«Հայաստանի Հանրապետության հիդրոէներգետիկայի զարգացման հայեցակարգի դրույթներն ապահովող միջոցառումների ցանկին հավանություն տալու մասին» ՀՀ կառավարության արձանագրային որոշման նախագիծ

Հայաստանի Հանրապետության կառավարությունը որոշում է.

1. Հավանություն տալ Հայաստանի Հանրապետության հիդրոէներգետիկայի զարգացման հայեցակարգի դրույթներն ապահովող միջոցառումների ցանկին (Ցանկ)՝ համաձայն հավելվածի:
2. ՀՀ էներգետիկ ենթակառուցվածքների և բնական պաշարների նախարարին` առանձին միջոցառումների շրջանակներում, ըստ անհրաժեշտության, ներկայացնել առաջարկություններ` Ցանկում ամրագրված միջոցառումների ու դրանց ժամանակացույցի պարբերական վերանայում ու ճշգրտում, վերահսկում և մոնիթորինգ, ինչպես նաև պատշաճ մակարդակով հանրային իրազեկում իրականացնելու նպատակով: