականի հուլիսի 6-ի N773-Ն որոշման համաձայն։ Սույն կետին համապատասխան դրոշմավորված ապրանքները կարող են չդրոշմավորվել հիմնական մոդելի համաձայն։
3. Սահմանել Հայաստանի Հանրապետության հարկային օրենսգրքի 389-րդ հոդվածի 1-ին մասով սահմանված՝ ԱՏԳ ԱԱ 2204, 2205, 2206 00, 2207 և 2208 ծածկագրերին դասվող ապրանքների՝ հիմնական մոդելի համաձայն դրոշմավորման կանոնները՝ համաձայն N1 հավելվածի։
4. Սահմանել ալկոհոլային արտադրանքի (ԱՏԳ ԱԱ 2204, 2205, 2206 00, 2207 և 2208 ծածկագրերին դասվող ապրանքների) գրանցման ժամանակ լրացվող տեղեկատվության ձեվաչափը, կազմը և կառուցվածքը, ինչպես նաև այդ տեղեկությունների փոխանցման ժամկետները՝ համաձայն N 2 հավելվածի։
5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հավելված N1

ՀՀ կառավարության 2023 թվականի

____________ ____-ի N____-Ն որոշման

ԿԱՆՈՆՆԵՐ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔԻ 389-ՐԴ ՀՈԴՎԱԾԻ 1-ԻՆ ՄԱՍՈՎ  ՍԱՀՄԱՆՎԱԾ՝ ԱՏԳ ԱԱ 2204, 2205, 2206 00, 2207 ԵՎ 2208 ԾԱԾԿԱԳՐԵՐԻՆ ԴԱՍՎՈՂ ԱՊՐԱՆՔՆԵՐԻ՝ ՀԻՄՆԱԿԱՆ ՄՈԴԵԼԻ ՀԱՄԱՁԱՅՆ ԴՐՈՇՄԱՎՈՐՄԱՆ

 1. Սույն կանոններով կարգավորվում են Հայաստանի Հանրապետության հարկային օրենսգրքի (այսուհետ՝ օրենսգիրք) 389-րդ հոդվածի 1-ին մասով սահմանված՝ ԱՏԳ ԱԱ 2204, 2205, 2206 00, 2207 և 2208 ծածկագրերին դասվող ապրանքների (այսուհետ՝ ալկոհոլային արտադրանք)՝ Եվրասիական տնտեսական խորհրդի կողմից 2021 թվականի մարտի 5-ին հաստատված Եվրասիական տնտեսական միությունում նույնականացման միջոցներով ապրանքների դրոշմավորման համակարգի հիմնական տեխնոլոգիական կազմակերպչական մոդելի (այսուհետ՝ հիմնական մոդել) համաձայն դրոշմավորման հետ կապված հարաբերությունները։ Ընդ որում`

1)  ԱՏԳ ԱԱ 2207 ծածկագրին դասվող` Հայաստանի Հանրապետությունում արտադրվող և Հայաստանի Հանրապետություն ներմուծվող էթիլային սպիրտի վրա նույնականացման միջոցների առկայությունը պարտադիր է, եթե այդ ապրանքներն արտադրողի կամ ներմուծողի կամ այլ կերպ տարայավորողի կողմից տարայավորված են մինչև 5 լիտր տարողությամբ տարաներով,

2) ԱՏԳ ԱԱ 2204, 2205, 2206 00, 2208 ծածկագրերին դասվող` մինչև 0.05 լիտր տարողությամբ տարաներով տարայավորված խմիչքները, ինչպես նաև ԱՏԳ ԱԱ 2208 ծածկագրին դասվող` մինչև 9 տոկոս ներառյալ սպիրտայնություն ունեցող սպիրտային խմիչքները ենթակա չեն նույնականացման միջոցներով դրոշմավորման:

2. Ալկոհոլային արտադրանքի անհատական (սպառողական) փաթեթավորման թվային նույնականացման միջոցը ներառում է դրոշմավորման ծածկագիր՝ բաղկացած տվյալների 3 խմբից, որոնցից առաջինն ու երկրորդը ձևավորում են ալկոհոլային արտադրանքի անհատական (սպառողական) փաթեթավորման նույնականացման ծածկագիրը, իսկ երրորդ խումբը՝ ստուգման ծածկագիրը: Ընդ որում՝

1) առաջին խումբը բաղկացած է 14 նիշից (14 նիշանոց ապրանքի կոդ (GTIN կամ այլ եզակի կոդ, որը գեներացվել է EAN-13 ստանդարտին համապատասխան)) և ներառում է ապրանքի ծածկագիրը, որին նախորդում է կիրառման նույնացուցիչը (01), որը գեներացվում է օպերատորի կողմից՝ հիմնվելով տնտեսվարողի՝ ալկոհոլային արտադրանքի վերաբերյալ տրամադրած տեղեկատվության վրա,

2) երկրորդ խումբը բաղկացած է 7 նիշից (թվեր, լատինատառ այբուբենի մեծատառեր ու փոքրատառեր, ինչպես նաև հատուկ նիշեր (!"%&'()*+,-./_:;=<>?)) և ներառում է ալկոհոլային արտադրանքի անհատական (սպառողական) փաթեթավորման անհատական ​​սերիական համարը, որին նախորդում է կիրառման նույնացուցիչը (21), որը գեներացվում է օպերատորի կամ տնտեսվարողի կողմից (տվյալների այս խմբի եզրափակիչ նիշը հանդիսանում է նիշ-բաժանարարը, որն ունի «29» ծածկագիրը ASCII նիշերի աղյուսակում),

3) երրորդ խումբը բաղկացած է 4 նիշից (թվեր, լատինատառ այբուբենի մեծատառեր ու փոքրատառեր, ինչպես նաև հատուկ նիշեր (!"%&'()*+,-./_:;=<>?)) և ներառում է ստուգման ծածկագիրը, որին նախորդում է կիրառման նույնացուցիչը (93) և որը գեներացվում է օպերատորի կողմից:

3․ Ալկոհոլային արտադրանքի անհատական (սպառողական) փաթեթավորման նույնականացման միջոցները տրամադրվում են երկչափ շտրիխ ծածկագրի տեսքով՝ GS1 DataMatrix ձևաչափով:

4․ Ալկոհոլային արտադրանքի խմբային փաթեթավորման նույնականացման միջոցը ներառում է դրոշմավորման ծածկագիր, որն իր մեջ ներառում է տվյալների 3 խումբ, որոնցից առաջինն ու երկրորդը ձևավորում են ալկոհոլային արտադրանքի խմբային փաթեթավորման նույնականացման ծածկագիրը, իսկ երրորդ խումբը՝ ստուգման ծածկագիրը, ընդ որում՝

1) առաջին խումբը բաղկացած է 14 նիշից (14 նիշանոց ապրանքի կոդ (GTIN կամ այլ եզակի կոդ, որը գեներացվել է EAN-13 ստանդարտին համապատասխան)) և ներառում է ապրանքի ծածկագիրը, որին նախորդում է կիրառման նույնացուցիչը (01), որը գեներացվում է օպերատորի կողմից՝ հիմնվելով ալկոհոլային արտադրանքի շրջանառության մասնակցի տրամադրած տեղեկատվության վրա,

2) երկրորդ խումբը բաղկացած է 13 նիշից (թվեր, լատինատառ այբուբենի մեծատառեր ու փոքրատառեր, ինչպես նաև հատուկ նիշեր (!"%&'()*+,-./_:;=<>?)) և ներառում է ալկոհոլային արտադրանքի խմբային փաթեթավորման անհատական ​​սերիական համարը, որին նախորդում է կիրառման նույնացուցիչը (21), որը գեներացվում է օպերատորի կամ տնտեսվարողի կողմից (տվյալների այս խմբի եզրափակիչ նիշը հանդիսանում է նիշ-բաժանարարը, որն ունի «29» ծածկագիրը ASCII նիշերի աղյուսակում),

3) երրորդ խումբը բաղկացած է 4 նիշից (թվեր, լատինատառ այբուբենի մեծատառեր ու փոքրատառեր, ինչպես նաև հատուկ նիշեր (!"%&'()*+,-./_:;=<>?)) և ներառում է ստուգման ծածկագիրը, որին նախորդում է կիրառման նույնացուցիչը (93) և որը գեներացվում է օպերատորի կողմից:

5․ Ալկոհոլային արտադրանքի խմբային փաթեթավորման նույնականացման միջոցները տրամադրվում են GS1 DataMatrix երկչափ շտրիխ ծածկագրի ձևաչափով:

6․Նույնականացման միջոցը փակցվում է անհատական (սպառողական) փաթեթավորման և (կամ) խմբային փաթեթավորման և (կամ) պիտակի և (կամ) կպչուն պիտակի վրա այնպիսի մեթոդով, որը թույլ չի տալիս նույնականացման միջոցն առանձնացնել ալկոհոլային արտադրանքի փաթեթավորումից:

7․ Անհատական (սպառողական) փաթեթավորման վրա նույնականացման միջոցը փակցվում է ոչ պակաս, քան 14х14 միլիմետր չափով, այն կարող է փակցվել փաթեթավորման ցանկացած հատվածի վրա, բացառությամբ ստորին հատվածի:

8․ Խմբային և տրանսպորտային փաթեթավորման վրա նույնականացման միջոցը փակցվում է փաթեթավորման դիմային կամ կողային հատվածի վրա և պետք է ունենա այնպիսի չափս, որ ապահովի ագրեգացման ընթացակարգերի կատարման հարմարավետությունը:

9․ Անհատական (սպառողական) փաթեթավորման և (կամ) խմբային փաթեթավորման և (կամ) պիտակի և (կամ) կպչուն պիտակի վրա փակցվող նույնականացման միջոցը չպետք է տպագրվի փաթեթավորման թափանցիկ թաղանթի վրա կամ մեկ այլ արտաքին փաթեթավորման նյութի վրա։ Պիտակի վրա չպետք է լինի մեկ այլ տեղեկատվություն, որը կխոչընդոտի նույնականացման միջոցի ընթերցմանը:

Նույնականացման միջոցը պետք է տեղադրվի այնպես, որ չխախտվի ալկոհոլային արտադրանքի փաթեթավորման վրա տպված տեղեկատվության ամբողջականությունը տեխնիկական կանոնակարգման ոլորտի նորմատիվային փաստաթղթերի պահանջների համաձայն:

10․ Ալկոհոլային արտադրանքի վրա պիտակների և (կամ) կպչուն պիտակների կիրառման համար ներկայացվում են հետևյալ պահանջները.

1) ալկոհոլային արտադրանքի վրա պիտակներ և (կամ) կպչուն պիտակներ փակցնելու համար պետք է կիրառվի այնպիսի տեխնոլոգիա, որը կապահովի պիտակի վրա տպված նույնականացման միջոցների ընթերցումը պիտակի կիրառման պահից մինչև ալկոհոլային արտադրանքը սպառողին վաճառելու պահը,

2) պիտակները և (կամ) կպչուն պիտակները փակցվում են անմիջապես ալկոհոլային արտադրանքի փաթեթավորման վրա՝ սոսնձման եղանակով,

3) չի թույլատրվում պիտակի և (կամ) կպչուն պիտակի վրա ալկոհոլային արտադրանքի փաթեթավորման որևէ այլ տարրեր փակցնել, որոնք ծածկում են պիտակի և (կամ) կպչուն պիտակի մակերեսը և դժվարացնում են նույնականացման միջոցի ընթերցումը,

4) նույնականացման միջոցների չափը և տեղակայումը պետք է ապահովի դրոշմավորման ծածկագրերի ճիշտ ընթերցումն ու ճանաչումը, ներառյալ տվյալների հավաքագրման տերմինալների, հատուկ (բջջային) հավելվածների, լազերային տեսածրիչների միջոցով՝ ISO/IEC 15415 ստանդարտի (ISO/IEC 15415:2011 «Տեղեկատվական տեխնոլոգիա. ավտոմատացված նույնականացման և տվյալների հավաքագրման տեխնիկաներ՝ շտրիխ ծածկագրի տպման որակի թեստավորման տեխնիկական հատկորոշիչը՝ երկչափ նիշեր») համաձայն:

11. ԱՏԳ ԱԱ 2204, 2205, 2206 00, 2207 և 2208 ծածկագրերին դասվող ապրանքների արտադրանքի փաթեթավորման տարբեր ձևերից, նյութերի գործոններից, արտադրանքի արտադրական ցիկլից, ինչպես նաև արտադրության սերիականությունից ելնելով՝ հնարավոր են ապրանքների/փաթեթների դրոշմավորման հետևյալ տարբերակները՝

1) ծածկագրերի տպագրում տպարանում, որտեղ շրջանառության մասնակիցը պատվիրում է փաթեթավորում (այսինքն փաթեթավորման վրա նույնականացման միջոցների կիրառումը կատարվում է ծառայություն մատուցողների կողմից ապրանքների շրջանառության մասնակցի պատվերով),

2) պիտակավորում (արտադրանքի վրա պիտակների սոսնձում),

3) նույնականացման միջոցների անմիջական կիրառում արտադրանքի փաթեթավորման վրա գործարանում հոսքագծի վրա:

12. Ալկոհոլային արտադրանք արտադրողը պատվիրում է դրոշմավորման ծածկագրեր համակարգում, փոխանցում է դրոշմավորման ծածկագրերը տպարան և պատվիրում է փաթեթավորման արտադրություն արդեն փակցված նույնականացման միջոցներով, այնուհետև ստանում է արդեն դրոշմավորված փաթեթավորումը։ Պիտակավորման այս մեթոդն օգտագործելիս ալկոհոլային արտադրանքի շրջանառության մասնակիցը պետք է ձեռք բերի 2d տեսածրիչ կամ տվյալների հավաքագրման տերմինալ (ՏՀՏ)՝ դրոշմավորված արտադրանքի հետ աշխատելու համար:Միաժամանակ, այս դեպքում տպարանը պետք է հագեցած լինի դրոշմավորման ծածկագրերով աշխատելու համար անհրաժեշտ բոլոր սարքավորումներով (ծրագրային ապահովում՝ դրոշմավորման ծածկագիր ստանալու և փոխակերպելու նույնականացման միջոցների տպագրման և ստուգման սարքավորումներ):

13. Ապրանքների փաթեթավորման վրա պիտակների սոսնձումը կարող է իրականացվել ապրանքների շրջանառության մասնակցի կողմից ձեռքով կամ պիտակի կիրառիչի միջոցով: Առաջին դեպքում պիտակները տպվում են ջերմային փոխանցման տպիչի վրա, այնուհետև կազմակերպության աշխատակիցները փակցնում են դրանք ապրանքների վրա։ Երկրորդ դեպքում տեղադրվում է պիտակի կիրառիչ, որը նախ նույնականացման միջոցը փակցնում է կպչուն պիտակի վրա, իսկ հետո կպչուն պիտակը սոսնձում է ապրանքի վրա։ Դրոշմավորման այս մեթոդը կիրառելիս շրջանառության մասնակցին անհրաժեշտ կլինի սարքավորումների և նյութերի հետևյալ նվազագույն հավաքածուն՝

1) անհատական կամ դյուրակիր համակարգիչ,
2) պիտակի տպիչ,
3) ինքնասոսնձվող պիտակներ,
4) ջերմափոխանցող ժապավեններ:

14. Արտադրողը կարող է ինքնուրույն փակցնել նույնականացման միջոցները ալկոհոլային արտադրանքի վրա, որոնք պարունակում են համակարգում ստացված դրոշմավորման ծածկագրեր: Միաժամանակ, վերջինս պետք է ձեռք բերի մասնագիտացված սարքավորումներ կամ հարմարեցնի գոյություն ունեցող սարքավորումները և կարգավորի իր բիզնես գործընթացները դրոշմավորման և հետագծելիության գործընթացների հետ աշխատելու համար:

Հավելված N2

ՀՀ կառավարության 2023 թվականի

____________ ____-ի N____-Ն որոշման

ԱԼԿՈՀՈԼԱՅԻՆ ԱՐՏԱԴՐԱՆՔԻ (ԱՏԳ ԱԱ 2204, 2205, 2206 00, 2207 ԵՎ 2208 ԾԱԾԿԱԳՐԵՐԻՆ ԴԱՍՎՈՂ ԱՊՐԱՆՔՆԵՐԻ) ԳՐԱՆՑՄԱՆ ԺԱՄԱՆԱԿ ԼՐԱՑՎՈՂ ՏԵՂԵԿԱՏՎՈՒԹՅԱՆ ՁԵՎԱՉԱՓԸ, ԿԱԶՄԸ ԵՎ ԿԱՌՈՒՑՎԱԾՔԸ*

Ապրանքաշրջանառության մասնակցի տվյալները

Ապրանքի նկարագրություն

Անհատական (սպառողական) փաթեթավորման դեպքում

Խմբային փաթեթավորման դեպքում

* Ապրանքաշրջանառության մասնակիցը դրոշմավորման ծածկագիր ստանալու նպատակով մինչև դրոշմավորման ծածկագիր ստանալու հայտի ներկայացումը սույն հավելվածով նախատեսված տեղեկատվությունը էլեկտրոնային եղանակով ներկայացնում է օպերատորին։