«Թվային Հայաստան» ՀԿ
03.08.2022
«Թվային Հայաստան» կազմակերպությունը առաջարկում է դիտարկել և սույն փաստաթղթում ընդգրկել 5. Կենսաբանության և բժշկության ոլորտում նվաճումների վերաբերյալ տեղեկատվական հարթակի ստեղծման և ներդրման վերաբերյալ առաջարկը:
Հիշել նախագիծը
«ԲԱՑ ԿԱՌԱՎԱՐՄԱՆ ԳՈՐԾԸՆԿԵՐՈՒԹՅՈՒՆ» ՆԱԽԱՁԵՌՆՈՒԹՅԱՆ ՇՐՋԱՆԱԿՆԵՐՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2022-2024 ԹՎԱԿԱՆՆԵՐԻ ԳՈՐԾՈՂՈՒԹՅՈՒՆՆԵՐԻ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ
- #Action,
- #Corruption,
- #Finances,
- #OGP,
- #Participation,
- #Plan,
- #Reforms,
- #աշխատանքայինիրավունք,
- #բարեփոխումներ,
- #ԲԿԳ,
- #բյուջե,
- #գնումներ,
- #դատաիրավական,
- #թվայնացում,
- #իրականշահառու,
- #ծրագիր,
- #կառավարում,
- #կոռուպցիա,
- #կոռուպցիայիդեմպայքար,
- #հաղորդակցում,
- #հանրային,
- #մասնակցություն,
- #նորարարություն,
- #շահերիբախում,
- #տվյալներ,
- #ֆինանսներ
-
6 - Կողմ
-
1 - Դեմ
ՀԻՄՆԱՎՈՐՈՒՄ
««Բաց կառավարման գործընկերություն» նախաձեռնության շրջանակներում Հայաստանի Հանրապետության 2022-2024 թվականների գործողությունների ծրագիրը հաստատելու մասին» Հայաստանի Հանրապետության կառավարության որոշման նախագծի վերաբերյալ
- Անհրաժեշտությունը
2011թ. աշնանը Հայաստանի Հանրապետությունը միացել է «Բաց կառավարման գործընկերություն» (այսուհետ՝ ԲԿԳ) նախաձեռնությանը: Նախաձեռնության նպատակն է քաղաքացիական հասարակության ակտիվ ներգրավմամբ նպաստել պետական կառավարման համակարգի բարելավմանը և արդյունավետության բարձրացմանը՝ խթանելով պետություն-քաղաքացի հարաբերությունների թափանցիկությունը և վստահությունը:
Ի շարունակություն և ի կատարումն ԲԿԳ շրջանակներում ստանձնած պարտավորությունների՝ 2021թ. նոյեմբերից ՀՀ կառավարությունը նախաձեռնել է ԲԿԳ-Հայաստան 2022-2024թթ. գործողությունների ծրագրի նախագծի (այսուհետ՝ նախագիծ) մշակման գործընթացը: Նախագիծը մշակվել է ՀՀ կառավարության, քաղաքացիական հասարակության, միջազգային գործընկեր կազմակերպությունների և այս անգամ նաև՝ անհատ քաղաքացիների ու մասնավոր հատվածի ներկայացուցիչների հետ համատեղ՝ հիմք ընդունելով նախորդ չորս գործողությունների ծրագրերի մշակման և իրականացման արդյունքում կուտակված փորձը, ԲԿԳ միջազգային ցանցի և անկախ հաշվետվական մեխանիզմի առաջարկությունները:
Ծրագիրը կազմվել է ինչպես Կառավարության, այնպես էլ՝ քաղաքացիական հասարակության ներկայացրած առաջարկությունների հիման վրա՝ ներառելով այնպիսի ոլորտներ, ինչպիսիք են հանրային միջոցների թափանցիկությունը, գնումների համակարգի ներդրում և իրական շահառուների ռեգիստրի կատարելագործում, պաշտոնատար անձանց նվերների համակարգի, տարածական տվյալների, դատական համակարգի թափանցիկության, հանրային հաղորդակցման և տվյալների քաղաքականության հայեցակարգերի մշակում, աշխատանքային պայմանագրերի համակարգի ներդնում:
Ծրագիրը մշակելիս ՀՀ կառավարությունը սահմանել էր առաջնահերթ ուղղությունները, որոնք բխում են Կառավարության 2021-2026 թթ. ծրագրի, ԲԿԳ (Վաշինգտոն) քաղաքական ուղղությունների և Հայաստանին ներկայացված առաջարկների, ԲԿԳ անկախ հաշվետվական մեխանիզմի, Հանրային կառավարման բարեփոխումների 2030 թ. ռազմավարության հիմնական ուղղությունների, Տնտեսական համագործակցության և զարգացման կազմակերպության և Եվրոպայի խորհրդի «Կոռուպցիայի դեմ պայքարող պետությունների խումբ» գործընթացում ՀՀ-ին ներկայացրած առաջարկների և հանձնարարականների, ԲԿԳ-Հայաստան աշխատանքային խմբի նիստի ժամանակ ՔՀԿ գործընկերների առաջարկների տրամաբանությունից: Առաջարկների հավաքագրման փուլում ստացվեց 64 առաջարկ, որոնց մի մասը համապատասխանում էին սահմանված առաջնահերթություններին և ԲԿԳ սկզբունքներին, որոշները կամ չէին համապատասխանում ԲԿԳ սկզբունքներին, կամ՝ մասնակի էին համապատասխանում, կամ էլ՝ ենթակա էին միավորման այլ առաջարկների հետ: Առաջարկներից հանրային քննարկման համար դիտարկվեցի ԲԿԳ սկզբունքներին և պահանջներին համապատասխան առաջարկները և գաղափարները, որոնք մասամբ համապատասխանում էին պահանջներին և կարիք ունեին լրացուցիչ քննարկման ոլորտի պատասխանատուների և առաջարկ ներկայացնողների հետ:
- Նպատակը
Սույն գործողությունների ծրագրի մշակումը ժողովրդավարական ուղիղ մասնակցության արդյունք է: Նախագծում հասցեագրվել են խնդիրներ, տեսլականներ և գործողություններ որոնք կբարձրացնեն կառավարություն-քաղաքացի հարաբերություններում վստահությունը, ինչպես նաև կբարելավեն հանրային կառավարման թափանցիկությունը և հաշվետվողականությունը:
- Ակնկալվող արդյունքը
Նախագծի ընդունմամբ պետական կառավարման համակարգի, Քաղաքացիական հասարակության և միջազգային կազմակերպությունների համատեղ մասնակցությամբ կմշակվեն և կիրականացվեն բարեփոխումներ հետևյալ ոլորտներում՝
- Տվյալների քաղաքականության հայեցակարգի մշակում
- Հանրային Ռազմավարական հաղորդակցման ճարտարապետություն ձևավորում
- Տեղեկատվության ազատության ոլորտի ինքնագնահատման համակարգի պիլոտային մեկնարկում
- Բյուջետային գործընթացում մասնակցային մեխանիզմների լրամշակում և ներդրում
- «Մասնակցային բյուջետավորման» ներդրում տեղական մակարդակում
- Քարտեզագրական տարածական տվյալների և մետատվյալների հասանելիություն
- Հանրային պաշտոն զբաղեցնող անձանց և հանրային ծառայողների պաշտոնական պարտականությունների իրականացման հետ կապված նվերների ռեեստրի ստեղծում
- Էլեկտրոնային գնումների համապարփակ համակարգ. Իրական շահառուների ինստիտուտի կատարելագործում
- «eCourt-statistics» վիճակագրական վերլուծական գործիքի ձևավորում
- Աշխատանքային պայմանագրերի էլեկտրոնային համակարգի ներդրում՝ պետական և մասնավոր հատվածի համար
- Ներգրավված ինստիտուտները և կազմակերպությունները
Նախագծի մշակումն ապահովվել է Հայաստանի Հանրապետության վարչապետի աշխատակազմի «Բաց կառավարման գործընկերություն-Հայաստան» քարտուղարության կողմից:
Պետական կառավարման մարմիններ, Քաղաքացիական հասարակության կազմակերպություններ և միջազգային կազմակերպություններ/ փորձագիտական խմբեր:
-
Քննարկվել է
23.07.2022 - 08.08.2022
-
Տեսակ
Որոշում
-
Ոլորտ
Հանրային կառավարում
-
Նախարարություն
Վարչապետի աշխատակազմ
Դիտումներ` 5375
ՏպելԱռաջարկներ`
«Թվային Հայաստան» ՀԿ
03.08.2022
«Թվային Հայաստան» կազմակերպությունը առաջարկում է դիտարկել և սույն փաստաթղթում ընդգրկել 4. Իրավական ակտերի թափանցիկության ապահովման նպատակով Հայաստանի իրավական տեղեկատվական (Arlis) համակարգի արդիականացման վերաբերյալ առաջարկը:
«Թվային Հայաստան» ՀԿ
03.08.2022
«Թվային Հայաստան» կազմակերպությունը առաջարկում է դիտարկել և սույն փաստաթղթում ընդգրկել 3. Հանրային և մասնավոր գույքի էլեկտրոնային աճուրդի միասնական հարթակի ներդրման առաջարկը: