11 - Կողմ
0 - Դեմ
ՆԱԽԱԳԻԾ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
« » -------------- 2023թ. N - Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ
ՓԵՏՐՎԱՐԻ 9-Ի N 162-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ
ԿԱՏԱՐԵԼՈՒ ՄԱՍԻՆ
Ղեկավարվելով «Նորմատիվ իրավական ակտերի մասին» օրենքի 34-րդ հոդվածի 1-ին մասով՝ Հայաստանի Հանրապետության կառավարությունը ո ր ո շ ու մ է.
«Ընդ որում, եթե զինծառայողը հավելավճար ստանալու կամ հավելավճարի հաշվարկումը շարունակելու իրավունք ձեռք չի բերել ֆիզիկական, կրակային և շարային պատրաստության աստիճանների գնահատման արդյունքներով միայն մեկ պատրաստության աստիճանից կամ միայն մասնագիտական գիտելիքների և ծառայողական պարտականությունների իմացության թեստավորումից «անբավարար» գնահատական ստանալու պատճառով, ապա իրավունք ունի սույն կարգի 41-րդ կետում նախատեսված ատեստավորման եզրակացությունը ստանալու օրվանից հետո 15-օրյա ժամկետում սույն կարգի 9-րդ կետի համաձայն ներկայացնել «անբավարար» գնահատական ստացած համապատասխան պատրաստության աստիճանի գնահատումը կամ մասնագիտական գիտելիքների և ծառայողական պարտականությունների իմացության թեստավորումը վերահանձնելու ատեստավորման հայտ, որի դեպքում ատեստավորման հայտին ընթացք է տրվում է սույն կարգի 11-րդ կետի համաձայն: Սույն կետում նշված դեպքում համապատասխան պատրաստության աստիճանի գնահատման կամ մասնագիտական գիտելիքների և ծառայողական պարտականությունների իմացության թեստավորման վերահանձնման արդյունքներով զինծառայողն ատեստավորված է համարվում սույն կարգի 37-րդ կետում սահմանված պայմաններով:»:
Քննարկվել է
20.10.2023 - 05.11.2023
Տեսակ
Որոշում
Ոլորտ
Անվտանգություն
Նախարարություն
Պաշտպանության նախարարություն
Դիտումներ` 2681
Տպել28.10.2023
Առաջարկում եմ նույն սկզբունքը կիրառել ատեստավորման որևէ բաղադրիչից գնահատականը բարձրացնել ցանկացող զինծառայողների համար, քանի-որ պատրաստության աստիճանները ստուգելիս թեթևակի վրիպումը կարող է բերել գնահատականի իջեցման, սակայն չարտահայտի զինծառայողի իրական գիտելիքները
26.10.2023
Թեև նախագծի հիմքում ընկած է այն հանգամանքը, որ արդեն իսկ անցկացված ատեստավորումների արդյունքում եղել են մի շարք դեպքեր, երբ զինծառայողն «անբավարար» գնահատական է ստացել համապատասխան գնահատման աստիճաններից միայն մեկից, ինչի պարագայում Նախագծի նախաձեռնողը գտել է, որ արդարացված է զինծառայողին համապատասխան պատրաստության աստիճանի գնահատումը կամ մասնագիտական գիտելիքների և ծառայողական պարտականությունների իմացության թեստավորումը վերահանձնելու հնարավորության ընձեռումը: Այդուհանդերձ նախագծով սահմանվել է վերահանձման հայտ ներկայացնելու ժամկետ՝ ատեստավորման եզրակացությունը ստանալու օրվանից հետո 15-օրյա ժամկետ, որի պարագայում խախտվում է մինչև սույն փոփոխության ուժի մեջ մտնելը ատեստավորում հանձնած և միայն մեկ առարկայից անբավար գնահատական ստացած զինծառայողների ՀՀ սահմանադրությամբ ամրագրված մի շարք իրավունքներ /հոդվածներ՝28, 29, 73/, քանզի ժամկետների առումով վերջիններս փաստացի զրկվում են վերահաձնման հայտ ներկայացնելու հնարավորությունից: Ելնելով վերոգրյալից առաջարկում ենք այս կարգավորմանը տալ հետադարձ ուժ՝ այն տարածելով նաև մինչև սույն փոփոխության կատարումը ատեստավորում հանձնած զինծառայողների վրա:
20.10.2023
Ամոթա ամոթ, ինչ՞ ատեստավորում՞