Հիշել նախագիծը

Նախագիծը ընդունվել է

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ՀՈՒՆՎԱՐԻ 12-Ի N 73-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

  • 2 - Կողմ

  • 0 - Դեմ

ՀԻՄՆԱՎՈՐՈՒՄ

ՀՀ կառավարության «Հայաստանի Հանրապետության  կառավարության 2006 թվականի հունվարի 12-ի N 73-Ն որոշման մեջ փոփոխություն կատարելու մասին» որոշման նախագծի

 

  1. Իրավական ակտի անհրաժեշտությունը (նպատակը).

Համաձայն «Նախնական մասնագիտական (արհեստագործական) և միջին մասնագիտական կրթության մասին» ՀՀ օրենքի 7-րդ հոդված 6-րդ մասի, 9-րդ հոդվածի 1-ին  և 3-րդ մասերի, անհրաժեշտություն է առաջացել համապատասխանեցնել Հայաստանի Հանրապետության  կառավարության 2006 թվականի հունվարի 12-ի N 73-Ն որոշման հավելված  N 2-ով  հաստատված միջին մասնագիտական կրթության մասնագիտությունների ցանկի և ՀՀ կրթության և գիտության համապատասխան հրամանով հաստատված պետական կրթական չափորոշչի առկա տարբերությունը:

  1. Ընթացիկ իրավիճակը և խնդիրները

Հայաստանի Հանրապետության  կառավարության 2006 թվականի հունվարի 12-ի N 73-Ն որոշմամբ հաստատված հավելված  N 2-ով  միջին մասնագիտական կրթության «0811.07.5 Անասնաբուժություն» մասնագիտության որակավորում է սահմանված «Անասնաբույժ» որակավորումը, սակայն նշյալ մասնագիտության պետական չափորոշիչ վերանայող աշխատանքային խմբի կողմից, որում ընդգրկված էին գործատուներ և ուսումնական հաստատության ներկայացուցիչներ նույնպես, առաջարկվել էր որակավորում սահմանել «Կրտսեր անասնաբույժ», հիմնականում հիմնավորելով, որ «Անասնաբույժ» որակավորումը բարձրագույն մասնագիտական կրթության որակավորում է: Ընդունելով խմբի առաջարկը` ՀՀ կրթության և գիտության նախարարի համապատասխան հրամանով հաստատվել է «Անասնաբուժություն» մասնագիտության «Կրտսեր անասնաբույժ» որակավորման պետական կրթական չափորոշիչը, որի հետևանքով առաջացել է անհամապատասխանություն  մասնագիտությունների ցանկի և պետական կրթական չափորոշչի մեջ, ինչը հիմք է հանդիսացել որոշման նախագծի մշակմանը:

  1. Առաջարկվող կարգավորման բնույթը

Համապատասխանեցնել Հայաստանի Հանրապետության  կառավարության 2006 թվականի հունվարի 12-ի N 73-Ն որոշմամբ N 2 հավելվածով հաստատված միջին մասնագիտական կրթության մասնագիտությունների ցանկը և  ՀՀ կրթության և գիտության համապատասխան հրամանով հաստատված պետական կրթական չափորոշչի առկա տարբերությունը:

  1. Նախագծի մշակման գործընթացում ներգրավված ինստիտուտները, անձինք և նրանց դիրքորոշումը

Նախագիծը մշակվել է ՀՀ կրթության և գիտության  նախարարության կողմից:

  1. Ակնկալվող արդյունքը

Որոշման նախագծի ընդունման արդյունքում կունենանք համապատասխանեցված ցանկ:

 

  • Քննարկվել է

    18.04.2019 - 09.05.2019

  • Տեսակ

    Որոշում

  • Ոլորտ

    Կրթություն և գիտություն

  • Նախարարություն

    Կրթության, գիտության,մշակույթի և սպորտի նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 8095

Տպել