«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2021 ԹՎԱԿԱՆԻ ՀՈՒՆԻՍԻ 24-Ի N 1048-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳՒԾ

Ներկայումս Հայաստանի Հանրապետության մուտքի մաքսային մարմիններում ներմուծվող ապրանքների փաստաթղթային ստուգման իրականացման ժամանակ հանդիպում են դեպքեր, երբ հավաքական կամ նույն հայտարարատուին պատկանող մեծաքանակ բեռների մեջ առկա են նաև թուրքական ծագում ունեցող ապրանքներ, որոնց քաշը կամ մաքսային արժեքը այնքան էլ մեծ չեն, և ամբողջ բեռի բեռնաթափման անհրաժեշտություն է առաջանում, ինչի արդյունքում մուտքի մաքսային մարմնում նշված բեռների բեռնաթափման համար պայմանների ոչ բավարար լինելու պատճառով գործնականում առաջանում են դժվարություններ: