Վլադիմիր Գևորգյան
28.05.2024
Հարգելի Սեդա, պետք է նշել, որ խտրական մոտեցման մասին խոսք չի կարող լինել, քանի որ շատ դեպքերում անհրաժեշտություն կա, որպեսզի բոլոր տնտեսվարողները գործեն նույն հարկատեսակի դաշտում, հետևապես այս օրենսդրական նախաձեռնությունը կխթանի, որ շատերը շահագրգռված լինեն աշխատել ԱԱՀ-ով: Բացի այդ նախագծին կից «Հիմնավորման» մեջ հստակ հիմնավորված է նախագծի ընդունման անհրաժեշտությունը։ Համոզված ենք, որ նախագծի ընդունումը մեծապես նպաստելու է Հայաստանի ու հայկական զբոսաշրջային արդյունքի մրցունակության բարձրացանը, Հայաստանում մրցակցային, ինչպես նաև գործարար-ներդրումային միջավայրի բարելավմանը, կայուն և պատասխաատու զբոսաշրջության զարգացմանը և այդպիսով կայուն ու համաչափ տնտեսական զարգացմանը, հարկման բազայի և հարկային եկամուտների ավելացմանը։ Զբոսաշրջային արդյունքի (ապրանքի) արտահանման նկատմամբ ԱԱՀ-ի 0-ական դրույքաչափ կիրառելը հարկային արտոնոթյուն չէ, այն հարկային բարեփոխում է ԱԱՀ համակարգի լիարժեք տրամաբանության մեջ և, ի թիվս վերոնշյալ կարևոր արդյունքների նպաստելու է նաև ընդհանուր կարգով հարկման համակարգի գրավչության բարձրացմանը՝ առանց արտոնյալ համակարգելի նկատմամբ խտրականության։ Ի վերջո ներկայացված նախագիծը զբոսաշրջության ոլորտում իրականացվող ինստիտուցիոնալ բարեփոխումների (այդ թվում նաև Զբոսաշրջության մասին նոր օրենքի փաթեթի) կարևոր բաղկացուցիչ մաս է կազմում և առանց դրա ընդունման բարեփոխումները կիսատ կմնան։