ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՍԵՊՏԵՄԲԵՐԻ 1-Ի № 1428-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

ՀԻՄՆԱՎՈՐՈՒՄ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՍԵՊՏԵՄԲԵՐԻ 1-Ի № 1428-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

ՈՐՈՇՄԱՆ ԸՆԴՈՒՆՄԱՆ

1. Անհրաժեշտությունը

Ներկայացված նախագծի ընդունումը պայմանավորված է ՀՀ վարչապետի 2020 թվականի ապրիլի 2-ի ««Ֆիզիկական կուլտուրայի և սպորտի մասին» օրենքում փոփոխություններ և լրացումներ կատարելու մասին» օրենքի կիրարկումն ապահովող միջոցառումների ցանկը հաստատելու մասին» N 408-Ն որոշման հավելվածի 9-րդ կետի հանձնարարականով;

2. Ընթացիկ իրավիճակը և խնդիրները

ՀՀ կառավարության 2005 թվականի սեպտեմբերի 1-ի № 1428-Ն որոշման մշակմանy (մասնավորապես՝ ըստ մարզաձևերի մարզադպրոց ընդունվելու տարիքի, մարզագույքից միաժամանակ օգտվողների թվի, մարզակառույցների չափերի և այլնի) մասնակցել են տարբեր ոլորտների հմուտ մասնագետներ: Ներկայումս հանրապետության համայնքային ոչ առևտրային կազմակերպություն հանդիսացող մանկապատանեկան մարզադպրոցներում չեն պահպանվում որոշմամբ հաստատված չափորոշիչները, ինչը կարող է բացասաբար անդրադառնալ պարապողների առողջության, նրանց անվտանգության պահպանման վրա:

1. Տվյալ բնագավառում իրականացվող քաղաքականությունը

Հայաստանի Հանրապետության կառավարությունը  հաստատում է  ֆիզիկական կուլտուրայով և սպորտով զբաղվելու համար անհրաժեշտ պայմանների նվազագույն չափորոշիչները:

4. Կարգավորման նպատակը և բնույթը

Նախագծի ընդունմամբ հանրապետության բոլոր մանկապատանեկան մարզադպրոցները, անկախ կազմակերպաիրավական տեսակից կառաջնորդվեն ՀՀ կառավարության կողմից սահմանված ֆիզիկական կուլտուրայով և սպորտով զբաղվելու համար անհրաժեշտ պայմանների նվազագույն չափորոշիչներով:

1. Նախագծի մշակման գործընթացում ներգրավված ինստիտուտները և անձինք

Նախագիծը մշակվել է Հայաստանի Հանրապետության կրթության, գիտության, մշակույթի և սպորտի նախարարության կողմից։

1. Ակնկալվող արդյունքը

Նախագծի ընդունմամբ հանրապետության բոլոր մարզադպրոցները պարտադիր կառաջնորդվեն սահմանված չափորոշիչներով՝ արդյունքում կպահպանվի պարապողների առողջությունը, մարզումների ընթացքում անվտանգությունը, մարզակառույցների շենքերի մաքրման, ախտահանման աշխատանքների նկատմամբ ամենօրյա հսկողությունը:

Նախագծի ընդունմամբ ՀՀ պետական բյուջեից լրացուցիչ ծախսեր չեն պահանջվում: