Լրամշակման փուլում է
0 - Կողմ
0 - Դեմ
ՏԵՂԵԿԱՆՔ – ՀԻՄՆԱՎՈՐՈՒՄ
«ԵՐՎԵՐԵԼԱԿ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ԳՈՒՅՔ ՕՏԱՐԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2017 ԹՎԱԿԱՆԻ ԴԵԿՏԵՄԲԵՐԻ 28-Ի N 1717-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՎԱՐՉՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ԵՎ «ԵՐՎԵՐԵԼԱԿ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ԼՈՒԾԱՐԵԼՈՒ ՄԱՍԻՆ
ՀՀ կառավարության որոշման ընդունման անհրաժեշտության մասին
«Երվերելակ» ՓԲԸ-ի 100% պետական սեփականություն հանդիսացող բաժնետոմսերի տնօրինման լիազորությունը ՀՀ կառավարության 2009թ. հուլիսի 9-ի թիվ 753-Ն որոշմամբ վերապահվել է ՀՀ կառավարությանն առընթեր պետական գույքի կառավարման վարչությանը:
Ընկերության իրավաբանական հասցեն է՝ ք. Երևան, Մասիսի նրբանցք թիվ 13:
Ընկերության գործունեության ոլորտն է եղել վերելակների տեղադրում և սպասարկում:
Ընկերությունը սկսած 2014թ. գործունեություն չի իրականացնում: Ընկերությունում հաշվառվում է երկու հաստիքային աշխատող՝ տնօրեն և գլխավոր հաշվապահ ½ դրույքաչափով:
«Երվերելակ» ՓԲԸ-ի շենք-շինությունների մակերեսը կազմում է՝ 3602.5 ք/մ, 207 գծամետր պարիսպ, իսկ զբաղեցրած հողատարածքը՝ 1,09426 հա:
Ընկերության բաժնետոմսերը ՀՀ կառավարության 14.06.2012թ. թիվ 746-Ա, 13.09.2013թ. թիվ 987-Ա և 30.03.2017թ. թիվ 324-Ա որոշումներով համապատասխանաբար 257 809 հազ. դրամ, 175 882 հազ. դրամ և 94 009 հազ.դրամ արժեքներով ներկայացվել են մասնավորեցման: Մասնավորեցումը չի կայացել գնորդ չլինելու պատճառով:
Ընկերության անշարժ գույքի գնահատված արժեքը 06.09.2016թ. դրությամբ կազմում է 128 031 000 դրամ:
«Աստերիա» ՍՊԸ-ն 18.12.2017թ. գրությամբ դիմել է ՀՀ վարչապետին «Երվերելակ» ՓԲԸ-ին սեփականության իրավունքով պատկանող անշարժ գույքը և հողատարածքը անվճար՝ առանց երրորդ անձանց հանդեպ պարտավորությունների հատկացնել «ԳԼԱՍՏԱ» ՍՊԸ-ին (հայ-կորեական ընկերություն)՝ Հայաստանում Բիոֆարմացևտիկ դեղերի և պատվաստանյութերի արտադրության գործարան հիմնելու համար՝ 50-55 մլն. դոլար ընդհանուր բյուջեով:
ՀՀ վարչապետի 28.03.2018թ. թիվ 02/24.4/4872-18 հանձնարարականով հանձնարարվել է ՀՀ կառավարության քննարմանը ներկայացնել «Երվերելակ» փակ բաժնետիրական ընկերությանը գույք օտարելու թույլտվություն տալու, Հայաստանի Հանրապետության կառավարության 2017 թվականի դեկտեմբերի 28-ի N1717-Ն որոշման մեջ լրացումներ կատարելու, Հայաստանի Հանրապետության կառավարությանն առընթեր պետական գույքի կառավարման վարչությանը գումար հատկացնելու և «Երվերելակ» փակ բաժնետիրական ընկերությունը լուծարելու մասին» ՀՀ կառավարության որոշման նախագիծ:
Նախագծով առաջարկվում է թույլատրել «Երվերելակ» փակ բաժնետիրական ընկերությանը՝ սեփականության իրավունքով իրեն պատկանող վերը նշված անշարժ գույքը մասնակի հատուցմամբ օտարել Հայաստանի Հանրապետությանը, որից հետո սահմանված կարգով ընկերությունը լուծարել: Հետագայում նախատեսվում է Հայաստանի Հանրապետությանը օտարված անշարժ գույքը սահմանված կարգով հատկացնել «ԳԼԱՍՏԱ» ՍՊԸ-ին՝ Հայաստանում Բիոֆարմացևտիկ դեղերի և պատվաստանյութերի արտադրության գործարան հիմնելու պայմանով:
Նշված անշարժ գույքը առաջարկվում է պետությանն օտարել մասնակի հատուցմամբ, այլ ոչ անհատույց հանձնել, քանի որ «Երվերելակ» ՓԲԸ-ի լուծարման ավարտը գրանցելու համար անհրաժեշտ է մարել ընկերության ամբողջ պարտավորությունները, այդ թվում՝ մինչև լուծարման ավարտն առաջացող:
«Երվերելակ» ՓԲԸ-ի գույքի մասնակի հատուցմամբ օտարման արժեքի ձևավորման հաշվարկ 01.08.2018թ. դրությամբ՝
|
|
Անվանումը |
Գումարի չափը դրամ |
|
|
Պարտավորություններ՝ այդ թվում |
14 378 699 |
|
1 |
կրեդիտորական պարտքեր ստացված ծառայության, ընդունվ. աշխ. գծով |
980 743 |
|
2 |
ստաց. կանխավճ. վաճառվելիք արտադ. ապրանք. աշխ. ծառայության գծով |
29 200 |
|
3 |
կարճաժամկետ կրեդիտորական պարտքեր շահութահարկի գծով |
182 621 |
|
4 |
կարճաժամկետ կրեդիտորական պարտքեր եկամտահարկի գծով |
335 357 |
|
5 |
կարճաժամկետ կրեդիտորական պարտքեր գույքահարկի գծով |
458 620 |
|
6 |
կարճաժամկետ կրեդիտորական պարտքեր հողի հարկի գծով |
405 530 |
|
7 |
կարճաժամկետ կրեդիտորական պարտքեր այլ պարտադիր վճարների գծով /դրոշմանիշային վճար/ |
38 000 |
|
8 |
կարճաժամկետ կրեդիտորական պարտքեր այլ պարտադիր վճարների գծով /լիցենզիայի գծով պարտք/ |
80 000 |
|
9 |
կարճաժամկետ կրեդիտորական պարտքեր այլ պարտադիր վճարների գծով /շրջանառ. հարկի պարտք/ |
165 190 |
|
10 |
կարճաժամկետ կրեդիտորական պարտքեր վճարված աշխատավարձի դիմաց հաշվեգրված պարտք սաց. ապահովության գծով |
1 385 000 |
|
11 |
կարճաժամկետ կրեդիտորական պարտքեր աշխատավարձի գծով |
3 135 648 |
|
12 |
կարճաժամկետ կրեդիտորական պարտքեր փոխատուցելի բացակայությունների գծով |
554 400 |
|
13 |
կրեդիտորական պարտքեր աշխատակիցներին առհաշիվ գումար. գծով |
202 869 |
|
14 |
արտահաշվեկշռային հաշիվ /աշխատավարձի գծով/ |
3 156 668 |
|
15 |
վերջնահաշվարկ |
1 420 383 |
|
16 |
խեղման նպաստի 10 տարվա գումար |
1 848 000 |
|
17 |
կրեդիտորական պարտքեր ապահովագրավճարների գծով |
470 |
|
18 |
Լուծարման գործընթացի հետ կապված ծախսեր (այդ թվում՝ գրանցման գործընթացի համար սահմանված տուրքերի վճարներ, հանձնակատարի, հաշվապահի աշխատավարձ, փաստաթղթերի արխիվացման վճար և այլն) |
1 500 000 |
|
19 |
Նոտարական ծախս |
30 000 |
|
20 |
Օտարման գործարքից առաջացող հարկ |
1 590 870 |
|
|
Ընդամենը |
17 499 569 |
|
Լուծարման գործընթացի ավարտից հետո գումարի մնացորդ լինելու դեպքում այն ամբողջությամբ հետ կվերադարձվի ՀՀ պետական բյուջե: |
||
Քննարկվել է
11.05.2018 - 25.12.2018
Տեսակ
Որոշում
Ոլորտ
Պետական գույքի կառավարում
Նախարարություն
Պետական գույքի կառավարման կոմիտե
Դիտումներ` 8622
Տպել21.05.2018
3. Միաժամանակ հարկ է նկատի ունենալ, որ նախագիծը հակասում է ՀՀ կառավարության 28.12.2017թ. N 1717-Ն որոշմանը /4-րդ կետի 10-րդ ենթակետի «բ» պարբերություն/: Հարկ է նկատի ունենալ, որ նշած կետը պետգույքի կողմից չի պահպանվում քանիցս և ՀՀ կառավարությունն ըստ էության ընդունում է իր կողմից նախկինում որդեգրված քաղաքականությանը հակասող որոշումներ:
21.05.2018
1. Նախագծում անհրաժեշտ է դրույթներ նախատեսել գույքի օտարման արդյունքում ընկերության կանոնադրական կապիտալի նվազեցման վերաբերյալ: 2. Միաժամանակ պարզ չէ թե գույքի օտարման ժամանակ առաջացող հարկային պարտավորությունները ում միջոցով են մարվելու: Այս առումով անհրաժեշտ է դրույթներ նախատեսել նաև այդ մասին: