7 - Կողմ
3 - Դեմ
ՏԵՂԵԿԱՆՔ-ՀԻՄՆԱՎՈՐՈՒՄ
«Ծառայության վայրում ծառայողական բնակարանով չապահովելու դեպքում պայմանագրային զինծառայողներին ամսական դրամական հատուցում վճարելու կարգը
և չափերը սահմանելու, ինչպես նաև Հայաստանի Հանրապետության կառավարության 2018 թվականի նոյեմբերի 22-ի N 1321-Ն որոշումն ուժը կորցրած ճանաչելու մասին»
ՀՀ կառավարության որոշման նախագծի ընդունման
Որոշման նախագծի ընդունումը պայմանավորված է «Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին» 13.04.2023թ. ՀO-126-Ն oրենքով «Զինվորական ծառայության և զինծառայողի կարգավիճակի մասի» օրենքի (այսուհետ՝ օրենք) 65-րդ հոդվածի 1-ին մասում կատարված փոփոխությունների համաձայն ծառայության վայրում բնակարանային պայմանների բարելավման կարիք ունեցող և ծառայողական բնակարանով չապահովված պայմանագրային զինծառայողներին և օրենքով նրանց հավասարեցված անձանց ամսական դրամական հատուցում վճարելու հետ կապված հարաբերությունները կարգավորելու անհրաժեշտությամբ: Որոշման նախագծի ընդունումը բխում է նաև ՀՀ վարչապետի .05.2023թ. N -Ա որոշման 2-րդ հավելվածով հաստատված ցանկի 9-րդ կետի կատարումն ապահովելու անհրաժեշտությունից:
«Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին» 13.04.2023թ. ՀO-126-Ն oրենքով օրենքի 65-րդ հոդվածի 1-ին մասում կատարված փոփոխությունների համաձայն՝ ծառայության վայրի վարչական տարածքից առնվազն 30 կիլոմետր հեռավորությամբ սեփականության իրավունքով բնակելի տարածություն կամ նույն հեռավորությամբ մշտական (փաստացի) հաշվառման վայր չունենալու հիման վրա պայմանագրային զինծառայողին ծառայության վայրում ծառայողական բնակարանով չապահովվելու դեպքում այլ բնակելի տարածություն վարձակալելու դիմաց վճարվում դրամական փոխհատուցման համակարգը փոխարինվել է նույն պայմանների առկայության դեպքում ամսական դրամական հատուցում վճարելու համակարգով՝ ՀՀ կառավարության սահմանած կարգով և չափերով: Այդ նպատակով սահմանվում են ամսական դրամական հատուցման չափերը՝ ըստ ծառայության վայրերի և զինծառայողի ընտանիքի անդամների թվի, օրենքով սահմանված ամսական դրամական հատուցում ստանալու իրավունք ունեցող անձանց շրջանակը՝ ըստ 65-րդ հոդվածի 1-ին մասի և 72-րդ հոդվածի 2-րդ մասի 4-րդ կետի, ամսական դրամական հատուցման իրավունքի ծագման պայմանները, ամսական դրամական հատուցման վճարման համար անհրաժեշտ փաստաթղթերը և վճարման կարգը, ամսական դրամական հատուցման վճարումը և ամսական դրամական հատուցում ստանալու իրավունքը դադարելու հիմքերը: Առաջարկվող կարգավորումներն ընդհանուր առմամբ նույնական են պայմանագրային զինծառայողին ծառայության վայրում ծառայողական բնակարանով չապահովվելու դեպքում այլ բնակելի տարածություն վարձակալելու դիմաց դրամական փոխհատուցման վճարման կարգը սահմանող ՀՀ կառավարության 2018 թվականի նոյեմբերի 22-ի N 1321-Ն որոշման հետ, որը նաև ուժը կորցրած է ճանաչվում:
Որոշման նախագծի համաձայն սահմանվում են ծառայության վայրում ծառայողական բնակարանով չապահովվելու դեպքում պայմանագրային զինծառայողին վճարվող ամսական դրամական հատուցման չափերը, ամսական դրամական հատուցում ստանալու իրավունք ունեցող անձանց շրջանակը, ամսական դրամական հատուցման իրավունքի ծագման պայմանները, ամսական դրամական հատուցման վճարման համար անհրաժեշտ փաստաթղթերը և վճարման կարգը, ամսական դրամական հատուցման վճարումը և ամսական դրամական հատուցում ստանալու իրավունքը դադարելու հիմքերը, ինչպես նաև ուժը կորցրած է ճանաչվում ՀՀ կառավարության 22.11.2018թ. N 1321-Ն որոշումը:
Որոշման նախագծի ընդունումը պետական բյուջեի եկամուտներում և ծախսերում փոփոխությունների չի հանգեցնում:
Որոշման նախագիծը կապված չէ ռազմավարական փաստաթղթերի հետ:
Քննարկվել է
17.05.2023 - 02.06.2023
Տեսակ
Որոշում
Ոլորտ
Անվտանգություն
Նախարարություն
Պաշտպանության նախարարություն
Դիտումներ` 2795
Տպել22.05.2023
Առաջարկում եմ վերանայել ամսական դրամական հատուցման չափերը, դարձնել ավելի իրատեսական: Դրանք այս պահի դրությամբ, մեղմ ասած, շատ են տարբերվում բնակելի տարածություն վարձակալելու համար պահանջվող իրական գումարի չափից: Օրինակ՝ Իջևան քաղաքում նվազագույն պայմաններով ու չափերով բնակարան վարձակալելու համար պահանջվում է առնվազն 70,000 դրամ, իսկ 4 անձից բաղկացած սպայի ընտանիքից պահանջվում է առնվազն 100,000 դրամ:
18.05.2023
Ողջույն նախագծի հեղինակներին և քննարկման մասնակիցներին։ 1. Թերի մշակված նախագիծ է ըստ ինձ։ Նախագիծն մշակողները ոչ մի անդրադարձ չեն կատարել ամսական դրամական հատուցման չափի փոփոխմանը, համապատասխանեցվի ներկայիս վարձավճարների։ Ես բնակվում եմ Դիլիջան քաղաքում, ներկայումս վճարում եմ 100.000 դրամ, իսկ փոխհատուցվող գումարի չափն 2019թ-ից առ այսօր 4 և ավել անձի համար սահմանված է 50.000: Թող այս նախագծի տգետ հեղինակներն գան Դիլիջան ու 50.000 դրամով փորձեն վարձել 5 անձի (2 մեծահասակ և 3 մանկահասակ) բնակվելու համար բնակարան։ 2. Նախագիծն մշակողները երևի տեղյակ չեն ՀՀ Կառավարության 14 հուլիսի 2005 թվականի N 1231-Ն որոշման (ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԲՆԱԿՉՈՒԹՅԱՆ ՊԵՏԱԿԱՆ ՌԵԳԻՍՏՐԻ ՀԱՄԱԿԱՐԳ ՆԵՐԴՆԵԼՈՒ ՄԱՍԻՆ) պահանջների մասին. Մշտական բնակության վայրը (կացարանը) փոխելու դեպքում քաղաքացին պարտավոր է հաշվառվի բնակության նոր վայրում։ Այսինքն պայմանագրային զինծառայողն նշանակված իր հաշվառման վայրից 30+ կմ հեռավորության վրա գտնվող զորամասում ծառայության, ապա համաձայն Կառավարության 2005թ N 1231-Ն որոշման պահանջի բնակության նոր վայրի Ոստիկանության անձնագրային բաժին ներկայացրեց դիմում հաշվառման հասցեն փոխելու նպատակով (դա պարտադիր է) , ապա այս նախագծի ,,ԽԵԼԱՑԻ,, հեղինակների պատճառով զրկվեց դրամական հատուցման իրավունքից։ Չեմ հասկանում ովքեր են մշակում նման նախագծերն, իրենք որքանով են կապված զինվորական ծառայության, ՀՀ օրենսդրության, կամ առհասարակ տրամաբանության հետ։ Չկա գոնե մեկը, որ տարրական գիտելիք ունենա այս ոլորտից։ Այնքան հետաքրքիր է, թե պաշտպանության նախարարը, իր 3 անձից (ինքը, կինը և դուստրը) կկարողանան 38.000 դրամով բնակարան վարձեն օրինակ ք. Դիլիջանում մեկ ամիս ժամկետով, այն դեպքում երբ ավտոտնակների վարձը Դիլիջանում կազմում է շուրջ 20.000 դրամ
17.05.2023
Ուսումնասիրելով անշարժ գույքի վարձակալության շուկայական գները Երևան քաղաքում համոզվում ենք, որ այսօր 65.000 ՀՀ դրամով շատ բարդ է ( եթե ոչ անհնար) գտնել վարձով բնակարան: Ելնոլով վերոգրյալից առաջարկում եմ սահմանել Երևան քաղաքում մինչև 4 անձից բաղկացած շահառու ընտանիքին 85.000 ՀՀ դրամ, իսկ 4 և ավելի անձանից բաղկացած շահառու ընտանիքին 105.000 ՀՀ դրամ ամսական դրամական հատուցում վճարելու չափը: