«Հայաստանի Հանրապետության կառավարության 2011 թվականի նոյեմբերի 10-ի N 1582-Ն որոշման մեջ լրացումներ և փոփոխություն կատարելու մասին» ՀՀ կառավարության որոշման նախագիծ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

«      »              2024 թվականի N     -Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՆՈյեմբերի 10-Ի N 1582-Ն ՈՐՈՇՄԱՆ ՄԵՋ լրացումներ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Համաձայն «Նորմատիվ իրավական ակտերի մասին» օրենքի 33-րդ և 34-րդ հոդվածների՝ Հայաստանի Հանրապետության կառավարությունը որոշում է․

1. Հայաստանի Հանրապետության կառավարության 2011 թվականի նոյեմբերի 10-ի «Արտակարգ իրավիճակների հետևանքով ֆիզիկական և իրավաբանական անձանց պատճառված վնասի գնահատման կարգը հաստատելու մասին» N 1582-Ն որոշման (այսուհետ՝ որոշում) մեջ կատարել հետևյալ լրացումները և փոփոխությունները՝

1 որոշման վերնագրում և 1-ին կետում «գնահատման» բառից հետո լրացնել «և փոխհատուցման» բառերը․

2) որոշմամբ հաստատված հավելվածը շարադրել նոր խմբագրությամբ՝ համաձայն հավելվածի։

2. Հայաստանի Հանրապետության տարածքային կառավարման և ենթակառուցվածքների նախարարին՝ սույն որոշումն ուժի մեջ մտնելուց հետո՝ 10 աշխատանքային օրվա ընթացքում, հաստատել համայնքային հանձնաժողովի կողմից կազմվող և մարզային հանձնաժողովի քննարկմանը ներկայացվող՝ արտակարգ իրավիճակների հետևանքով ֆիզիկական անձանց բազմաբնակարան շենքի բնակարանին կամ անհատական բնակելի տանը և կենցաղային առաջնային գույքին, ինչպես նաև տրանսպորտային միջոցինպատճառված վնասի գնահատման ակտի ձևաչափը և հաստատումից հետո՝ 3 աշխատանքային օրվա ընթացքում, տրամադրել մարզպետների աշխատակազմերին՝ համայնքներին տրամադրելու համար և Երևանի քաղաքապետարանի աշխատակազմին։

3․ Հայաստանի Հանրապետության էկոնոմիկայի նախարարին՝ սույն որոշումն ուժի մեջ մտնելուց հետո՝ 10 աշխատանքային օրվա ընթացքում, հաստատել համայնքային հանձնաժողովի կողմից կազմվող և մարզային հանձնաժողովի քննարկմանը ներկայացվող՝ արտակարգ իրավիճակների հետևանքով գյուղատնտեսության ոլորտում բնակչությանը պատճառված վնասի գնահատման ակտի, ինչպես նաև՝ արտակարգ իրավիճակների հետևանքով տնտեսավարողներին պատճառված վնասի գնահատման ակտի ձևաչափերը և հաստատումից հետո՝ 3 աշխատանքային օրվա ընթացքում, տրամադրել մարզպետների աշխատակազմերին՝ համայնքներին տրամադրելու համար և Երևանի քաղաքապետարանի աշխատակազմին։

4․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

             ՎԱՐՉԱՊԵՏ                                                                                                                                                               Ն. ՓԱՇԻՆՅԱՆ

«      » ______________ 2024թ.

ք. Երևան