Հիշել նախագիծը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ «ԿԱՑԱՐԱՆԻ ԿԱՐԻՔ ՈՒՆԵՑՈՂ ԸՆՏԱՆԻՔՆԵՐԻ ԿՈՂՄԻՑ ԲՆԱԿԱՐԱՆԻ ԿԱՄ ԲՆԱԿԵԼԻ ՏԱՆ ՁԵՌՔԲԵՐՄԱՆԸ ՊԵՏԱԿԱՆ ԱՋԱԿՑՈՒԹՅՈՒՆ ՏՐԱՄԱԴՐԵԼՈՒ ՆՊԱՏԱԿԱՅԻՆ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ» ՈՐՈՇՄԱՆ ՆԱԽԱԳԻԾ

  • 9 - Կողմ

  • 0 - Դեմ

Ամփոփաթերթում ներառվում են նախագծի վերաբերյալ ներկայացված բոլոր բովանդակային առաջարկությունները, առցանց գրվածները` 2 աշխատանքային օրվա, էլ. փոստով ուղարկվածները` 10 աշխատանքային օրվա ընթացքում

h/h Առաջարկության հեղինակը, ստացման ամսաթիվը Առաջարկության բովանդակությունը Եզրակացություն Կատարված փոփոխությունը
1 2 3 4
1 Լևոն Ասլանյան 22.04.2021 17:40:41 Հարգելիներս ,նաև հաշվի է պետք առնել ,որ ընտանիքը կարող է բացասական վարկային պատմություն ունենալ ,կամ լինել սև ցուցակներում:Քանի որ պետությունն է սուբսիդավորում այս ծրագիրը ուրեմն օետք է հասանելի լինել բոլորին անխտիր ,ովքեր ունեն տան կարիք: Առաջարկությունն ընդունվել է ի գիտություն: Նախագծով սահմանվում է, որ ծրագրի շրջանակում մասնակիցներին բազմաբնակարան բնակելի շենքում բնակարան կամ բնակելի տուն ձեռք բերելու նպատակով տրամադրվող ֆինանսական աջակցությունը դրսևորվում է հիփոթեքային վարկերի գծով վարկի մայր գումարի և տոկոսագումարի ամբողջական սուբսիդավորման եղանակներով։ Այսինքն նախագծի շրջանակներում ֆինանսական աջակցության տրամադրման համար բացասական վարկային պատմությունը հաշվի չի առնվելու:
2 Պելագիա Նազարյան 23.04.2021 14:03:56 Ում ենք դիմում տան համար Առաջարկությունն ընդունվել է ի գիտություն: Նախագիծն ընդունվելու դեպքում ուժի մեջ կմտնի 2021 թ. հուլիսի 1-ից, որից հետո շահառուները դիմելու են ՀՀ աշխատանքի և սոցիալական հարցերի նախարարություն:
3 Լուսինե Միքայելյան 25.04.2021 00:27:22 Բարև Ձեզ)) Մենք արցախցի ընտանիք ենք։ Ընտանիքս բաղկացած է 6 հոգուց՝ ես, ամուսինս և չորս երեխաներս։ Ունենք բնակարանի խնդիր, քանի որ մեր բնակելի տունը դուրս է եկել մեր վերահսկողությունից։ Ես և ամուսինս ունենք իդեալական վարկային պատմություն , սակայն հիպոտեք ձեւակերպելու համար մեզանից ուզում են աշխատանքից տեղեկանք՝ որը մենք չունենք։ Եթե հնարավոր է մեզ ներգրավվել այս այս ծրագրում, որպեսզի մենք ունենանք բնակարան։ Առաջարկությունը չի ընդունվել, քանի որ Նախագծով նախատեսված ծրագիրն իրականացվելու է Հայաստանի Հանրապետությունում կացարանի կարիք ունեցող ընտանիքների բնակարանային ապահովման խնդրի լուծման նպատակով: Արցախցի ընտանիքների բնակարանային խնդիրների լուծման համար նախատեսված են այլ ծրագրեր (միջոցառումներ):
4 Наира Чобанян 26.04.2021 18:20:22 առաջարկում եմ անդրադառնալ վարձով բնակվող ընտանիքներին. քանի որ բանկերի միջոցով անհնար է տուն ձեռք բերել իսկՀՀ-ում աշխատավարձն այնքան էլ բարձր չի որ կարողանանք կանկիկ կերպով գնել. 20 տարի և ավել վարձ վճարող ընտանիքների հա դա ուղղակի փրկություն կլինի։ Խնդրում եմ այս հարցը բարձրացնեք ԱԺ-ում կամ այլ համապատասխան կառույցներում։ Շնորհակալություն Առաջարկությունն ընդունվել է ի գիտություն: Նախագծով սահմանվում է, որ ծրագրի շրջանակում մասնակիցներին բազմաբնակարան բնակելի շենքում բնակարան կամ բնակելի տուն ձեռք բերելու նպատակով տրամադրվող ֆինանսական աջակցությունը դրսևորվում է հիփոթեքային վարկերի գծով վարկի մայր գումարի և տոկոսագումարի ամբողջական սուբսիդավորման եղանակներով։