ԵՐԱԺՇՏԱԿԱՆ, ԱՐՎԵՍՏԻ, ԳԵՂԱՐՎԵՍՏԻ ԵՎ ՊԱՐԱՐՎԵՍՏԻ ԴՊՐՈՑՆԵՐԻ ԸՆԴՈՒՆԵԼՈՒԹՅԱՆ ԿԱԶՄԱԿԵՐՊՄԱՆ ԵՎ ԱՎԱՐՏԱԿԱՆ ՔՆՆՈՒԹՅՈՒՆՆԵՐԻ ԱՆՑԿԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Ողջունում եմ նախագիծը գաղափարական առումով և ակնկալում նրա ուժի մեջ մտնելը։Առա

ջարկում եմ և շատ ուրախ կլինեմ, որ այս առումով առաջարկս ընդունվի և կյանքի կոչվի այսչափ կարևոր խնդիրը։ Դպրոցական ծրագրում վերականգնել ազգային երգ ու պարի դասաժամերը։ Այն մեծ դեր ունի մատաղ սերնդի գեղագիտական դաստիարակության և կրթության գործում, նպաստում է ազգային արժեքների պահպանմանը և սերնդեսերունդ փոխանցմանը։ Վստահաբար նշեմ, որ այն մի ձև է, սովորողներին հաղորդակից դարձնել ազգայինին, հայեցիին, հայկականին։ Հայցում եմ հետևողական վերաբերմունք։ Կանխավ, շնորհակալություն

Հաշվի առնելով, որ հանրակրթական դպրոցներում մինչև հինգերորդ դասարանի երկրորդ կիսամյակ սովորողները միավորային (բալային) գնահատում չեն ստանում՝ նպատակ ունենալով նվազեցնել նրանց վրա հոգեբանական ճնշումը, խուսափել վաղ տարիքից մրցակցային միջավայրի ձևավորումից և ապահովել ուսումնական գործընթացի սահուն, բնական և զարգացնող ընթացքը, նպատակահարմար է նույն մոտեցումը կիրառել նաև երաժշտական, արվեստի, գեղարվեստի և պարարվեստի դպրոցներում սովորողների նկատմամբ։

Վերջիններիս կրթական ծրագրերը միտված են ստեղծագործական կարողությունների բացահայտմանը, անհատական տեմպով զարգացմանը և հետաքրքրության խրախուսմանը, ուստի վաղ տարիքից միավորային գնահատման կիրառումը կարող է առաջ բերել ավելորդ սթրես, անհանգստություն և հիասթափության զգացում՝ դրանով իսկ խոչընդոտելով ուսուցման նկատմամբ դրական մոտիվացիայի ձևավորումը։

Այդ հիմքով առաջարկվում է այն կարգավորման մշակումը, համաձայն որի՝

• մինչև հինգերորդ դասարանի երկրորդ կիսամյակ սովորողներին արվեստի, երաժշտական, գեղարվեստի և պարարվեստի դպրոցներում ևս չկիրառել միավորային գնահատում,
• ապահովել գնահատման որակական և խրախուսող ձևերի կիրառում, որոնք կնպաստեն երեխայի ինքնավստահության, ստեղծագործական կարողությունների և ուսումնական հետաքրքրությունների կայուն զարգացմանը,
• սահմանել մեկ միասնական մոտեցում, որը կբացառի վաղ տարիքում միավորային գնահատման պատճառով առաջացող սթրեսի ու հիասթափության ռիսկերը և կերաշխավորի բոլոր սովորողների բարեկեցիկ ու անվտանգ կրթական միջավայրը։