ՀԻՄՆԱՎՈՐՈՒՄ
«ՀԱՆՔԱՐԴՅՈՒՆԱԲԵՐՈՒԹՅԱՆ ՈԼՈՐՏԻ ԶԱՐԳԱՑՄԱՆ ՌԱԶՄԱՎԱՐՈՒԹՅԱՆ ԳՈՐԾՈՂՈՒԹՅՈՒՆՆԵՐԻ ՊԼԱՆՈՎ (ՄԻՆՉԵՎ 2035 ԹՎԱԿԱՆԸ) ՍԱՀՄԱՆՎԱԾ ՄԻՋՈՑԱՌՈՒՄՆԵՐԻ 2024-2027 ԹՎԱԿԱՆՆԵՐԻ ԾԱԽՍԱՅԻՆ ԳՆԱՀԱՏՈՒՄԸ ՀԱՍՏԱՏԵԼՈՒ ՄԱՍԻՆ» ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ
- Անհրաժեշտությունը - «Հանքարդյունաբերության ոլորտի զարգացման ռազմավարության գործողությունների պլանով (մինչև 2035 թվականը) սահմանված միջոցառումների 2024-2027 թվականների ծախսային գնահատումը հաստատելու մասին» Կառավարության որոշման նախագծի մշակման անհրաժեշտությունը բխում է ՀՀ կառավարության 2023 թվականի մայիսի 11-ի «Հանքարդյունաբերության ոլորտի զարգացման ռազմավարությունը և դրանից բխող գործողությունների պլանը (մինչեվ 2035 թվականը) հաստատելու մասին» թիվ 730-Լ որոշման 2-րդ կետի պահանջից։ Կառավարության կողմից հաստատված Հանքարդյունաբերության ոլորտի զարգացման ռազմավարությունում ներառված չէ գործողությունների պլանով սահմանված միջոցառումների համար անհրաժեշտ ծախսային գնահատումը։
- Ընթացիկ իրավիճակը և խնդիրները – Նախագծով սահմանվում են Հանքարդյունաբերության ոլորտի զարգացման ռազմավարությունում ներառված՝ 2024-2027թթ․ ժամանակահատվածում նախատեսված միջոցառումների ծախսային գնահատումները։ Հանքարդյունաբերության ոլորտը` հանդիսանալով Հայաստանի Հանրապետության արդյունաբերության կարևոր ոլորտներից մեկը, մինչև սույն Ռազմավարության ընդունումը չի ունեցել հստակ քաղաքականություն և ռազմավարություն, որը թույլ կտար ունենալ տեսլական և իրականացնել կոնկրետ գործողություններ առկա խնդիրների լուծման և ոլորտի կայուն զարգացումն ապահովելու համար: Ռազմավարության Գործողությունների պլանով սահմանված միջոցառումների իրականացման արդյունքում կունենանք ոլորտի կարգավորմանն ու զարգացմանը, ընդերքի ռացիոնալ և համալիր օգտագործմանը, բնապահպանական և առողջապահական ռիսկերի կառավարմանն ու մեղմմանն ուղղված միջոցառումների իրականացումը, որոնք կնպաստեն Հայաստանի տնտեսության երկարաժամկետ զարգացմանը։
- Նախագծի մշակման գործընթացում ներգրավված ինստիտուտները և անձինք – Որոշման նախագիծը մշակվել է Տարածքային կառավարման և ենթակառուցվածքների նախարարության կողմից:
- Ակնկալվող արդյունքը – Ներկայացվող նախագծի ընդունմամբ կսահմանվեն Հանքարդյունաբերության ոլորտի զարգացման ռազմավարությունում ներառված՝ 2024-2027թթ․ ժամանակահատվածում նախատեսված միջոցառումների ծախսային գնահատումները: Համապատասխան ֆինանսական միջոցների առկայության պարագայում կապահովվի Հանքարդյունաբերության ոլորտի զարգացման ռազմավարության միջոցառումների իրականացման աշխատանքները, ինչի արդյունքում ․․․
- Ներկայացվող հարցի կապակցությամբ լրացուցիչ ֆինանսական միջոցների անհրաժեշտությունը և Հայաստանի Հանրապետության պետական բյուջեի եկամուտներում և ծախսերում սպասվելիք փոփոխությունները – «Հայաստանի Հանրապետության կառավարության 2012 թվականի նոյեմբերի 1-ի թիվ 1431-Ն որոշման մեջ լրացումներ և փոփոխություններ կատարելու մասին» Կառավարության որոշման նախագծի ընդունման կապակցությամբ պետական բյուջեում ծախսերի և եկամուտների ավելացում կամ նվազում չի նախատեսվում:
- «Հանքարդյունաբերության ոլորտի զարգացման ռազմավարության գործողությունների պլանով (մինչև 2035 թվականը) սահմանված միջոցառումների 2024-2027 թվականների ծախսային գնահատումը հաստատելու մասին» ՀՀ կառավարության որոշման նախագծի ընդունման կապակցությամբ այլ նորմատիվ իրավական ակտերի ընդունման անհրաժեշտության մասին – ՀՀ կառավարության որոշման նախագծի ընդունման կապակցությամբ այլ նորմատիվ իրավական ակտերի ընդունման անհրաժեշտություն չկա:
- Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ - Ներկայացվող նախագծի մշակումը բխում է ՀՀ կառավարության 2023 թվականի մայիսի 11-ին հաստատված Հանքարդյունաբերության ոլորտի զարգացման ռազմավարության պահանջներից, որը մշակվել է Հայաստանի վերափոխման՝ մինչև 2050թ. ռազմավարության, Կառավարության 2021-2026 թվականների ծրագրի, ՄԱԿ-ի կայուն զարգացման նպատակների, ՀՀ-ԵՄ համապարփակ և ընդլայնված գործընկերության համաձայնագրի, ինչպես նաև տնտեսության զարգացման գերակայությունների, առաջնահերթությունների ու հնարավորությունների վրա։ Հաստատված Ռազմավարությունը համահունչ է Հայաստանի 2050 վերափոխման ռազմավարության օրակարգի 3-րդ՝ արդյունավետ և հաշվետու կառավարում, 6-րդ՝ իրավական Հայաստան, 8-րդ՝ մաքուր և կանաչ Հայաստան, 9-րդ՝ տարածքային խելամիտ զարգացում, 13-րդ՝ վերականգնվող և հանրամատչելի էներգիա և 14-րդ՝ գործարարների համար գրավիչ Հայաստան մեգանպատակներին: Բարեփոխումները ներդաշնակ են ՄԱԿ կայուն զարգացման նպատակների ներքո երկրի հանձնառություններին: Կայուն զարգացման առնվազն 7 նպատակ ուղղակիորեն առնչվում է Ռազմավարության օրակարգին (պատասխանատու սպառում և արտադրություն, աղքատության վերացում, ամուր առողջություն և բարեկեցություն, արժանապատիվ աշխատանք և տնտեսական աճ, արդյունաբերություն, նորարարություն և ենթակառուցվածքներ, կայուն քաղաքներ և համայնքներ, գործողություն հանուն կլիմայի և այլն)։ Բարեփոխումները նաև ԵՄ հետ համագործակցության առանցքային ուղղություններից են և հիմնականում առնչվում են ԵՄ-Հայաստան ՀԸԳՀ 3-րդ (Շրջակա միջավայր), 9-րդ (Առևտուրը և կայուն զարգացումը) և 12-րդ (Հանքարդյունաբերությունը) գլուխներին։