«Դեղերի մասին» Հայաստանի Հանրապետության օրենքում փոփոխություններ կատարելու մասին» Հայաստանի Հանրապետության օրենքի նախագիծ

«Դեղերի մասին» ՀՀ օրենքի 21-րդ հոդվածի 7-րդ մասի 1-ին կետի համաձայն՝ ներմուծման կամ արտահանման հավաստագիր չի պահանջվում օտարերկրյա պետություն մեկնող և օտարերկրյա պետությունից ժամանող ֆիզիկական անձի բուժման կուրսի կամ անձնական օգտագործման դեղերի համար` Հայաստանի Հանրապետության կառավարության սահմանած քանակներով: Նշված դրույթը, ըստ էության, չի տարածվում այն անձնական օգտագործման դեղերի վրա, որոնք ներմուծվում են ֆիզիկական անձանց անունով: Հետևաբար, նշված խնդրի լուծման նպատակով առաջարկվում է օրենքում կատարել համապատասխան փոփոխություններ, լրացնելով նաև ֆիզիկական անձանց անունով անձնական օգտագործման դեղերի տեղափոխման դեպքը՝ այն չկապելով ֆիզիկական անձանց փաստացի սահմանը հատելու հանգամանքի հետ:

Հայաստանի Հանրա­­­­­պետության կառավարության կողմից տվյալ բնագավառում իրականացվող քաղաքակա­նու­թյունն ուղղված է ֆիզիկական անձանց կողմից իրականացվող ներմուծումներին առնչվող դրույթների առավելագույնս հստակեցմանը և պարզեցմանը: