«Պետական տուրքի մասին» Հայաստանի Հանրապետության օրենքում լրացումներ կատարելու մասին

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈւԹՅԱՆ

ՕՐԵՆՔԸ

«ՊԵՏԱԿԱՆ ՏՈւՐՔԻ ՄԱՍԻՆ» ՕՐԵՆՔՈւՄ ԼՐԱՑՈւՄՆԵՐ ԿԱՏԱՐԵԼՈւ ՄԱՍԻՆ

Հոդված 1. «Պետական տուրքի մասին» 1997 թվականի դեկտեմբերի 27-ի ՀՕ-186 Հայաստանի Հանրապետություն օրենքի (այսուհետ՝ Օրենք) 31-րդ հոդվածը «պետական տուրքերի վճարումից» բառերից հետո լրացնել նոր պարբերությամբ.

«Արտակարգ դրության ընթացքում արտակարգ դրության տարածքում տնտեսական գործունեության առանձին տեսակների իրականացման սահմանափակման դեպքում տվյալ գործունեության տեսակներ իրականացնող անհատ ձեռնարկատերերի և իրավաբանական անձաց, ում տարեկան պետական տուրքի վճարման ժամկետն ընկած է եղել արտակարգ դրության ժամանակահատվածում պետական տուրքի վճարումն իրականացվելու է ՀՀ կառավարության կողմից սահմանված ժամկետում:

Արտակարգ դրության ժամանակահատվածում սահմանափակված ձեռնարկատիրական գոր­ծունեության տեսակների ցանկը, ըստ որի գործունեություն իրականացնող տնտե­սա­վա­րող սուբյեկտները կարող են օգտվել պետական տուրքի վճար­ման ժամկետի հետաձգման արտոնությունից, սահ­մանում է ՀՀ կառավարությունը։»

Հոդված 2. Սույն օրենքի 1-ին հոդվածով սահմանված պետական տուրքի վճարման ժամկետի հետաձգման պարագայում, այն տնտեսավարողները, որոնց գործունեությունը սահմանափակված է եղել, սակայն նրանք արդեն իսկ վճարել են պետական տուրքի գումար­­ները, բացառությամբ մինչև 2020 թվականի մարտի 16-ի կատարված վճարումները, համարվում է կանխավճար:

Հոդված 3.Սույն օրենքը ուժի մեջ է մտնում հրապարակմանը հաժորդող 10-րդ օրը և գործում է 2020 մարտի 16-ից սեպ­տեմ­բերի 11-ը ընկած ժամանակահատվածում տնտեսական գործունեության առանձին տեսակների իրականացման սահմանափակմամբ ծագած իրավահարաբերությունների վրա: