ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՕԳՈՍՏՈՍԻ 18-Ի N 1345-N ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Առաջարկում ենք բացառել «արատ» բառի օգտագործումը։ Ստեփան Մալխասեանցի «Հայերէն բացատրական բառարան»-ում (Հայկական ՍՍՌ Պետական Հրատարակչութիւն, Երեւան, 1944) «արատ» բառը բացատրվում է բացասական ու նվաստացուցիչ երանգներով՝ որպես մարմնի գործարանների որևէ պակասություն (օրինակ՝ կաղություն), մարմնի որևէ պակասություն (օրինակ՝ բիծ, քոս) կամ առարկայի որևէ պակասավոր հատկություն, որը նվազեցնում է դրա արժեքը։ Այս իմաստաբանությունը վկայում է, որ «արատ» բառը իր արմատով կապվում է թերության գաղափարի հետ, ինչն անընդունելի է մարդու իրավունքների և հաշմանդամություն ունեցող անձանց արժանապատվության հարգման համատեքստում։ Փոխարենն առաջարկում ենք օգտագործել «առողջական խնդիրներ» բառերը։

Բացի եզրույթներից առաջարկում ենք փոխել նաև կարգը՝ համապատասխանեցնելով Հաշմանդամություն ունեցող անձանց իրավունքների մասին ՄԱԿ-ի կոնվենցիայի պահանջներին և նախատեսելով անհատականացման հնարավորություն։ Այս առաջարկի ընդունելի լինելու դեպքում պատրաստ ենք ներկայացնելու բովանդակային և առավել մանրամասն առաջարկներ։