ՀԻՄՆԱՎՈՐՈՒՄ
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2021 ԹՎԱԿԱՆԻ ԱՊՐԻԼԻ 22-Ի N 607-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ
- Անհրաժեշտությունը
«Հայաստանի Հանրապետության կառավարության 2021 թվականի ապրիլի 22-ի N 607-Ն որոշման մեջ փոփոխություն կատարելու մասին» Հայաստանի Հանրապետության կառավարության որոշման ընդունումը պայմանավորված է նշված տեխնիկական կանոնակարգի օբյեկտ հանդիսացող արտադրանքում նոր ձեռք բերված սարքավորումներով (գազաանալիզատորներով) գազերի (O2, N, H2) առավել արագ որոշման մեթոդիկայի՝ միջպետական ԳՕՍՏ 17745 ստանդարտի, նշված տեխնիկական կանոնակարգում ներառման անհրաժեշտությամբ։
- Կարգավորման հարաբերությունների ներկա վիճակը և առկա խնդիրները
Ներկայումս, թեև ՀՀ կառավարության 2021 թվականի ապրիլի 22-ի N 607-Ն որոշմամբ հաստատված տեխնիկական կանոնակարգում ներառված ԳՕՍՏ 12359-99թ․ միջպետական ստանդարտի համաձայն ամրանների մեջ քիմիական անալիզում ազոտը (N) որոշվում է սպեկտրոֆոտոկալորիմետրով, սակայն ոլորտի զարգացմամբ և սարքավորումների կատարելագործմամբ պայմանավորված ստեղծվել են և ձեռք են բերվել գազերի (O2, N, H2) որոշման համար նոր սարքավորումներ (գազաանալիզատորներ), որոնց օգտագործումը դարձել է արագ և անվտանգ և այդ սարքավորումներով որոշման մեթոդիկան (միջպետական ԳՕՍՏ 17745 ստանդարտ) ևս ներկայումս անհրաժեշտ է ներառել նշված տեխնիկական կանոնակարգի մեջ։
3․ Առկա խնդիրների առաջարկվող լուծումները.
Նախագծով առաջարկվում է ՀՀ կառավարության 2021 թվականի ապրիլի 22-ի N 607-Ն որոշմամբ հաստատված տեխնիկական կանոնակարգում ներառել նաև նոր սարքավորումներով (գազաանալիզատորներով) գազերի (O2, N, H2) որոշման մեթոդիկան (միջպետական ԳՕՍՏ 17745 ստանդարտ), ինչը առավել արագ գործընթաց է։
4․Կարգավորման նպատակը.
Նախագծի կարգավորման նպատակը՝ ՀՀ կառավարության 2021 թվականի ապրիլի 22-ի N 607-Ն որոշմամբ հաստատված տեխնիկական կանոնակարգում ներառել նաև միջպետական ԳՕՍՏ 17745 ստանդարտը, որով սահմանված է գազաանալիզատորներով գազերի (O2, N, H2) որոշման մեթոդիկան՝ ապահովելով առավել արագ և անվտանգ գործընթաց։
5․ Նախագծի մշակման գործընթացում ներգրավված ինստիտուտները և անձինք.
Նախագիծը մշակվել է ՀՀ էկոնոմիկայի նախարարության կողմից:
6․Ակնկալվող արդյունքը.
«Հայաստանի Հանրապետության կառավարության 2021 թվականի ապրիլի 22-ի N 607-Ն որոշման մեջ փոփոխություն կատարելու մասին» Հայաստանի Հանրապետության կառավարության որոշման նախագծի ընդունման արդյունքում տվյալ տեխնիկական կանոնակարգում կներառվի միջպետական ԳՕՍՏ 17745 ստանդարտը, որով նախատեսված է գազաանալիզատորներով տեխնիկական կանոնակարգման օբյեկտ հանդիսացող արտադրանքում գազերի (O2, N, H2) որոշումը՝ առավել արագ և անվտանգ։
7․ Այլ տեղեկություններ․
«Հայաստանի Հանրապետության կառավարության 2021 թվականի ապրիլի 22-ի N 607-Ն որոշման մեջ փոփոխություն կատարելու մասին» Հայաստանի Հանրապետության կառավարության որոշման նախագծի ընդունմամբ պետական բյուջեի եկամուտների նվազեցում կամ ծախսերի ավելացում չի ակնկալվում:
Նախագծի վերաբերյալ հասարակությանն իրազեկումն իրականացվում է իրավական ակտերի նախագծերի հրապարակման միասնական կայքում` հետևյալ հղումով https://www.e-draft.am/projects/4537 տեղադրելու միջոցով, առաջարկություններ չեն ստացվել։
8․ Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ.
Ներկայացվող նախագծի կապը ռազմավարական փաստաթղթերի հետ բացակայում է։