6 - Կողմ
623 - Դեմ
Նախագծի ընդունման արդյունքում կներդրվի անհատ ձեռնարկատեր կամ նոտար չհանդիսացող ֆիզիկական անձանց նկատմամբ թեմատիկ ուսումնասիրություն իրականացնելու եղանակով հարկային հսկողական գործիքակազմ, ինչի պարագայում հնարավոր կլինի իրականացնել անհրաժեշտ և լիարժեք հսկողություն անհատ ձեռնարկատեր կամ նոտար չհանդիսացող ֆիզիկական անձանց նկատմամբ և վերջիններիս կողմից հարկվող գործարքներ իրականացնելու դեպքում օրենսդրությամբ սահմանված կարգով և չափով առաջադրել հարկային պարտավորություններ, այսինքն` կապահովվի հարկային մարմնի կողմից իրականացվող հսկողության արդյունավետությունը, միաժամանակ, կբարձրանա հարկային կարգապահության մակարդակը:
Քննարկվել է
17.07.2024 - 01.08.2024
Տեսակ
Օրենք
Ոլորտ
Պետական եկամուտներ
Նախարարություն
Պետական եկամուտների կոմիտե
Դիտումներ` 2269
Տպել29.07.2024
Ֆիզիկական անձանց 2023թ․ստացված եկամուտների հայտարարագրումը նոր է ավարտվել։ Արդյոք հասցրել եք ուսումնասիրել այդ հայտարարագրերում ներառված տեղեկատվությունը և այդ հիմքով որոշեցիք ֆիզ․ անձանց դիտարկել որպես թեմատիկ ուսումնասիրության առարկա։ Խորհուրդ կտամ ուսումնասիրել, թերությունները բացահայտել, եթե կարիքը լինի, նոր ծանուցելու և ծանուցումներին պարտադրաբար պատասխանելու նախագիծը կրկին ներկայացրեք։ Տպավորություն է, որ կանխակալ դիրքորոշում ունեք։
25.07.2024
Նախագիծը ժամանակի և ռեսուրսի անարդյունավետ վատնում է նախատեսում հարկային մարմնի կողմից, քանի որ այն հարկային հետաքրքրությունը, որպես այդպիսին, մինիմալ է, ֆիզիկական անձանց մասով էլ ենթադրում է դժգոհության մեծ ալիք, քանի որ նրանք ներգրավվում են հարկային վարչարարության դաշտ։
25.07.2024
Իմ կարծիքով այս պահին հարկային մարմինը ավելի կարևոր անելիքներ ունի, քան ֆիզիկական անձանց վրա ուսումնասիրություններ բացելը՝ ոչ բավարար տեղեկատվության պայմաններում։ Կարծում եմ ռեսուրսների անարդյունավետ վատնում եք նախատեսել այն պարագայում, որ դրան համարժեք եկամուտներ չեն գեներացվելու բյուջեում։