13 - Կողմ
0 - Դեմ
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ» ՕՐԵՆՔԻ ՆԱԽԱԳԾԻ ՎԵՐԱԲԵՐՅԱԼ
«Հայաստանի Հանրապետության հարկային օրենսգրքում լրացում կատարելու մասին» օրենքի նախագծի ներկայացումը պայմանավորված է պետության կողմից կենտրոնացված կարգով դեղերի ձեռք բերումը ավելացված արժեքի հարկից ազատելու անհրաժեշտությամբ:
Ներկայումս պետության կողմից կենտրոնացված կարգով դեղերի ձեռք բերումը հարկվում է ավելացված արժեքի հարկով, ինչի արդյունքում դեղերի գինը ավելանում է: Ուսումնասիրելով միջազգային փորձը` պարզ է դառնում, որ դեղերի ներմուծման ժամանակ ավելացված արժեքի հարկի (ԱԱՀ)-ի վճարումից ազատված են Վրաստանում, Ադրբեջանում, Եվրասիական տնտեսական միության անդամ հանդիսացող Ղազախստանում, Բելառուսում և այլն:
Նախագծի մշակման նպատակն է պետության կողմից գնման ընթացակարգերով իրականացող գնումների համար ծախսվող գումարները ԱԱՀ-ի հաշվին տնտեսել, և դրանք ուղղել այլ սոցիալական հարցերի իրականացմանը և, նախևառաջ, բնակչության առողջության պահպանման և բարելավման ծրագրերի շրջանակներում դեղերի պահանջարկի ամբողջական բավարարմանը, առողջապահական բուժական նոր ծրագրերի իրականացմանը:
Նախագծերը մշակվել են ՀՀ առողջապահության նախարարության աշխատակիցների կողմից:
Նախագծի ընդունման դեպքում ակնկալվում է ԱԱՀ-ի հաշվին տնտեսված գումարների արդյունքում բնակչության առողջության պահպանման և բարելավման ծրագրերի արդյունավետ իրականացում և նոր անվանում դեղերի ձեռքբերում:
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ» ՕՐԵՆՔԻ ՆԱԽԱԳԾԻ ԸՆԴՈՒՆՄԱՆ ԿԱՊԱԿՑՈՒԹՅԱՄԲ ԱՅԼ ԻՐԱՎԱԿԱՆ ԱԿՏԵՐԻ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ ԿԱՄ ԴՐԱ ԲԱՑԱԿԱՅՈՒԹՅԱՆ ՄԱՍԻՆ
«Հայաստանի Հանրապետության հարկային օրենսգրքում լրացում կատարելու մասին» օրենքի նախագծի ընդունմամբ այլ իրավական ակտերում փոփոխություններ կամ լրացումներ կատարելու անհրաժեշտություն չի առաջանա:
ՏԵՂԵԿԱՆՔ
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ» ՕՐԵՆՔԻ ՆԱԽԱԳԾԻ ԸՆԴՈՒՆՄԱՆ ԿԱՊԱԿՑՈՒԹՅԱՄԲ ՊԵՏԱԿԱՆ ԲՅՈՒՋԵՈՒՄ ԾԱԽՍԵՐԻ ԱՎԵԼԱՑՄԱՆ ԿԱՄ ԵԿԱՄՈՒՏՆԵՐԻ ՆՎԱԶԵՑՄԱՆ ՄԱՍԻՆ
«Հայաստանի Հանրապետության հարկային օրենսգրքում լրացում կատարելու մասին» օրենքի նախագծի ընդունումը պետական բյուջեում ծախuերի և եկամուտների նվազեցում կառաջացնի:
Քննարկվել է
17.10.2018 - 02.11.2018
Տեսակ
Օրենք
Ոլորտ
Առողջապահություն
Նախարարություն
Առողջապահության նախարարություն
Դիտումներ` 8392
Տպել18.10.2018
Նախագիծը ողջունելի է, սակայն ոչ ամբողջական: Այսինքն կարելի էր դեղերն ազատել ԱԱՀ-ից! ՀԻՄՆԱՎՈՐՈՒՄ՝ ԱԱՀ-ի հաշվին տնտեսված գումարների արդյունքում բնակչությունը նույնպես կարող է միջոցներն այլ անհրաժեշտ ծախսերին ուղղել! Բոլորս էլ տեղյակ ենք, որ բնակչության մեծ մասը/նաև կարիքավորները/ պետությունից չեն ստանում ԱՆՀՐԱԺԵՇՏ դեղորայքը, այլ ձեռք են բերում չնչին աշխատավարձներով և թոշակներով...
18.10.2018
Առաջարկը չի համապատասխանում միջազգային փորձին, այդ թվում նաև ԵԱՏՄ փորձին: Առաջարկում են ԱԱՀ ազատել բոլոր դեղերի շրջանառությունը: Դրանով լուրջ քայլ կկատարվի երկրում աղքատությանը նպաստող գործոնի չեզոքացմանը: Ծայրահեղ դեպքում, որպես առաջին քայլ ՊԲԱ համակարգին անցմանը, առաջարկում նք ԱԱՀ-ից ազատել առողջապահական նպատակային շրջանակներում պետական պատվերով նախատեսված բոլոր ծրագրերը, այդ թվում նաև դեղերի կենտրոնացված գնումները: Մովսես Արիստակեսյան «Տնտեսական իրավունքի կենտրոն» ՀԿ նախագահ