ՆԵՐՀԱՄԱՅՆՔԱՅԻՆ ԱՎՏՈԲՈՒՍԱՅԻՆ ԿԱՆՈՆԱՎՈՐ ՓՈԽԱԴՐՈՒՄՆԵՐԻ ՍՊԱՍԱՐԿՈՒՄԸ ԳՆՄԱՆ ԳՈՐԾԸՆԹԱՑԻ ՄԻՋՈՑՈՎ ԿԱԶՄԱԿԵՐՊԵԼՈՒ ՊԱՀԱՆՋՆԵՐԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարության «Ներհամայնքային ավտոբուսային կանոնավոր փոխադրումների սպասարկումը գնման գործընթացի միջոցով կազմակերպելու պահանջները հաստատելու մասին» որոշման նախագծի հավելվածով հաստատվող պահանջների. 1. 4-րդ և 5-րդ կետերը անհարկի կրկնում են «Ավտոմոբիլային տրանսպորտի մասին» օրենքի 10-րդ հոդվածի համապատասխանաբար 1-ին և 3-րդ մասի պահանջները, իսկ 4-րդ կետը նաև՝ սխալ։

2. Հստակեցման կարիք ունի, ով և ինչի հիման վրա է սահմանում գնման գործընթացի շրջանակներում ներհամայնքային երթուղիները սպասարկող տրանսպորտային միջոցների տեխնիկական բնութագրերը։ Միաժամանակ, Ձև 1-ով նախատեսված չափորոշիչները սպառիչ չեն, ինչպես նաև առկա է կրկնություն։

3. Ձև 2-ում՝ - Անհասկանալի է «Ժամանակացույցի տեսակը (ID)» հասկացությունը, ներքաղաքային երթուղիների չվացուցակները պետք է լինեն մի տեսակի, որը սահմանված է ՀՀ կառավարության որոշմամբ, երևի լսել են, որ Խորհրդային տարիներին երթուղիները անձնագրավորված են եղել, կարծում եմ, որ (ID)-ն դրան է վերաբերվում, ներկայումս օրենսդրությամբ նման կարգավորում չկա։