ՆԱԽԱԳԻԾ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
2024 թվականի …………… N… -Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ ԴԵԿՏԵՄԲԵՐԻ 28-Ի N 2323-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2022 ԹՎԱԿԱՆԻ ՀՈԿՏԵՄԲԵՐԻ 13-Ի N1601-Ն ՈՐՈՇՄԱՄԲ ՆԱԽԱՏԵՍՎԱԾ ԳՈՐԾԸՆԹԱՑԻ ՇՐՋԱՆԱԿՆԵՐՈՒՄ 2024 ԹՎԱԿԱՆԻՆ ԿԱՏԱՐՎԵԼԻՔ ԱՇԽԱՏԱՆՔՆԵՐԸ ՍԱՀՄԱՆԵԼՈՒ ՄԱՍԻՆ
Ղեկավարվելով «Հայաստանի Հանրապետության բյուջետային համակարգի մասին» օրենքի 23-րդ հոդվածի 3-րդ մասով, «Նորմատիվ իրավական ակտերի մասին» օրենքի 33-րդ հոդվածի 1-ին և 3-րդ մասերով, 34-րդ հոդվածի 1-ին մասով, ինչպես նաև հիմք ընդունելով Հայաստանի Հանրապետության կառավարության 2022 թվականի հոկտեմբերի 13-ի N1601-Ն որոշման 1-ին կետով հաստատված կարգի 34-րդ կետը՝ Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2023 թվականի դեկտեմբերի 28-ի «Հայաստանի Հանրապետության 2024 թվականի պետական բյուջեի կատարումն ապահովող միջոցառումների մասին» N2323-Ն որոշման NN 3, 4, 9 և 9.1 հավելվածներում կատարել փոփոխություն և լրացումներ` համաձայն NN 1, 2, 3 հավելվածների։
2. Սահմանել, որ «Հայաստանի Հանրապետության 2024 թվականի պետական բյուջեի մասին» Հայաստանի Հանրապետության օրենքի N1 հավելվածի 1103 «Քաղաքաշինության և ճարտարապետության բնագավառում պետական քաղաքականության իրականացում և կանոնակարգում» ծրագրի 12002 «Աղետի գոտու բնակավայրերի հողամասերը ոչ հիմնական շինություններից ազատում և քաղաքաշինական միջավայրի վերականգնում» միջոցառման շրջանակներում նախատեսված 1,400,000.0 հազ. դրամից՝
1) 208,440.0 հազ. դրամն ուղղվում է Հայաստանի Հանրապետության Լոռու մարզպետի աշխատակազմին, որից՝
ա. 142.605.0 հազ. դրամը՝ ՀՀ կառավարության 2022 թվականի հոկտեմբերի 13-ի N1601-Ն որոշման 1-ին կետով հաստատված կարգի 10-րդ կետի 3-րդ ենթակետով նախատեսված հիմքով Սպիտակ համայնքի թվով 19 և Ստեփանավան համայնքի թվով 1 ընտանիքի բնակարան (բնակելի տուն) ձեռք բերելու համար բնակարանի գնման վկայագրի (այսուհետ՝ վկայագիր) միջոցով ֆինանսական աջակցության տրամադրման համար,
բ. 65.835.0 հազ. դրամը՝ ՀՀ կառավարության 2022 թվականի հոկտեմբերի 13-ի N1601-Ն որոշման 1-ին կետով հաստատված կարգի 10-րդ կետի 4-րդ ենթակետով նախատեսված հիմքով Սպիտակ համայնքի թվով 11 ընտանիքի՝ բնակարանային պայմանների բարելավման նպատակով մեկսենյականոց բնակարանի արժեքի չափով ֆինանսական աջակցության տրամադրման համար,
2) 1,191,560.0 հազ. դրամն ուղղվում է Հայաստանի Հանրապետության Շիրակի մարզպետի աշխատակազմին, որից՝
ա. 479.113.0 հազ. դրամը՝ ՀՀ կառավարության 2022 թվականի հոկտեմբերի 13-ի N1601-Ն որոշման 1-ին կետով հաստատված կարգի 10-րդ կետի 3-րդ ենթակետով նախատեսված հիմքով Գյումրի համայնքի թվով 49 ընտանիքի վկայագրի միջոցով ֆինանսական աջակցության տրամադրման համար,
բ. 712.447.0 հազ. դրամը՝ ՀՀ կառավարության 2022 թվականի հոկտեմբերի 13-ի N1601-Ն որոշման 1-ին կետով հաստատված կարգի 10-րդ կետի 4-րդ ենթակետով նախատեսված հիմքով Գյումրի համայնքի թվով 101 ընտանիքի՝ բնակարանային պայմանների բարելավման նպատակով մեկսենյականոց բնակարանի արժեքի չափով ֆինանսական աջակցության տրամադրման համար:
3. Սահմանել, որ.
1) սույն որոշման 2-րդ կետում նշված ընտանիքների կողմից զբաղեցված ոչ հիմնական շինությունների ազատման և քանդման (ապամոնտաժման), ինչպես նաև նրանց աջակցության տրամադրման գործընթացն իրականացվում է ՀՀ կառավարության 2022 թվականի հոկտեմբերի 13-ի N1601-Ն որոշմամբ հաստատված կարգով ամրագրված մոտեցումների և առաջնահերթությունների համաձայն,
2) աջակցության տրամադրման գործընթացն իրականացնում են Հայաստանի Հանրապետության Շիրակի և Լոռու մարզպետների աշխատակազմերը՝
ա. սույն որոշման 2-րդ կետի 1-ին և 2-րդ ենթակետերի «ա» պարբերություններում նշված ընտանիքներին՝ սույն որոշման N1 հավելվածով հաստատված կարգով,
բ. սույն որոշման 2-րդ կետի 1-ին և 2-րդ ենթակետերի «բ» պարբերություններում նշված ընտանիքներին՝ սույն որոշման N2 հավելվածով հաստատված կարգով:
4. Հայաստանի Հանրապետության Շիրակի և Լոռու մարզպետներին՝
1) համապատասխան համայնքների ղեկավարների հետ համատեղ ապահովել սույն որոշմամբ նախատեսված աշխատանքների կատարման ընթացքը և ամենամսյա պարբերականությամբ՝ մինչև տվյալ ամսվան հաջորդող ամսվա 5-րդ աշխատանքային օրը, Հայաստանի Հանրապետության քաղաքաշինության կոմիտե ներկայացնել որոշմամբ նախատեսված աշխատանքների կատարման ընթացքի վերաբերյալ տեղեկատվություն:
2) սույն որոշման 4-րդ կետի 1-ին ենթակետում նշված աջակցության տրամադրման գործընթացն ավարտել մինչև 2024 թվականի դեկտեմբերի 20-ը:
5. Առաջարկել Գյումրի, Սպիտակ և Ստեփանավան համայնքների ղեկավարներին՝ ապահովել սույն որոշմամբ և ՀՀ կառավարության 2022 թվականի հոկտեմբերի 13-ի N1601-Ն որոշմամբ նախատեսված աշխատանքների իրականացումը:
6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: