<<Հայաստանի Հանրապետության 2018 թվականի պետական բյուջեում վերաբաշխում, Հայաստանի Հանրապետության կառավարության 2017 թվականի դեկտեմբերի 28-ի N 1717-Ն որոշման մեջ փոփոխություններ ու լրացումներ կատարելու մասին>>

Հիմնավորում

ՀՀ կառավարության <<Հայաստանի Հանրապետության 2018 թվականի պետական բյուջեում վերաբաշխում, Հայաստանի Հանրապետության կառավարության 2017 թվականի դեկտեմբերի 28-ի  N 1717-Ն որոշման մեջ փոփոխություններ ու լրացումներ կատարելու մասին>>   որոշման նախագծի վերաբերյալ

«Եվրոպական ներդրումային բանկի աջակցությամբ իրականացվող Մ6 Վանաձոր-Ալավերդի-Վրաստանի սահման միջպետական նշանակության ճանապարհի վերականգնման և բարելավման ծրագրի» 5113 հոդվածով 2018թ. պետական բյուջեով նախատեսված է  1,999,718.4 հազ. ՀՀ դրամ, որից  1,666,432.0 հազ. ՀՀ դրամ վարկային մասով և  333,286.4 հազ. ՀՀ դրամ համաֆինանսավորման մասով: Նախատեսվում է շինարարական աշխատանքներն ավարտել 2018թ. 4-րդ եռամսյակում:

Հաշվի  առնելով վերոգրյալը, ինչպես նաև կապալառուների հետ կնքված պայմանագրերի մնացորդային արժեքները, առաջացել է լրացուցիչ ֆինանսական միջոցների անհրաժեշտություն՝ ՀՀ համաֆինանսավորման մասով՝ 401,500 հազ. ՀՀ դրամի չափով, իսկ վարկային մասով՝ 1,749,000.0 հազ. ՀՀ դրամի չափով:

«Ասիական զարգացման բանկի աջակցությամբ իրականացվող Հյուսիս-հարավ տրանսպորտային միջանցքի զարգացման ծրագրի (Տրանշ 3)» 4261 հոդվածով  2018թ. պետական բյուջեով վարկային մասով նախատեսված է 1,708.4 հազ. ՀՀ դրամ, որից ֆինանսավորվել է 1,629.3 հազ. ՀՀ դրամ: ՊՈԱԿ-ի աշխատանքների բնական ընթացքն ապահովելու նպատակով վարկային մասով առաջացել է  լրացուցիչ ֆինանսական միջոցների անհրաժեշտություն՝ 120.0 հազ. ՀՀ դրամի չափով:

5112 հոդվածով պետական բյուջեով համաֆինանսավորման մասով նախատեսված է 303,622.8 հազ. ՀՀ դրամ: Թալին-Լանջիկ ճանապարհահատվածի շինարարական աշխատանքների իրականացման համար լրացուցիչ անհրաժեշտ է մոտ 127,000.0 հազ. դրամ:

Ասիական զարգացման բանկի աջակցությամբ իրականացվող Հյուսիս-հարավ տրանսպորտային միջանցքի զարգացման ծրագրի (Տրանշ 2) 4861 հոդվածի վարկային մասով 2018թ. պետական բյուջեով նախատեսված է  786,787.0 հազ. ՀՀ դրամ, որից փաստացի ֆինանսավորվել է 648,432.3 հազ. ՀՀ դրամ: ՀՀ համաֆինանսավորման մասով նախատեսված է  393,417.4 հազ. ՀՀ դրամ, որից փաստացի ֆինանսավորվել է 334,930.0 հազ. ՀՀ դրամ:  Ծրագրի կառավարման խորհրդատու/ինժեներից Տրանշ 2-ում նոր ծրագրի համար Ուղղիչ Գործողությունների Պլանի (ՈՒԳՊ)/ ՀՕՏԾ Լրացումը պատրաստելու, ինչպես նաև  Տրանշ 2-ում և Տրանշ 3-ում հաղորդակցուղիների տեղափոխման նպատակով  չափագրում, ակտիվների գույքագրում և գնահատում իրականացնելու խորհրդատվական ծառայությունների դիմաց 2018թ. սեպտեմբեր-նոյեմբեր ամիսների համար վճարումներ իրականացնելու նպատակով վարկային մասով չի բավարարում  115,000.0 հազ. ՀՀ դրամ, իսկ ՀՀ համաֆինանսավորման մասով՝ 57,000.0 հազ. ՀՀ դրամ:

 5112 հոդվածի ՀՀ համաֆինանսավորման մասով 2018թ. պետական բյուջեով նախատեսված է  1,470,297.5 հազ. ՀՀ դրամ, որն ամբողջությամբ ֆինանսավորվել է:  2018թ. սեպտեմբեր ամսվա համար ստացված, ինչպես նաև հոկտեմբեր և նոյեմբեր ամիսների համար կապալառուից ակնկալվող հերթական կատարողական ակտերի վճարումն ապահովելու նպատակով ՀՀ համաֆինանսավորման մասով չի բավարարում  260,000.0 հազ. ՀՀ դրամ:

 Ասիական զարգացման բանկի աջակցությամբ իրականացվող Մ6 Վանաձոր-Ալավերդի-Վրաստանի սահման միջպետական նշանակության ճանապարհի վերականգնման և բարելավման ծրագրի 4235 հոդվածի վարկային մասով 2018թ. պետական բյուջեի վարկային մասով նախատեսված է  5,149.5 հազ. ՀՀ դրամ, որից  ֆինանսավորվել է 4,065.6 հազ. ՀՀ դրամ: Հաշվի առնելով արդեն իսկ մատուցված ծառայությունների արժեքը՝ վարկային մասով չի բավարարում 275.0 հազ. ՀՀ դրամ:

Համաշխարհային բանկի աջակցությամբ իրականացվող Կենսական նշանակության ճանապարհացանցի  բարելավման լրացուցիչ ֆինանսավորման ծրագրի 4222 հոդվածի ՀՀ համաֆինանսավորման մասով 2018թ. պետական բյուջեով նախատեսված է  560.0 հազ. ՀՀ դրամ, իսկ վարկային մասով՝  2,240 հազ. ՀՀ դրամ:  Քանի որ  2018թ․ դեկտեմբերին նախատեսվել է մասնակցություն ՀԲ դասընթացներին գնումների մասով և առկա միջոցները չեն բավարարում վճարումներ կատարելու համար, ուստի 4222 հոդվածի վարկային մասով չորրորդ եռամսյակում անհրաժեշտ է ևս 1,300 հազ. ՀՀ դրամ, իսկ համաֆինանսավորման մասով՝ ևս 325.0 հազ. ՀՀ դրամ:

4211 հոդվածի ՀՀ համաֆինանսավորման մասով 2018թ.  պետական բյուջեով նախատեսված է 10 հազ. ՀՀ դրամ, իսկ վարկային մասով՝  40 հազ. ՀՀ դրամ: Քանի որ առկա միջոցները չեն բավարարում կնքված պայմանագրի շրջանակներում ապրանքների ձեռքբերման համար ակրեդիտիվի թողարկման բանկային միջնորդավճար կատարել, ուստի 4211 հոդվածի վարկային մասով անհրաժեշտ է ևս 325.2 հազ. ՀՀ դրամ, իսկ ՀՀ համաֆինանսավորման մասով՝ ևս 81.3 հազ. ՀՀ դրամ:

4264 հոդվածի ՀՀ համաֆինանսավորման մասով 2018թ. պետական բյուջեով նախատեսված է 336.6 հազ. ՀՀ դրամ: Տվյալ հոդվածով ձեռք է բերվել վառելիք, որի արդյունքում ՀՀ համաֆինանսավորման մասով չի բավականացրել 5.0 հազ. ՀՀ դրամ:

5113 հոդվածով 2018թ. պետական բյուջեով համաֆինանսավորման մասով նախատեսված է 823,447.2  հազ. ՀՀ դրամ: Նախատեսվում է շինարարական աշխատանքները ավարտել 2018թ. 4-րդ եռամսյակում: Հաշվի  առնելով վերոգրյալը, ինչպես նաև կապալառուների հետ կնքված պայմանագրերի փոփոխված և մնացորդային արժեքները՝ համաֆինանսավորման մասով առաջացել է  պակասորդ՝ մոտ 205,000 հազ. ՀՀ դրամի չափով: