4 - Կողմ
2 - Դեմ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ
«ԱՐԺՈՒԹԱՅԻՆ ԿԱՐԳԱՎՈՐՄԱՆ ԵՎ ԱՐԺՈՒԹԱՅԻՆ ՎԵՐԱՀՍԿՈՂՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հոդված 1. «Արժութային կարգավորման և արժութային վերահսկողության մասին» 2004 թվականի նոյեմբերի 24-ի ՀՕ-135-Ն օրենքի (այսուհետ` Օրենք) 6-րդ հոդվածի 4-րդ մասը շարադրել հետևյալ բովանդակությամբ.
«4. Հայաստանի Հանրապետության տարածքում հատուկ խաղային հաշիվների դրամական միջոցների մուտքագրումն (համալրումն), խաղադրույքների կատարումն և դրամական (փողային) շահումների հանձնումը (ելքագրումը) կարող են կատարվել և գովազդվել միայն Հայաստանի Հանրապետության դրամով, բացառությամբ Հայաստանի Հանրապետությունում լիցենզավորված և խաղադրույք ընդունելու իրավունք ձեռք բերած ինտերնետ շահումով խաղերի և/կամ տոտալիզատորի (ինտերնետ տոտալիզատորի) կազմակերպիչների ու ՀՀ ոչ ռեզիդենտ ֆիզիկական անձանց հետ գրազի պայմանագրի կնքման (ՀՀ ոչ ռեզիդենտ ֆիզիկական անձի ու ինտերնետ շահումով խաղերի և/կամ տոտալիզատորի (ինտերնետ տոտալիզատորի) կազմակերպիչների միջև կնքված՝ ինտերնետ շահումով խաղերի մասնակցության և/կամ խաղադրույք կատարելու մասին պայմանագիր), հատուկ խաղային հաշիվների դրամական միջոցների մուտքագրման (համալրման), խաղադրույքների կատարման և դրամական (փողային) շահումների հանձնման (ելքագրման) դեպքերի։»
Հոդված 2. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
Քննարկվել է
26.06.2023 - 11.07.2023
Տեսակ
Օրենք
Ոլորտ
Ֆինանսական
Դիտումներ` 2172
Տպել26.06.2023
Դեմ եմ, քանի որ խաղացողին արդքան էլ չի հետագրգրում արտարժույթը դրամի կամ հետո դրամը արտարժույթի վերածելու պրոցեսում կրած փոխանակման կորուստները։ Տեսնում եմ Ռիսկեր օտարերկրացու անձնագրով խաղադրույքներ կատարելու, շահելու և արտարժույթը երկրից առանց սահմանափակման հանելու մասով, ինչն հնարվոր է կացմակերպել, ու դրանով նաև դուռ բացել փողերի լվացման համար։ Հետևաբառ խիստ դեմ եմ նախագծին։