ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ ՄԱՐՏԻ 2-Ի N 269-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Նախագծի նպատակն է բարելավել գործող իրավակարգավորումները և ապահովել դրանց համապատասխանությունը ոլորտում առկա ընթացիկ պահանջներին ու արդիական  մարտահրավերներին։                                            

  Առաջարկում եմ նախագծի իրագործման ընթացքում ուշադրություն դարձնել հետևյալ հարցերին՝

1. Իրականացման մեխանիզմների հստակեցում – կարևոր է սահմանել պատասխանատու մարմինների լիազորությունների և փոխգործակցության հստակ շրջանակ ։
2. Իրավական հստակություն – անհրաժեշտ է որոշ ձևակերպումների ճշգրտում՝ հնարավոր երկիմաստ մեկնաբանություններից խուսափելու նպատակով։
3. Հանրային իրազեկման բաղադրիչ – նպատակահարմար է նախքան փոփոխությունների ուժի մեջ մտնելը իրականացնել համապատասխան իրազեկման աշխատանքներ ։

Որոշման 2-րդ կետը սահմանում է այն դեպքերը, երբ մանկավարժական աշխատողը համատեղությամբ աշխատում է ատեստավորում անցած ուղղությունից տարբերվող ուղղությամբ։ Սակայն տվյալ կետում հստակ չէ այն կարգավորումը, երբ աշխատողը ատեստավորում է անցնում նաև այդ այլ՝ տարբերվող ուղղությամբ և շարունակելով նույն կամ այլ հաստատությունում աշխատանքը՝ ինչպես պետք է հաշվարկվի և տրամադրվի լրավճարը։

Այս առումով առաջարկում եմ  կատարել Որոշման հստակեցում՝ սահմանելով լրավճարի տրամադրման կարգը այն դեպքում, երբ մանկավարժական աշխատողը ատեստավորվում է միաժամանակ երկու կամ ավելի տարբեր ուղղություններով և դրանք իրականացնում է նույն կամ տարբեր հաստատություններում։ Առաջարկում եմ սահմանել լրացուցիչ ենթակետ կամ հստակեցնել գործող ձևակերպումը՝ սահմանելով, որ այն դեպքերում, երբ մանկավարժական աշխատողը ատեստավորվել է ատեստավորում անցած ուղղությունից տարբերվող ուղղությամբ և շարունակում է աշխատանքն այդ ուղղությամբ նույն կամ այլ հաստատությունում, լրավճարը տրամադրվում է վերջին անցած ատեստավորման արդյունքներով՝ համապատասխան նոր ուղղության:

Առաջարկի նպատակն է՝ ապահովել իրավական  հստակեցում, կանխել հակասական մեկնաբանությունները և երաշխավորել մանկավարժական աշխատողների նկատմամբ լրավճարի տրամադրման հավասար մոտեցում:

Ողջունելի է, առաջարկվող փոփոխությունններն ու լրացումները միտված է իրավական կարգավորումների հստակեցմանը, ապահովված են պետության կողմից լրավճարների տրամադրման կազմակերպական և ֆինանսական հստակ հիմքերը: