«Հայաստանի Հանրապետության կառավարության 2021 թվականի հունիսի 3-ի N 927-Լ որոշման մեջ փոփոխություններ և լրացումներ կատարելու մասին» ՀՀ կառավարության որոշման նախագիծ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

«___» _________ 2024 թվական N __ -Լ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ  ԿԱՌԱՎԱՐՈՒԹՅԱՆ 2021 ԹՎԱԿԱՆԻ ՀՈՒՆԻՍԻ 3-Ի N 927-Լ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» օրենքի 33–րդ և 34-րդ հոդվածներով՝ Հայաստանի Հանրապետության կառավարությունը որոշում է.

1․ Հայաստանի Հանրապետության կառավարության 2021 թվականի հունիսի 3–ի «Հայաստանի Հանրապետությունում ինտենսիվ այգեգործության զարգացման, արդիական տեխնոլոգիաների ներդրման և ոչ ավանդական բարձրարժեք մշակաբույսերի արտադրության խթանման պետական աջակցության 2021-2025 թվականների ծրագիրը հաստատելու և Հայաստանի Հանրապետության կառավարության 2019 թվականի մարտի 29-ի N 361-Լ, 2019 թվականի ապրիլի 4-ի N 362-Լ և 2019 թվականի մարտի 7-ի N 212-Լ որոշումներն ուժը կորցրած ճանաչելու մասին» N 927–Լ որոշման մեջ (այսուհետ՝ Որոշում) կատարել հետևյալ փոփոխություններն ու լրացումները.

1) Որոշման հավելվածի 8-րդ կետը «առանց այգեհիմնման» բառերից հետո լրացնել «կարկտապաշտպան ցանցի կամ» բառերով,

2) Որոշման հավելվածի 9-րդ կետի 4-րդ ենթակետը «100 հա-ը» բառերից հետո լրացնել «, իսկ ծախսերի մասնակի փոխհատուցման դեպքում՝ 10 հա-ը» բառերով,

3) Որոշման հավելվածի 12-րդ կետի 1-ին ենթակետը «տնկիներով» բառից հետո լրացնել «, ընդ որում, հիմնվող այգու ամբողջ մակերեսում ոչ արտադրական տարածքի(այգու եզրեր, այգեմիջյան ճանապարհներ, այգեպաշտպան շերտ, սպասարկող այլ տարածքներ) մակերեսը չպետք է գերազանցի 15-18%-ը» բառերով,

4) Որոշման հավելվածի 12-րդ կետի 12-րդ ենթակետը « ընթացքում» բառից հետո լրացնել «, իսկ կարկտապաշտպան ցանցերի շահագործումը՝ հետներդրումային 6 տարիների ընթացքում» բառերով,

5) Որոշման հավելվածի 13-րդ կետը լրացնել նոր 5-րդ ենթակետով հետևյալ բովանդակությամբ․

«5) 0․5-10 հա կարկտապաշտպան ցանցերի ներդրման համար կատարված ծախսերի մասնակի փոխհատուցում, ընդ որում ծրագրի շրջանակում կարկտապաշտպան ցանցերի ներդրման նպատակով կատարված ծախսերի մասնակի փոխհատուցման բաղադրիչով ծրագրի շահառուներ կարող են հանդիսանալ միայն N 18 աղյուսակում ընդգրկված, կարկտի առավել ակտիվ գոտիներում գտնվող բնակավայրերում գործունեություն իրականացնող և կարկտապաշտպան ցանց ներդրող տնտեսավարողները։»,

5) Որոշման հավելվածի 15-րդ կետը «միջոցով» բառից հետո լրացնել «(ներառյալ անհրաժեշտ միջոցների ձեռքբերումը և աշխատանքների իրականացումը)» բառերը, իսկ «ենթակա չէ:» բառերից հետո լրացնել «Շահառուն կապալառու կազմակերպության հետ պայմանագիրը պետք է  կնքի վարկային կամ փոխհատուցման պայմանագիրը կնքելուց հետո։» նախադասությամբ,

7) Որոշման հավելվածի 21․1-ին կետում «N 6 N8» բառերը փոխարինել «N N 6-8» բառերով,

8) Որոշման հավելվածի 23-րդ կետի 2-րդ ենթակետի բ․ պարբերությունից հանել «(ծրագրի շրջանակում նոր ձեռքբերվող անշարժ գույքի դեպքում պահանջվող փաստաթղթերը ներկայացվում են վարկային պայմանագիրն ուժի մեջ մտնելուց հետո երկամսյա ժամկետում)» բառերը, ինչպես նաև «4» թիվը փոխարինել «5» թվով,

9) Որոշման հավելվածի 23-րդ կետի 4-րդ ենթակետը «իսկ» բառից հետո լրացնել «կարկտապաշտպան ցանցի կամ» բառերով,

10) Որոշման հավելվածի 24-րդ կետի 1-ին ենթակետը «կնքումը և» բառերից հետո լրացնել «կարկտապաշտպան ցանցի ներդրման կամ» բառերով,

11) Որոշման հավելվածի 24-րդ կետի 1-ին ենթակետի բ․ պարբերությունը «ժամկետը» բառից հետո լրացնել «ոռոգման արդիական համակարգի ներդրման դեպքում» բառերով, «4» թիվը փոխարինել «5» թվով, իսկ «տարվանից,» բառից հետո լրացնել «իսկ կարկտապաշտպան ցանցի ներդրման դեպքում՝ 7 տարվանից,» բառերը,

12) Որոշման հավելվածի 24-րդ կետի 5-րդ ենթակետը «ոռոգման» բառից առաջ լրացնել «կարկտապաշտպան ցանցի կամ» բառերով,

13) Որոշման հավելվածի 24-րդ կետի 7-րդ ենթակետի ամբողջ տեքստում «ոռոգման արդիական» բառերից առաջ լրացնել «կարկտապաշտպան ցանցի կամ» բառերով, իսկ «, ջրավազանի դեպքում» բառերից առաջ լրացնել «(բացառությամբ կարկտապաշտպան ցանցի ներդրման դեպքի)» բառերով,

14) Որոշման հավելվածի 24-րդ կետի 11-րդ ենթակետի ա․ պարբերությունը «շահառուի» բառից առաջ լրացնել «մոնիթորինգի իրականացման ընթացքում ի հայտ եկած» բառերով,

15) Որոշման հավելվածի 24-րդ կետի 15-րդ ենթակետից հետո լրացնել նոր 15․1-ին ենթակետ հետևյալ բովանդակությամբ․

«15․1) ծրագրի շրջանակում 0․5-10 հա կարկտապաշտպան ցանցերի ներդրման համար յուրաքանչյուր շահառուի կփոխհատուցվի փաստացի կատարված ծախսերի 75%-ը, որը 1 հա-ի հաշվով չպետք է գերազանցի ծրագրի 18-րդ կետում նշված ծախսի առավելագույն սահմանաչափի 75%-ը․»,

16) Որոշման հավելվածի 24-րդ կետի 16-րդ ենթակետը «ընթացքում» բառից հետո լրացնել «, իսկ կարկտապաշտպան ցանցի շահագործումը՝ հետներդրումային 6 տարիների ընթացքում» բառերով,

17) Որոշման հավելվածի 25․2-րդ կետում «Այգեհիմնման,» բառից հետո լրացնել «կարկտապաշտպան ցանցի,» բառերով,

18) Որոշման հավելվածը լրացնել հետևյալ բովանդակությամբ նոր Աղյուսակ 18-ով․

                                                                                                          «Աղյուսակ N 18

Կարկտի առավել ակտիվ գոտիներում գտնվող բնակավայրերի ցանկ

»:

     2․ Սույն որոշումն ուժի մեջ է մտնում հրապարակմանը հաջորդող օրվանից։

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

                ՎԱՐՉԱՊԵՏ                                                      ՆԻԿՈԼ ՓԱՇԻՆՅԱՆ