<Հայաստանի հանքագործների և մետալուրգների միություն> ՀԿ
12.03.2025
Հայաստանի հանքագործների և մետալուրգների միության կարծիքը նախագծի վերաբերյալ. 1) Փոշեճնշիչ սարքավորումների կիրառման պահանջ սահմանելիս, արդյոք նորմատիվի և առաջարկվող մեխանիզմների կիրառման մեթոդը հստակեցվել է առանց հաշվի առնելո՞ւ դրանց ազդեցության օբյեկտ հանդիսացող ցուցանիշները։ 2) Առաջարկվող մեխանիզմները ունեն սեզոնային կիրառություն, այն դեպքում, երբ նորմատիվի կիրառման ոլորտում գտնվող տնտեսական գործունեությունները ունեն մշտական բնույթ։ Անհասկանալի է, թե ի՞նչ մեխանիզմներով է լրացվելու այդ բացը։ 3) Ի՞նչ կառավարման/վերահսկողական մեխանիզմներ են կիրառվելու նորմատիվի պահանջները բավարարելու համար։ 4) Քննարկվող տնտեսական գործունեությունները հիմնականում «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի համաձայն փորձաքննության ենթակա գործունեություններ են, և փոշու կառավարման միջոցառումները սահմանված են հենց ՇՄԱԳ-ով։ Ի՞նչ մեխանիզմներ են կիրառվելու այս նոր պահանջները կիրարկող տնտեսվարողների վրա։ 5) ՀՀ ՏԿԵ նախարարի 2022 թվականի սեպտեմբերի 9-ի N 15-Ն հրամանի 31–րդ կետի 2–րդ ենթակետի «ժէ» պարբերությունում, 35–րդ կետի 23–րդ ենթակետում, 42–րդ կետի 2–րդ ենթակետի «գ․», «ժը» պարբերություններում և 6–րդ ենթակետի «ժզ.» պարբերությունում արդեն իսկ նախատեսված են փոշենստեցման աշխատանքներ։ Ելնելով վերոգրյաից՝ առաջարկում ենք Նախագծի հավելված ծրագրի 3-րդ կետից հանել ՀՀ ՏԿԵ նախարարի 2022 թվականի սեպտեմբերի 9-ի N 15-Ն հրամանում լրացում կատարելու մասը, հստակեցնել նաև տվյալ հարցի նկատմամբ պետական մոտեցումը և քաղաքականությունը, որից հետո, անհրաժեշտության դեպքում, փոշեճնշիչ սարքավորումների կիրառումը ներառել ՇՄԱԳ հաշվետվությանը ներկայացվող պահանջներում։