ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ԴԵԿՏԵՄԲԵՐԻ 5-Ի ԹԻՎ 1936-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2022 թվականի N –Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ԴԵԿՏԵՄԲԵՐԻ 5-Ի ԹԻՎ 1936-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները՝ Կառավարությունը որոշում է.

1. Հայաստանի Հանրապետության կառավարության 2002 թվականի դեկտեմբերի 5-ի «Պոլիկլինիկաների (խառը, մեծահասակների և մանկական), առանձին մասնագիտացված կաբինետների, ընտանեկան ավագ բուժաշխատողի գրասենյակների, բժշկական ամբուլատորիաների, գյուղական առողջության կենտրոնների, բուժակ-մանկաբարձական կետերի, կանանց կոնսուլտացիաների և հիվանդանոցային պայմաններում բժշկական օգնության ու սպասարկման համար անհրաժեշտ տեխնիկական և մասնագիտական որակավորման պահանջներն ու պայմանները հաստատելու մասին» թիվ 1936-Ն որոշման N 2 հավելվածի`

1) 5-րդ բաժնի «ԿԱԴՐԱՅԻՆ ՀԱԳԵՑՎԱԾՈՒԹՅՈՒՆ» գլխի 1-ին կետի «վերապատրաստման առկայության դեպքում» բառերից հետո լրացնել «կամ մինչև 2014 թվականը (ներառյալ) 8 տարվա անընդմեջ համապատասխան աշխատանքային փորձով ավագ բուժաշխատողներ` վերջին 5 տարվա ընթացքում համապատասխան վերապատրաստման առկայության դեպքում» բառերը:

2) «N 2 հավելվածի պարզաբանում» բաժինը լրացնել հետևյալ բովանդակությամբ նոր՝ 30-րդ պարբերությամբ.

«●Բաժանմունքը պետք է տեղակայված լինի միևնույն շենքի մեկ հարկում: Մեկից ավելի հարկերում տեղակայված լինելու դեպքում` բաժանմունքին անհրաժեշտ հարակից ստորաբաժանումները (բժշկի կաբինետ, վիրակապարան (միջամտությունների կաբինետ), hերթապահ բուժքրոջ կետ) պետք է առկա լինեն յուրաքանչյուր հարկում:»

3) 19.2.-րդ բաժնի «ԿԱԴՐԱՅԻՆ ՀԱԳԵՑՎԱԾՈՒԹՅՈՒՆ» գլխի վերջին պարբերությունը շարադրել հետևյալ խմբագրությամբ` «Սահմանել, որ վերակենդանացման երրորդ մակարդակի բաժանմունքը կարող է գործել այն լիցենզավորված բազմապրոֆիլ բուժհաստատություններում, որոնք իրականացնում են շուրջօրյա լաբորատոր ախտորոշիչ, ֆունկցիոնալ ախտորոշիչ, էնդոսկոպիկ, լապարոսկոպիկ, ճառագայթային ախտորոշիչ (կոմպյուտերային տոմոգրաֆիկ, անգիոգրաֆիկ, ուլտրաձայնային, դոպլերոգրաֆիկ) և այլ բժշկական օգնության և սպասարկման տեսակներ: Համապատասխան սարքավորումների բացակայության կամ անսարքության դեպքում բուժհաստատությունը պարտավոր է անհետաձգելի բուժօգնության արտագնա բրիգադների միջոցով ապահովել հիվանդների անվտանգ տեղափոխումն այլ լիցենզավորված բուժհաստատություններ` անհրաժեշտ հետազոտությունների անցկացման կամ բուժման համար:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԱՐՉԱՊԵՏ                                                                        Ն. ՓԱՇԻՆՅԱՆ