Տիգրան Սարաֆյան
03.04.2019
իսկ քաղաքացի դառնալուց հետո անձնական իրերի ներմուծման մաքսային կամ հարկային արտոնություն սահմանելու խնդիրը լուծված չէ, արդեն կան դեպքեր, այս կարգի հարցերին պետք է ուշադրություն դարձնել
Հիշել նախագիծը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ «ՕՏԱՐԵՐԿՐԱՑԻՆԵՐԻ ՄԱՍԻՆ» ՕՐԵՆՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
-
4 - Կողմ
-
2 - Դեմ
ՀԻՄՆԱՎՈՐՈՒՄ
«ՕՏԱՐԵՐԿՐԱՑԻՆԵՐԻ ՄԱՍԻՆ» ՕՐԵՆՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ
- Կարգավորման ենթակա ոլորտի կամ խնդրի (այսուհետ՝ հարց) սահմանումը.
«Օտարերկրացիների մասին» օրենքում լրացում կատարելու մասին» օրենքի նախագծի (այսուհետ՝ Նախագիծ) ընդունման անհրաժեշտությունը պահմանավորված է ՀՀ քաղաքացիություն շնորհելու հիմքով ՀՀ կացության կարգավիճակ ունեցող անձի կացության կարգավիճակի ինքնաբերաբար դադարման իրավական կարգավորման անհրաժեշտությամբ:
- Առկա իրավիճակը
«Օտարարերկրացիների մասին» օրենքով (այսուհետ՝ Օրենք) օտարերկրացուն կարող է շնորհվել ՀՀ-ում կա՛մ ժամանակավոր, կա՛մ մշտական, կա՛մ հատուկ կարգավիճակ: Կացության կարգավիճակը օտարերկրացուն իրավունք է տալիս բնակվելու (որոշակի ժամկետով, մշտապես, հատուկ կացության կարգավիճակը հավաստող փաստաթղթի վավերականության ժամկետներում) Հայաստանի Հանրապետության տարածքում: Միաժամանակ Օրենքը սահմանում է շնորհված կարգավիճակի դադարման, կացության կարգավիճակ տալու վերաբերյալ որոշումն ուժը կորցրած ճանաչելու, կացության կարգավիճակը երկարաձգելու վերաբերյալ դիմումը մերժելու հիմքերը, կացության կարգավիճակից զրկելու հետևանքները և կացության կարգավիճակից զրկելու բողոքարկումը:
Միևնույն ժամանակ, օրենսդրական կարգավորում նախատեսված չէ այն դեպքի համար, երբ կացության կարգավիճակ ունեցող անձին մինչև կացության կարգավիճակի ժամկետի ավարտը շնորհվում է ՀՀ քաղաքացիություն:
Հաշվի առնելով, որ կացության կարգավիճակ ունեցող անձը ՀՀ քաղաքացիություն ստանալու պահից օգտվում է ՀՀ քաղաքացիններին վերապահված բոլոր իրավունքներից և կրում է բոլոր պարտականությունները, ուստի, կացության կարգավիճակ ունենալու անհրաժեշտությունը վերանում է և անհրաժեշտություն է առաջացել ՀՀ քաղաքացիություն ստանալը ևս սահմանել որպես շնորհված կացության կարգավիճակի դադարման հիմք:
- Կարգավորման նպատակները, ակնկալվող արդյունքը.
Նախագծի ընդունման արդյունքում ակնկալվում է ապահովել ՀՀ-ում կացության կարգավիճակ ունեցող անձի կարգավիճակի ինքնաբերաբերար դադարեցում քաղաքացիություն շնորհելու հիմքով:
- Իրավական ակտի նախագիծը մշակող պատասխանատու մարմինը, ինչպես նաև, անհրաժեշտության դեպքում, նախաձեռնողի, հեղինակների և մշակմանը մասնակցող անձանց մասին տեղեկություններ.
Նախագիծը մշակվել է ՀՀ արդարադատության նախարարության կողմից:
-
Քննարկվել է
26.03.2019 - 10.04.2019
-
Տեսակ
Օրենք
-
Ոլորտ
Արդարադատություն
-
Նախարարություն
Արդարադատության նախարարություն
Դիտումներ` 7236
Տպել