ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ ՓԱՍՏԱԲԱՆՈՒԹՅԱՆ ՄԱՍԻՆ ՕՐԵՆՔՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ

«ՓԱՍՏԱԲԱՆՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Փաստաբանության մասին» 2004 թվականի դեկտեմբերի 14-ի ՀՕ-29-Ն օրենքի (այսուհետ՝ Օրենք) 45-րդ հոդվածի 5-րդ մասը «դրույքաչափերը,» բառից հետո լրացնել «լրացուցիչ աշխատավարձի ֆոնդը,» բառերով:

Հոդված 2.  Օրենքի 45-րդ հոդվածը լրացնել նոր՝ 5.1-ին մասով հետևյալ բովանդակությամբ:

«5.1 Հանրային պաշտպանի գրասենյակի ղեկավարին, տեղակալներին և հանրային պաշտպաններին լրացուցիչ աշխատավարձի հատկացման նպատակով նախատեսվում է հանրային պաշտպանի գրասենյակի լրացուցիչ աշխատավարձի ֆոնդ:

Լրացուցիչ աշխատավարձի ֆոնդից հատկացումները կատարվում են փաստաբանների պալատի խորհրդի կողմից սահմանված կարգով: Հատկացումները կարող են կատարվել միայն սույն մասի առաջին պարբերությամբ սահմանված  նպատակով»:

Հոդված 3.  Օրենքի 45-րդ հոդվածը լրացնել նոր՝ 7.1-ին մասով հետևյալ բովանդակությամբ․

«7.1. Լրացուցիչ աշխատավարձի ֆոնդի փոխհատուցման գումարը հաշվարկվում է հանրային պաշտպանի գրասենյակի ղեկավարի, տեղակալների և հանրային պաշտպանների աշխատանքի վարձատրության համար նախատեսված գումարի քսան տոկոսի չափով»:

Հոդված 4. Օրենքի 45-րդ հոդվածի 8-րդ մասում «աշխատանքի վարձատրության» բառերը փոխարինել «հիմնական աշխատավարձի» բառերով.

 Հոդված 5. Սույն օրենքն ուժի մեջ է մտնում պաշտոնական հրապարակմանը հաջորդող օրվանից: