«Հայաստանի Հանրապետության կառավարության 2020 թվականի դեկտեմբերի 24-ի N 2137-Ն որոշման մեջ փոփոխություն կատարելու մասին»

ՏԵՂԵԿԱՆՔ-ՀԻՄՆԱՎՈՐՈՒՄ

«Հայաստանի Հանրապետության կառավարության 2020 թվականի դեկտեմբերի 24-ի

N 2137-Ն որոշման մեջ փոփոխություն կատարելու մասին» Կառավարության որոշման նախագծի ընդունման

1. Իրավական ակտի ընդունման անհրաժեշտությունը

   Որոշման նախագծի ընդունումը պայմանավորված է պահեստազորի սպայական կազմի 2020 թվականի պարտադիր զինվորական ծառայության զորակոչի պատշաճ իրականացումն ապահովելու անհրաժեշտությամբ:

2. Ընթացիկ իրավիճակը և խնդիրները

   ՀՀ կառավարության 24.12.2020թ. N 2137-Ն որոշման համաձայն նախատեսվում է պահեստազորի սպայական կազմի 2020թ. պարտադիր զինվորական ծառայության զորակոչն իրականացնել 2020 թվականի դեկտեմբերի 25-ից մինչև 2021 թվականի հունվարի 20-ը ներառյալ, միաժամանակ զորակոչի ենթակա պահեստազորի սպաների բժշկական հետզոտությունների և փորձաքննության գործընթացն իրականացվելու է ՀՀ կառավարության 12.04.2018թ. N 405-Ն որոշման պահանջների համաձայն՝ կենտրոնական բժշկական հանձնաժողովի կողմից: Քանի որ կենտրոնական բժշկական հանձնաժողովի գործունեությունն ընդգրկում է նաև ՀՀ կառավարության 24.12.2020թ. N 2136-Ն որոշման համաձայն շարքային կազմի պարտադիր զինվորական ծառայության 2020թ. ձմեռային զորակոչի շրջանակներում զորակոչի ենթակա անձանց բժշկական փորձաքննությունը, առկա է մտահոգություն, որ մինչև 2021թ. հունվարի 20-ը հնարավոր չի լինելու պատշաճ և ամբողջական իրականացնել զորակոչի ենթակա պահեստազորի սպաների բժշկական հետզոտությունների և փորձաքննության գործընթացը:

3. Տվյալ բնագավառում իրականացվող քաղաքականությունը

   Բնագավառում իրականացվող քաղաքականությունն ուղղված է ապահովելու պահեստազորի սպայական կազմի 2020թ. պարտադիր զինվորական ծառայության զորակոչի ամբողջականությունն ու արդյունավետությունը:

4. Կարգավորման նպատակը և բնույթը

   Որոշման նախագծի համաձայն նախատեսվում է պահեստազորի սպայական կազմի 2020թ. պարտադիր զինվորական ծառայության զորակոչն իրականացնել մինչև 2021 թվականի փետրվարի 20-ը ներառյալ:

5. Նախագծի մշակման գործընթացում ներգրավված ինստիտուտները և անձինք

     Նախագիծը մշակվել է ՀՀ պաշտպանության նախարարության կողմից:

6. Ակնկալվող արդյունքը

   Որոշման նախագծի ընդունմամբ կապահովվի պահեստազորի սպայական կազմի 2020թ. պարտադիր զինվորական ծառայության զորակոչի ամբողջական և արդյունավետ իրականացման գործընթացը:

ՏԵՂԵԿԱՆՔ

«Հայաստանի Հանրապետության կառավարության 2020 թվականի դեկտեմբերի 24-ի

N 2137-Ն որոշման մեջ փոփոխություն կատարելու մասին» Կառավարության որոշման նախագծի ընդունման կապակցությամբ այլ իրավական ակտերում փոփոխություններ և լրացումներ կատարելու վերաբերյալ

­­Որոշման նախագծի ընդունումն այլ իրավական ակտերում փոփոխություններ և լրացումներ կատարելու անհրաժեշտություն չի առաջացնում:

ՏԵՂԵԿԱՆՔ

«Հայաստանի Հանրապետության կառավարության 2020 թվականի դեկտեմբերի 24-ի

N 2137-Ն որոշման մեջ փոփոխություն կատարելու մասին» Կառավարության որոշման նախագծի ընդունման կապակցությամբ ՀՀ պետական բյուջեի ծախսերի կամ եկամուտների ավելացման կամ նվազեցման վերաբերյալ

­­Որոշման նախագծի ընդունումը 2021թ. և հետագա տարիների պետական բյուջեներում փոփոխություններ կատարելու անհրաժեշտություն չի առաջացնում:

ՏԵՂԵԿԱՆՔ

«Հայաստանի Հանրապետության կառավարության 2020 թվականի դեկտեմբերի 24-ի

N 2137-Ն որոշման մեջ փոփոխություն կատարելու մասին»  Կառավարության որոշման նախագիծը հանրային քննարկման ներկայացնելու վերաբերյալ

Որոշման նախագիծը տեղադրվել է իրավական ակտերի նախագծերի հանրային քննարկման համար նախատեսված միասնական կայքում: